פסוקים על Righteousness

480 פסוקים · 132 היבטים

פסוקי מפתח

סינון לפי ספר
  1. יְשַׁעְיָהוּ ס״א:ג׳

    לשום לאבלי ציון לתת להם פאר תחת אפר שמן ששון תחת אבל מעטה תהלה תחת רוח כהה וקרא להם אילי הצדק מטע יהוה להתפאר׃

  2. יְשַׁעְיָהוּ ס״א:י׳

    שוש אשיש ביהוה תגל נפשי באלהי כי הלבישני בגדי ישע מעיל צדקה יעטני כחתן יכהן פאר וככלה תעדה כליה׃

  3. יְשַׁעְיָהוּ ס״א:י״א

    כי כארץ תוציא צמחה וכגנה זרועיה תצמיח כן אדני יהוה יצמיח צדקה ותהלה נגד כל הגוים׃

  4. יְשַׁעְיָהוּ ס״ב:א׳

    ¶ למען ציון לא אחשה ולמען ירושלם לא אשקוט עד יצא כנגה צדקה וישועתה כלפיד יבער׃

  5. יְשַׁעְיָהוּ ס״ד:ו׳

    ונהי כטמא כלנו וכבגד עדים כל צדקתינו ונבל כעלה כלנו ועוננו כרוח ישאנו׃

  6. יִרְמְיָהוּ כ״ג:ו׳

    בימיו תושע יהודה וישראל ישכן לבטח וזה שמו אשר יקראו יהוה צדקנו׃

  7. יְחֶזְקֵאל י״ח:ה׳

    ואיש כי יהיה צדיק ועשה משפט וצדקה׃

  8. יְחֶזְקֵאל י״ח:ו׳

    אל ההרים לא אכל ועיניו לא נשא אל גלולי בית ישראל ואת אשת רעהו לא טמא ואל אשה נדה לא יקרב׃

  9. יְחֶזְקֵאל י״ח:ז׳

    ואיש לא יונה חבלתו חוב ישיב גזלה לא יגזל לחמו לרעב יתן ועירם יכסה בגד׃

  10. יְחֶזְקֵאל י״ח:ח׳

    בנשך לא יתן ותרבית לא יקח מעול ישיב ידו משפט אמת יעשה בין איש לאיש׃

  11. יְחֶזְקֵאל י״ח:ט׳

    בחקותי יהלך ומשפטי שמר לעשות אמת צדיק הוא חיה יחיה נאם אדני יהוה׃

  12. יְחֶזְקֵאל ל״ג:ט״ו

    חבל ישיב רשע גזלה ישלם בחקות החיים הלך לבלתי עשות עול חיו יחיה לא ימות׃

  13. יְחֶזְקֵאל מ״ז:י״ב

    ועל הנחל יעלה על שפתו מזה ומזה כל עץ מאכל לא יבול עלהו ולא יתם פריו לחדשיו יבכר כי מימיו מן המקדש המה יוצאים והיו פריו למאכל ועלהו לתרופה׃

  14. דָּנִיֵּאל ד׳:כ״ז

    להן מלכא מלכי ישפר עליך וחטיך בצדקה פרק ועויתך במחן ענין הן תהוא ארכה לשלותך׃

  15. דָּנִיֵּאל ט׳:כ״ד

    שבעים שבעים נחתך על עמך ועל עיר קדשך לכלא הפשע ולחתם חטאות ולכפר עון ולהביא צדק עלמים ולחתם חזון ונביא ולמשח קדש קדשים׃

  16. דָּנִיֵּאל י״ב:ג׳

    והמשכלים יזהרו כזהר הרקיע ומצדיקי הרבים ככוכבים לעולם ועד׃

  17. הוֹשֵׁעַ י׳:י״ב

    זרעו לכם לצדקה קצרו לפי חסד נירו לכם ניר ועת לדרוש את יהוה עד יבוא וירה צדק לכם׃

  18. עָמוֹס ה׳:ז׳

    ההפכים ללענה משפט וצדקה לארץ הניחו׃

  19. צְפַנְיָה ב׳:ג׳

    בקשו את יהוה כל ענוי הארץ אשר משפטו פעלו בקשו צדק בקשו ענוה אולי תסתרו ביום אף יהוה׃

  20. מַלְאָכִי ג׳:ג׳

    וישב מצרף ומטהר כסף וטהר את בני לוי וזקק אתם כזהב וככסף והיו ליהוה מגישי מנחה בצדקה׃

  21. מַלְאָכִי ד׳:ב׳

    וזרחה לכם יראי שמי שמש צדקה ומרפא בכנפיה ויצאתם ופשתם כעגלי מרבק׃

  22. מתיו ג׳:ט״ו

    ויען ישוע ויאמר אליו הניחה לי כי כן נאוה לנו למלא כל הצדקה וינח לו׃

  23. מתיו ה׳:ו׳

    אשרי הרעבים והצמאים לצדקה כי הם ישבעו׃

  24. מתיו ה׳:י׳

    אשרי הנרדפים על דבר הצדקה כי להם מלכות השמים׃

  25. מתיו ה׳:כ׳

    כי אני אמר לכם אם לא תרבה צדקתכם מצדקת הסופרים והפרושים לא תבאו אל מלכות השמים׃