פסוקים על Revenge

75 פסוקים · 32 היבטים

פסוקי מפתח

סינון לפי ספר
  1. 2 שְׁמוּאֵל י״ג:כ״ח

    ויצו אבשלום את נעריו לאמר ראו נא כטוב לב אמנון ביין ואמרתי אליכם הכו את אמנון והמתם אתו אל תיראו הלוא כי אנכי צויתי אתכם חזקו והיו לבני חיל׃

  2. 2 שְׁמוּאֵל י״ג:כ״ט

    ויעשו נערי אבשלום לאמנון כאשר צוה אבשלום ויקמו כל בני המלך וירכבו איש על פרדו וינסו׃

  3. 1 מְלָכִים י״ט:ב׳

    ותשלח איזבל מלאך אל אליהו לאמר כה יעשון אלהים וכה יוספון כי כעת מחר אשים את נפשך כנפש אחד מהם׃

  4. 1 מְלָכִים כ״ב:כ״ו

    ויאמר מלך ישראל קח את מיכיהו והשיבהו אל אמן שר העיר ואל יואש בן המלך׃

  5. אֶסְתֵר ג׳:ח׳

    ויאמר המן למלך אחשורוש ישנו עם אחד מפזר ומפרד בין העמים בכל מדינות מלכותך ודתיהם שנות מכל עם ואת דתי המלך אינם עשים ולמלך אין שוה להניחם׃

  6. אֶסְתֵר ג׳:ט׳

    אם על המלך טוב יכתב לאבדם ועשרת אלפים ככר כסף אשקול על ידי עשי המלאכה להביא אל גנזי המלך׃

  7. אֶסְתֵר ג׳:י׳

    ויסר המלך את טבעתו מעל ידו ויתנה להמן בן המדתא האגגי צרר היהודים׃

  8. אֶסְתֵר ג׳:י״א

    ויאמר המלך להמן הכסף נתון לך והעם לעשות בו כטוב בעיניך׃

  9. אֶסְתֵר ג׳:י״ב

    ויקראו ספרי המלך בחדש הראשון בשלושה עשר יום בו ויכתב ככל אשר צוה המן אל אחשדרפני המלך ואל הפחות אשר על מדינה ומדינה ואל שרי עם ועם מדינה ומדינה ככתבה ועם ועם כלשונו בשם המלך אחשורש נכתב ונחתם בטבעת המלך׃

  10. אֶסְתֵר ג׳:י״ג

    ונשלוח ספרים ביד הרצים אל כל מדינות המלך להשמיד להרג ולאבד את כל היהודים מנער ועד זקן טף ונשים ביום אחד בשלושה עשר לחדש שנים עשר הוא חדש אדר ושללם לבוז׃

  11. אֶסְתֵר ג׳:י״ד

    פתשגן הכתב להנתן דת בכל מדינה ומדינה גלוי לכל העמים להיות עתדים ליום הזה׃

  12. אֶסְתֵר ג׳:ט״ו

    הרצים יצאו דחופים בדבר המלך והדת נתנה בשושן הבירה והמלך והמן ישבו לשתות והעיר שושן נבוכה׃

  13. מִשְׁלֵי כ׳:כ״ב

    אל תאמר אשלמה רע קוה ליהוה וישע לך׃

  14. מִשְׁלֵי כ״ד:י״ז

    בנפל אויביך אל תשמח ובכשלו אל יגל לבך׃

  15. מִשְׁלֵי כ״ד:כ״ט

    אל תאמר כאשר עשה לי כן אעשה לו אשיב לאיש כפעלו׃

  16. מִשְׁלֵי כ״ה:כ״א

    אם רעב שנאך האכלהו לחם ואם צמא השקהו מים׃

  17. מִשְׁלֵי כ״ה:כ״ב

    כי גחלים אתה חתה על ראשו ויהוה ישלם לך׃

  18. יְשַׁעְיָהוּ נ״ג:ז׳

    נגש והוא נענה ולא יפתח פיו כשה לטבח יובל וכרחל לפני גזזיה נאלמה ולא יפתח פיו׃

  19. יִרְמְיָהוּ כ׳:י׳

    כי שמעתי דבת רבים מגור מסביב הגידו ונגידנו כל אנוש שלומי שמרי צלעי אולי יפתה ונוכלה לו ונקחה נקמתנו ממנו׃

  20. יְחֶזְקֵאל כ״ה:י״ב

    כה אמר אדני יהוה יען עשות אדום בנקם נקם לבית יהודה ויאשמו אשום ונקמו בהם׃

  21. יְחֶזְקֵאל כ״ה:ט״ו

    כה אמר אדני יהוה יען עשות פלשתים בנקמה וינקמו נקם בשאט בנפש למשחית איבת עולם׃

  22. יְחֶזְקֵאל כ״ה:ט״ז

    לכן כה אמר אדני יהוה הנני נוטה ידי על פלשתים והכרתי את כרתים והאבדתי את שארית חוף הים׃

  23. יְחֶזְקֵאל כ״ה:י״ז

    ועשיתי בם נקמות גדלות בתוכחות חמה וידעו כי אני יהוה בתתי את נקמתי בם׃

  24. עָמוֹס א׳:י״א

    כה אמר יהוה על שלשה פשעי אדום ועל ארבעה לא אשיבנו על רדפו בחרב אחיו ושחת רחמיו ויטרף לעד אפו ועברתו שמרה נצח׃

  25. עָמוֹס א׳:י״ב

    ושלחתי אש בתימן ואכלה ארמנות בצרה׃