פסוקים על The Mercy of God

והעביר ישראל בתוכו כי לעולם חסדו׃

ונער פרעה וחילו בים סוף כי לעולם חסדו׃

למוליך עמו במדבר כי לעולם חסדו׃

למכה מלכים גדלים כי לעולם חסדו׃

ויהרג מלכים אדירים כי לעולם חסדו׃

לסיחון מלך האמרי כי לעולם חסדו׃

ולעוג מלך הבשן כי לעולם חסדו׃

ונתן ארצם לנחלה כי לעולם חסדו׃

נחלה לישראל עבדו כי לעולם חסדו׃

שבשפלנו זכר לנו כי לעולם חסדו׃

ויפרקנו מצרינו כי לעולם חסדו׃

נתן לחם לכל בשר כי לעולם חסדו׃

הודו לאל השמים כי לעולם חסדו׃

טוב יהוה לכל ורחמיו על כל מעשיו׃

רוצה יהוה את יראיו את המיחלים לחסדו׃

מכסה פשעיו לא יצליח ומודה ועזב ירחם׃

רנו שמים וגילי ארץ יפצחו הרים רנה כי נחם יהוה עמו ועניו ירחם׃

ברגע קטן עזבתיך וברחמים גדלים אקבצך׃

בשצף קצף הסתרתי פני רגע ממך ובחסד עולם רחמתיך אמר גאלך יהוה׃

הטו אזנכם ולכו אלי שמעו ותחי נפשכם ואכרתה לכם ברית עולם חסדי דוד הנאמנים׃

יעזב רשע דרכו ואיש און מחשבתיו וישב אל יהוה וירחמהו ואל אלהינו כי ירבה לסלוח׃

הלך וקראת את הדברים האלה צפונה ואמרת שובה משבה ישראל נאם יהוה לוא אפיל פני בכם כי חסיד אני נאם יהוה לא אטור לעולם׃

קול ששון וקול שמחה קול חתן וקול כלה קול אמרים הודו את יהוה צבאות כי טוב יהוה כי לעולם חסדו מבאים תודה בית יהוה כי אשיב את שבות הארץ כבראשנה אמר יהוה׃

חסדי יהוה כי לא תמנו כי לא כלו רחמיו׃

חדשים לבקרים רבה אמונתך׃