פסוקים על Council

44 פסוקים · 2 היבטים

פסוקי מפתח

2 שְׁמוּאֵל י״ז:א׳
¶ ויאמר אחיתפל אל אבשלם אבחרה נא שנים עשר אלף איש ואקומה וארדפה אחרי דוד הלילה׃
2 שְׁמוּאֵל י״ז:ב׳
ואבוא עליו והוא יגע ורפה ידים והחרדתי אתו ונס כל העם אשר אתו והכיתי את המלך לבדו׃
2 שְׁמוּאֵל י״ז:ג׳
ואשיבה כל העם אליך כשוב הכל האיש אשר אתה מבקש כל העם יהיה שלום׃
2 שְׁמוּאֵל י״ז:ד׳
ויישר הדבר בעיני אבשלם ובעיני כל זקני ישראל׃
2 שְׁמוּאֵל י״ז:ה׳
ויאמר אבשלום קרא נא גם לחושי הארכי ונשמעה מה בפיו גם הוא׃
2 שְׁמוּאֵל י״ז:ו׳
ויבא חושי אל אבשלום ויאמר אבשלום אליו לאמר כדבר הזה דבר אחיתפל הנעשה את דברו אם אין אתה דבר׃
2 שְׁמוּאֵל י״ז:ז׳
ויאמר חושי אל אבשלום לא טובה העצה אשר יעץ אחיתפל בפעם הזאת׃
2 שְׁמוּאֵל י״ז:ח׳
ויאמר חושי אתה ידעת את אביך ואת אנשיו כי גברים המה ומרי נפש המה כדב שכול בשדה ואביך איש מלחמה ולא ילין את העם׃
2 שְׁמוּאֵל י״ז:ט׳
הנה עתה הוא נחבא באחת הפחתים או באחד המקומת והיה כנפל בהם בתחלה ושמע השמע ואמר היתה מגפה בעם אשר אחרי אבשלם׃
2 שְׁמוּאֵל י״ז:י׳
והוא גם בן חיל אשר לבו כלב האריה המס ימס כי ידע כל ישראל כי גבור אביך ובני חיל אשר אתו׃
2 שְׁמוּאֵל י״ז:י״א
כי יעצתי האסף יאסף עליך כל ישראל מדן ועד באר שבע כחול אשר על הים לרב ופניך הלכים בקרב׃
2 שְׁמוּאֵל י״ז:י״ב
ובאנו אליו באחת המקומת אשר נמצא שם ונחנו עליו כאשר יפל הטל על האדמה ולא נותר בו ובכל האנשים אשר אתו גם אחד׃
2 שְׁמוּאֵל י״ז:י״ג
ואם אל עיר יאסף והשיאו כל ישראל אל העיר ההיא חבלים וסחבנו אתו עד הנחל עד אשר לא נמצא שם גם צרור׃
2 שְׁמוּאֵל י״ז:י״ד
ויאמר אבשלום וכל איש ישראל טובה עצת חושי הארכי מעצת אחיתפל ויהוה צוה להפר את עצת אחיתפל הטובה לבעבור הביא יהוה אל אבשלום את הרעה׃
2 שְׁמוּאֵל י״ז:ט״ו
ויאמר חושי אל צדוק ואל אביתר הכהנים כזאת וכזאת יעץ אחיתפל את אבשלם ואת זקני ישראל וכזאת וכזאת יעצתי אני׃
מַעֲשֵׂי הַשְּׁלִיחִים ט״ו:א׳
¶ ואנשים ירדו מיהודה וילמדו את האחים לאמר אם לא תמולו כדת משה לא תושעון׃
מַעֲשֵׂי הַשְּׁלִיחִים ט״ו:ב׳
ויהי על זאת ריב ומחלקת לא קלה לפולוס ולבר נבא עמהם ויגזרו כי פולוס ובר נבא ואחרים מהם יעלו ירושלים אל השליחים והזקנים על אדות השאלה הזאת׃
מַעֲשֵׂי הַשְּׁלִיחִים ט״ו:ג׳
ותלוה אתם הקהלה ויעברו את פינוקיא ואת שמרון מספרים את תשובת הגוים וישמחו את כל האחים שמחה גדולה׃
מַעֲשֵׂי הַשְּׁלִיחִים ט״ו:ד׳
ויהי כבאם ירושלים ויקבלו אתם הקהלה והשליחים והזקנים ויגידו להם את אשר הגדיל האלהים לעשות עמהם׃
מַעֲשֵׂי הַשְּׁלִיחִים ט״ו:ה׳
ויקומו אנשים מאמינים מכת הפרושים ויאמרו כי חובה היא למול אתם ולצותם לשמר את תורת משה׃
מַעֲשֵׂי הַשְּׁלִיחִים ט״ו:ו׳
ויקהלו השליחים והזקנים לעין בדבר הזה׃
מַעֲשֵׂי הַשְּׁלִיחִים ט״ו:ז׳
ויהי ברבות המחלקת קם פטרוס ויאמר אליהם אנשים אחים אתם ידעתם כי מימים ראשים בי בחר האלהים מכלנו אשר ישמעו הגוים מפי את דבר הבשורה ויאמינו׃
מַעֲשֵׂי הַשְּׁלִיחִים ט״ו:ח׳
והאלהים ידע הלבבות העיד עליהם בתתו גם להם את רוח הקדש כאשר נתן לנו׃
מַעֲשֵׂי הַשְּׁלִיחִים ט״ו:ט׳
ולא הבדיל בינינו וביניהם כי טהר את לבבם על ידי האמונה׃
מַעֲשֵׂי הַשְּׁלִיחִים ט״ו:י׳
ועתה מה תנסו את האלהים לשום על על צוארי התלמידים אשר גם אבותינו גם אנחנו לא יכלנו לשאת׃

מציג 1–25 מתוך 44 פסוקים

1 2 הבא