פסוקים על Righteousness

480 פסוקים · 132 היבטים

פסוקי מפתח

סינון לפי ספר
  1. מִשְׁלֵי י״ב:כ״ו

    יתר מרעהו צדיק ודרך רשעים תתעם׃

  2. מִשְׁלֵי י״ב:כ״ח

    בארח צדקה חיים ודרך נתיבה אל מות׃

  3. מִשְׁלֵי י״ג:ו׳

    צדקה תצר תם דרך ורשעה תסלף חטאת׃

  4. מִשְׁלֵי י״ג:כ״ה

    צדיק אכל לשבע נפשו ובטן רשעים תחסר׃

  5. מִשְׁלֵי י״ד:ל״ד

    צדקה תרומם גוי וחסד לאמים חטאת׃

  6. מִשְׁלֵי ט״ו:ו׳

    בית צדיק חסן רב ובתבואת רשע נעכרת׃

  7. מִשְׁלֵי ט״ו:ט׳

    תועבת יהוה דרך רשע ומרדף צדקה יאהב׃

  8. מִשְׁלֵי ט״ו:כ״ט

    רחוק יהוה מרשעים ותפלת צדיקים ישמע׃

  9. מִשְׁלֵי ט״ז:י״ב

    תועבת מלכים עשות רשע כי בצדקה יכון כסא׃

  10. מִשְׁלֵי ט״ז:ל״א

    עטרת תפארת שיבה בדרך צדקה תמצא׃

  11. מִשְׁלֵי כ״א:ג׳

    עשה צדקה ומשפט נבחר ליהוה מזבח׃

  12. מִשְׁלֵי כ״א:כ״א

    רדף צדקה וחסד ימצא חיים צדקה וכבוד׃

  13. מִשְׁלֵי כ״ה:ה׳

    הגו רשע לפני מלך ויכון בצדק כסאו׃

  14. מִשְׁלֵי כ״ח:א׳

    ¶ נסו ואין רדף רשע וצדיקים ככפיר יבטח׃

  15. מִשְׁלֵי כ״ט:ז׳

    ידע צדיק דין דלים רשע לא יבין דעת׃

  16. יְשַׁעְיָהוּ ג׳:י׳

    אמרו צדיק כי טוב כי פרי מעלליהם יאכלו׃

  17. יְשַׁעְיָהוּ ה׳:ז׳

    כי כרם יהוה צבאות בית ישראל ואיש יהודה נטע שעשועיו ויקו למשפט והנה משפח לצדקה והנה צעקה׃

  18. יְשַׁעְיָהוּ י״א:ד׳

    ושפט בצדק דלים והוכיח במישור לענוי ארץ והכה ארץ בשבט פיו וברוח שפתיו ימית רשע׃

  19. יְשַׁעְיָהוּ י״א:ה׳

    והיה צדק אזור מתניו והאמונה אזור חלציו׃

  20. יְשַׁעְיָהוּ כ״ו:ט׳

    נפשי אויתיך בלילה אף רוחי בקרבי אשחרך כי כאשר משפטיך לארץ צדק למדו ישבי תבל׃

  21. יְשַׁעְיָהוּ כ״ו:י׳

    יחן רשע בל למד צדק בארץ נכחות יעול ובל יראה גאות יהוה׃

  22. יְשַׁעְיָהוּ כ״ח:י״ז

    ושמתי משפט לקו וצדקה למשקלת ויעה ברד מחסה כזב וסתר מים ישטפו׃

  23. יְשַׁעְיָהוּ ל״ב:א׳

    ¶ הן לצדק ימלך מלך ולשרים למשפט ישרו׃

  24. יְשַׁעְיָהוּ ל״ב:ט״ז

    ושכן במדבר משפט וצדקה בכרמל תשב׃

  25. יְשַׁעְיָהוּ ל״ב:י״ז

    והיה מעשה הצדקה שלום ועבדת הצדקה השקט ובטח עד עולם׃