פסוקים על The Mercy of God

כי כגבה שמים על הארץ גבר חסדו על יראיו׃

וחסד יהוה מעולם ועד עולם על יראיו וצדקתו לבני בנים׃

¶ הללויה הודו ליהוה כי טוב כי לעולם חסדו׃

¶ הדו ליהוה כי טוב כי לעולם חסדו׃

¶ לא לנו יהוה לא לנו כי לשמך תן כבוד על חסדך על אמתך׃

¶ הודו ליהוה כי טוב כי לעולם חסדו׃

יאמר נא ישראל כי לעולם חסדו׃

יאמרו נא בית אהרן כי לעולם חסדו׃

יאמרו נא יראי יהוה כי לעולם חסדו׃

הודו ליהוה כי טוב כי לעולם חסדו׃

חסדך יהוה מלאה הארץ חקיך למדני׃

יחל ישראל אל יהוה כי עם יהוה החסד והרבה עמו פדות׃

¶ הודו ליהוה כי טוב כי לעולם חסדו׃

הודו לאלהי האלהים כי לעולם חסדו׃

הודו לאדני האדנים כי לעולם חסדו׃

לעשה נפלאות גדלות לבדו כי לעולם חסדו׃

לעשה השמים בתבונה כי לעולם חסדו׃

לרקע הארץ על המים כי לעולם חסדו׃

לעשה אורים גדלים כי לעולם חסדו׃

את השמש לממשלת ביום כי לעולם חסדו׃

את הירח וכוכבים לממשלות בלילה כי לעולם חסדו׃

למכה מצרים בבכוריהם כי לעולם חסדו׃

ויוצא ישראל מתוכם כי לעולם חסדו׃

ביד חזקה ובזרוע נטויה כי לעולם חסדו׃

לגזר ים סוף לגזרים כי לעולם חסדו׃