פסוקים על Righteousness

480 פסוקים · 132 היבטים

פסוקי מפתח

סינון לפי ספר
  1. יְשַׁעְיָהוּ ל״ב:י״ח

    וישב עמי בנוה שלום ובמשכנות מבטחים ובמנוחת שאננות׃

  2. יְשַׁעְיָהוּ ל״ג:ט״ו

    הלך צדקות ודבר מישרים מאס בבצע מעשקות נער כפיו מתמך בשחד אטם אזנו משמע דמים ועצם עיניו מראות ברע׃

  3. יְשַׁעְיָהוּ ל״ג:ט״ז

    הוא מרומים ישכן מצדות סלעים משגבו לחמו נתן מימיו נאמנים׃

  4. יְשַׁעְיָהוּ ל״ג:י״ז

    מלך ביפיו תחזינה עיניך תראינה ארץ מרחקים׃

  5. יְשַׁעְיָהוּ מ״ה:ח׳

    הרעיפו שמים ממעל ושחקים יזלו צדק תפתח ארץ ויפרו ישע וצדקה תצמיח יחד אני יהוה בראתיו׃

  6. יְשַׁעְיָהוּ מ״ה:כ״ד

    אך ביהוה לי אמר צדקות ועז עדיו יבוא ויבשו כל הנחרים בו׃

  7. יְשַׁעְיָהוּ מ״ו:י״ב

    שמעו אלי אבירי לב הרחוקים מצדקה׃

  8. יְשַׁעְיָהוּ מ״ח:א׳

    ¶ שמעו זאת בית יעקב הנקראים בשם ישראל וממי יהודה יצאו הנשבעים בשם יהוה ובאלהי ישראל יזכירו לא באמת ולא בצדקה׃

  9. יְשַׁעְיָהוּ נ״א:א׳

    ¶ שמעו אלי רדפי צדק מבקשי יהוה הביטו אל צור חצבתם ואל מקבת בור נקרתם׃

  10. יְשַׁעְיָהוּ נ״א:ז׳

    שמעו אלי ידעי צדק עם תורתי בלבם אל תיראו חרפת אנוש ומגדפתם אל תחתו׃

  11. יְשַׁעְיָהוּ נ״ד:י״ז

    כל כלי יוצר עליך לא יצלח וכל לשון תקום אתך למשפט תרשיעי זאת נחלת עבדי יהוה וצדקתם מאתי נאם יהוה׃

  12. יְשַׁעְיָהוּ נ״ה:י״ב

    כי בשמחה תצאו ובשלום תובלון ההרים והגבעות יפצחו לפניכם רנה וכל עצי השדה ימחאו כף׃

  13. יְשַׁעְיָהוּ נ״ה:י״ג

    תחת הנעצוץ יעלה ברוש תחת הסרפד יעלה הדס והיה ליהוה לשם לאות עולם לא יכרת׃

  14. יְשַׁעְיָהוּ נ״ח:ו׳

    הלוא זה צום אבחרהו פתח חרצבות רשע התר אגדות מוטה ושלח רצוצים חפשים וכל מוטה תנתקו׃

  15. יְשַׁעְיָהוּ נ״ח:ז׳

    הלוא פרס לרעב לחמך ועניים מרודים תביא בית כי תראה ערם וכסיתו ומבשרך לא תתעלם׃

  16. יְשַׁעְיָהוּ נ״ח:ח׳

    אז יבקע כשחר אורך וארכתך מהרה תצמח והלך לפניך צדקך כבוד יהוה יאספך׃

  17. יְשַׁעְיָהוּ נ״ח:ט׳

    אז תקרא ויהוה יענה תשוע ויאמר הנני אם תסיר מתוכך מוטה שלח אצבע ודבר און׃

  18. יְשַׁעְיָהוּ נ״ח:י׳

    ותפק לרעב נפשך ונפש נענה תשביע וזרח בחשך אורך ואפלתך כצהרים׃

  19. יְשַׁעְיָהוּ נ״ח:י״א

    ונחך יהוה תמיד והשביע בצחצחות נפשך ועצמתיך יחליץ והיית כגן רוה וכמוצא מים אשר לא יכזבו מימיו׃

  20. יְשַׁעְיָהוּ נ״ח:י״ב

    ובנו ממך חרבות עולם מוסדי דור ודור תקומם וקרא לך גדר פרץ משבב נתיבות לשבת׃

  21. יְשַׁעְיָהוּ נ״ח:י״ג

    אם תשיב משבת רגלך עשות חפציך ביום קדשי וקראת לשבת ענג לקדוש יהוה מכבד וכבדתו מעשות דרכיך ממצוא חפצך ודבר דבר׃

  22. יְשַׁעְיָהוּ נ״ח:י״ד

    אז תתענג על יהוה והרכבתיך על במותי ארץ והאכלתיך נחלת יעקב אביך כי פי יהוה דבר׃

  23. יְשַׁעְיָהוּ נ״ט:ט״ז

    וירא כי אין איש וישתומם כי אין מפגיע ותושע לו זרעו וצדקתו היא סמכתהו׃

  24. יְשַׁעְיָהוּ נ״ט:י״ז

    וילבש צדקה כשרין וכובע ישועה בראשו וילבש בגדי נקם תלבשת ויעט כמעיל קנאה׃

  25. יְשַׁעְיָהוּ ס׳:כ״א

    ועמך כלם צדיקים לעולם יירשו ארץ נצר מטעו מעשה ידי להתפאר׃