Ayoyin Littafi Mai Tsarki game da The Mercy of God

Ya kawo Isra’ila ta tsakiyarsa, Ƙaunarsa madawwamiya ce.

Amma ya share Fir’auna da mayaƙansa cikin Jan Teku; Ƙaunarsa madawwamiya ce.

Gare shi wanda ya bi da mutanensa cikin hamada, Ƙaunarsa madawwamiya ce.

Wanda ya buge manyan sarakuna, Ƙaunarsa madawwamiya ce.

Ya karkashe manyan sarakuna, Ƙaunarsa madawwamiya ce.

Sihon sarkin Amoriyawa Ƙaunarsa madawwamiya ce.

Da kuma Og sarkin Bashan, Ƙaunarsa madawwamiya ce.

Ya kuma ba da ƙasarsu gādo, Ƙaunarsa madawwamiya ce.

Gādo ga bawansa Isra’ila; Ƙaunarsa madawwamiya ce.

Shi wanda ya tuna da mu cikin ƙasƙancinmu Ƙaunarsa madawwamiya ce.

Ya kuma ’yantar da mu daga abokan gābanmu, Ƙaunarsa madawwamiya ce.

Wanda kuma ke ba da abinci ga kowace halitta. Ƙaunarsa madawwamiya ce.

Ku yi godiya ga Allah na sama. Ƙaunarsa madawwamiya ce.

Ubangiji nagari ne ga duka; yana tausayin dukan abubuwan da ya yi.

Ubangiji yakan yi farin ciki a waɗanda suke tsoronsa, waɗanda suke sa zuciya a ƙaunarsa marar ƙarewa.

Duk wanda ya ɓoye zunubansa ba ya taɓa cin nasara, amma duk wanda ya furta ya kuma ƙi su yakan sami jinƙai.

Ku yi sowa don farin ciki, ya ku sammai; ki yi farin ciki, ya ke duniya; ku ɓarke da waƙa, ya ku duwatsu! Gama Ubangiji ya ta’azantar da mutanensa zai kuma ji tausayin mutanensa da suke shan wahala.

“Gama a ɗan ƙanƙanen lokaci na rabu da ke, amma da ƙauna mai zurfi zan sāke dawo da ke.

Cikin fushi mai zafi na ɓoye fuskata daga gare ki na ɗan lokaci, amma da madawwamin alheri zan ji tausayinki,” in ji Ubangiji Mai Fansarki.

Ku kasa kunne ku kuma zo gare ni; ku saurare ni, don ranku ya rayu. Zan yi madawwamin alkawari da ku, zan nuna muku ƙaunata marar ƙarewa da na yi wa Dawuda alkawari.

Bari mugu ya bar irin halinsa mugu kuma ya sāke irin tunaninsa. Bari yă juyo ga Ubangiji, zai kuwa ji tausayinsa, ya juyo ga Allahnmu kuma, gama shi mai gafartawa ne a sauƙaƙe.

Ka tafi, ka yi shelar saƙon nan wajen arewa cewa, “ ‘Ki komo, Isra’ila marar bangaskiya,’ in ji Ubangiji, ‘Ba zan ƙara yin fushi da ke ba, gama ni mai jinƙai ne,’ in ji Ubangiji, ‘Ba zan yi fushi da ke har abada ba.

sowa ta farin ciki da murna, muryoyin amarya da na ango, da muryoyin waɗanda suka kawo hadayun salama a gidan Ubangiji suna cewa, “ ‘ “Ku yi godiya ga Ubangiji Maɗaukaki, gama Ubangiji mai alheri ne; ƙaunarsa za tă dawwama har abada.” Gama zan mayar da wadatar ƙasar kamar yadda suke a dā,’ in ji Ubangiji.

Domin ƙaunar Ubangiji ba mu hallaka ba; gama jiyejiyanƙansa ba su ƙarewa.

Sababbi ne kowace safiya; amincinka kuwa mai girma ne.