Absalom

92 פסוקים · 23 בני משפחה

ידוע גם בשם: Abishalom

פסוקים המזכירים את Absalom

סינון לפי ספר
  1. 2 שְׁמוּאֵל ט״ז:כ״א

    ויאמר אחיתפל אל אבשלם בוא אל פלגשי אביך אשר הניח לשמור הבית ושמע כל ישראל כי נבאשת את אביך וחזקו ידי כל אשר אתך׃

  2. 2 שְׁמוּאֵל ט״ז:כ״ב

    ויטו לאבשלום האהל על הגג ויבא אבשלום אל פלגשי אביו לעיני כל ישראל׃

  3. 2 שְׁמוּאֵל ט״ז:כ״ג

    ועצת אחיתפל אשר יעץ בימים ההם כאשר ישאל בדבר האלהים כן כל עצת אחיתפל גם לדוד גם לאבשלם׃

  4. 2 שְׁמוּאֵל י״ז:א׳

    ¶ ויאמר אחיתפל אל אבשלם אבחרה נא שנים עשר אלף איש ואקומה וארדפה אחרי דוד הלילה׃

  5. 2 שְׁמוּאֵל י״ז:ד׳

    ויישר הדבר בעיני אבשלם ובעיני כל זקני ישראל׃

  6. 2 שְׁמוּאֵל י״ז:ה׳

    ויאמר אבשלום קרא נא גם לחושי הארכי ונשמעה מה בפיו גם הוא׃

  7. 2 שְׁמוּאֵל י״ז:ו׳

    ויבא חושי אל אבשלום ויאמר אבשלום אליו לאמר כדבר הזה דבר אחיתפל הנעשה את דברו אם אין אתה דבר׃

  8. 2 שְׁמוּאֵל י״ז:ז׳

    ויאמר חושי אל אבשלום לא טובה העצה אשר יעץ אחיתפל בפעם הזאת׃

  9. 2 שְׁמוּאֵל י״ז:ט׳

    הנה עתה הוא נחבא באחת הפחתים או באחד המקומת והיה כנפל בהם בתחלה ושמע השמע ואמר היתה מגפה בעם אשר אחרי אבשלם׃

  10. 2 שְׁמוּאֵל י״ז:י״ד

    ויאמר אבשלום וכל איש ישראל טובה עצת חושי הארכי מעצת אחיתפל ויהוה צוה להפר את עצת אחיתפל הטובה לבעבור הביא יהוה אל אבשלום את הרעה׃

  11. 2 שְׁמוּאֵל י״ז:ט״ו

    ויאמר חושי אל צדוק ואל אביתר הכהנים כזאת וכזאת יעץ אחיתפל את אבשלם ואת זקני ישראל וכזאת וכזאת יעצתי אני׃

  12. 2 שְׁמוּאֵל י״ז:י״ח

    וירא אתם נער ויגד לאבשלם וילכו שניהם מהרה ויבאו אל בית איש בבחורים ולו באר בחצרו וירדו שם׃

  13. 2 שְׁמוּאֵל י״ז:כ׳

    ויבאו עבדי אבשלום אל האשה הביתה ויאמרו איה אחימעץ ויהונתן ותאמר להם האשה עברו מיכל המים ויבקשו ולא מצאו וישבו ירושלם׃

  14. 2 שְׁמוּאֵל י״ז:כ״ד

    ודוד בא מחנימה ואבשלם עבר את הירדן הוא וכל איש ישראל עמו׃

  15. 2 שְׁמוּאֵל י״ז:כ״ה

    ואת עמשא שם אבשלם תחת יואב על הצבא ועמשא בן איש ושמו יתרא הישראלי אשר בא אל אביגל בת נחש אחות צרויה אם יואב׃

  16. 2 שְׁמוּאֵל י״ז:כ״ו

    ויחן ישראל ואבשלם ארץ הגלעד׃

  17. 2 שְׁמוּאֵל י״ח:ה׳

    ויצו המלך את יואב ואת אבישי ואת אתי לאמר לאט לי לנער לאבשלום וכל העם שמעו בצות המלך את כל השרים על דבר אבשלום׃

  18. 2 שְׁמוּאֵל י״ח:ט׳

    ויקרא אבשלום לפני עבדי דוד ואבשלום רכב על הפרד ויבא הפרד תחת שובך האלה הגדולה ויחזק ראשו באלה ויתן בין השמים ובין הארץ והפרד אשר תחתיו עבר׃

  19. 2 שְׁמוּאֵל י״ח:י׳

    וירא איש אחד ויגד ליואב ויאמר הנה ראיתי את אבשלם תלוי באלה׃

  20. 2 שְׁמוּאֵל י״ח:י״ב

    ויאמר האיש אל יואב ולא אנכי שקל על כפי אלף כסף לא אשלח ידי אל בן המלך כי באזנינו צוה המלך אתך ואת אבישי ואת אתי לאמר שמרו מי בנער באבשלום׃

  21. 2 שְׁמוּאֵל י״ח:י״ד

    ויאמר יואב לא כן אחילה לפניך ויקח שלשה שבטים בכפו ויתקעם בלב אבשלום עודנו חי בלב האלה׃

  22. 2 שְׁמוּאֵל י״ח:ט״ו

    ויסבו עשרה נערים נשאי כלי יואב ויכו את אבשלום וימיתהו׃

  23. 2 שְׁמוּאֵל י״ח:י״ז

    ויקחו את אבשלום וישליכו אתו ביער אל הפחת הגדול ויצבו עליו גל אבנים גדול מאד וכל ישראל נסו איש לאהלו׃

  24. 2 שְׁמוּאֵל י״ח:י״ח

    ואבשלם לקח ויצב לו בחיו את מצבת אשר בעמק המלך כי אמר אין לי בן בעבור הזכיר שמי ויקרא למצבת על שמו ויקרא לה יד אבשלם עד היום הזה׃

  25. 2 שְׁמוּאֵל י״ח:כ״ט

    ויאמר המלך שלום לנער לאבשלום ויאמר אחימעץ ראיתי ההמון הגדול לשלח את עבד המלך יואב ואת עבדך ולא ידעתי מה׃