Mistari ya Biblia kuhusu Righteousness

Mtu mwenye haki ni mwangalifu katika urafiki, bali njia ya waovu huwapotosha.

Katika njia ya haki kuna uzima; katika mapito hayo kuna maisha ya milele.

Haki humlinda mtu mwadilifu, bali uovu humwangusha mwenye dhambi.

Mwenye haki hula mpaka akaridhisha moyo wake, bali tumbo la mwovu hutaabika kwa njaa.

Haki huinua taifa, bali dhambi ni aibu kwa watu wote.

Nyumba ya mwenye haki ina hazina kubwa, bali mapato ya waovu huwaletea taabu.

Bwana huchukia sana njia ya waovu, bali huwapenda wale wafuatao haki.

Bwana yuko mbali na waovu, bali husikia maombi ya wenye haki.

Wafalme huchukia sana kutenda maovu, kwa maana kiti cha ufalme hufanywa imara kwa njia ya haki.

Mvi ni taji ya utukufu; hupatikana kwa maisha ya uadilifu.

Kufanya yaliyo sawa na haki inakubalika zaidi kwa Bwana kuliko dhabihu.

Yeye afuatiaye haki na upendo hupata uzima, mafanikio na heshima.

Ondoa waovu mbele ya mfalme, nacho kiti chake cha enzi kitaimarishwa kwa njia ya haki.

Mtu mwovu hukimbia ingawa hakuna yeyote anayemfukuza, bali wenye haki ni wajasiri kama simba.

Mwenye haki hujali haki kwa ajili ya maskini, bali mwovu hajishughulishi na hilo.

Waambie wanyofu itakuwa heri kwao, kwa kuwa watafurahia tunda la matendo yao.

Shamba la mzabibu la Bwana Mwenye Nguvu Zote ni nyumba ya Israeli, na watu wa Yuda ni bustani yake ya kumpendeza. Alitazamia haki, lakini akaona umwagaji damu, alitazamia uadilifu, lakini akasikia vilio vya taabu.

bali kwa uadilifu atahukumu wahitaji, kwa haki ataamua wanyenyekevu wa dunia. Ataipiga dunia kwa fimbo ya kinywa chake, kwa pumzi ya midomo yake atawaua waovu.

Haki itakuwa mkanda wake na uaminifu utakuwa mshipi kiunoni mwake.

Nafsi yangu yakutamani wakati wa usiku, wakati wa asubuhi roho yangu yakuonea shauku. Wakati hukumu zako zinapokuja juu ya dunia, watu wa ulimwengu hujifunza haki.

Ingawa neema yaonyeshwa kwa waovu, hawajifunzi haki, hata katika nchi ya unyofu huendelea kutenda mabaya wala hawazingatii utukufu wa Bwana.

Nitaifanya haki kuwa kamba ya kupimia na uadilifu kuwa timazi; mvua ya mawe itafagia kimbilio lenu, huo uongo, nayo maji yatafurikia mahali penu pa kujificha.

Tazama, mfalme atatawala kwa uadilifu na watawala watatawala kwa haki.

Haki itakaa katika jangwa, na uadilifu utakaa katika shamba lenye rutuba.

Matunda ya haki yatakuwa amani, matokeo ya haki yatakuwa utulivu na matumaini milele.