פסוקים על Righteousness

והאמן ביהוה ויחשבה לו צדקה׃

חללה לך מעשת כדבר הזה להמית צדיק עם רשע והיה כצדיק כרשע חללה לך השפט כל הארץ לא יעשה משפט׃

וענתה בי צדקתי ביום מחר כי תבוא על שכרי לפניך כל אשר איננו נקד וטלוא בעזים וחום בכשבים גנוב הוא אתי׃

לא תעשו עול במשפט לא תשא פני דל ולא תהדר פני גדול בצדק תשפט עמיתך׃

מי מנה עפר יעקב ומספר את רבע ישראל תמת נפשי מות ישרים ותהי אחריתי כמהו׃

וצדקה תהיה לנו כי נשמר לעשות את כל המצוה הזאת לפני יהוה אלהינו כאשר צונו׃

לא בצדקתך ובישר לבבך אתה בא לרשת את ארצם כי ברשעת הגוים האלה יהוה אלהיך מורישם מפניך ולמען הקים את הדבר אשר נשבע יהוה לאבתיך לאברהם ליצחק וליעקב׃

ויאמר פינחס בן אלעזר הכהן אל בני ראובן ואל בני גד ואל בני מנשה היום ידענו כי בתוכנו יהוה אשר לא מעלתם ביהוה המעל הזה אז הצלתם את בני ישראל מיד יהוה׃

יגמלני יהוה כצדקתי כבר ידי ישיב לי׃

ויאמר שלמה אתה עשית עם עבדך דוד אבי חסד גדול כאשר הלך לפניך באמת ובצדקה ובישרת לבב עמך ותשמר לו את החסד הגדול הזה ותתן לו בן ישב על כסאו כיום הזה׃

מה אנוש כי יזכה וכי יצדק ילוד אשה׃

ויאחז צדיק דרכו וטהר ידים יסיף אמץ׃

צדק לבשתי וילבשני כמעיל וצניף משפטי׃

יעתר אל אלוה וירצהו וירא פניו בתרועה וישב לאנוש צדקתו׃

לא יגרע מצדיק עיניו ואת מלכים לכסא וישיבם לנצח ויגבהו׃

כי אם בתורת יהוה חפצו ובתורתו יהגה יומם ולילה׃

והיה כעץ שתול על פלגי מים אשר פריו יתן בעתו ועלהו לא יבול וכל אשר יעשה יצליח׃

על כן לא יקמו רשעים במשפט וחטאים בעדת צדיקים׃

כי יודע יהוה דרך צדיקים ודרך רשעים תאבד׃

זבחו זבחי צדק ובטחו אל יהוה׃

כי אתה תברך צדיק יהוה כצנה רצון תעטרנו׃

יהוה צדיק יבחן ורשע ואהב חמס שנאה נפשו׃

כי צדיק יהוה צדקות אהב ישר יחזו פנימו׃

הכל סר יחדו נאלחו אין עשה טוב אין גם אחד׃

¶ מזמור לדוד יהוה מי יגור באהלך מי ישכן בהר קדשך׃