פסוקים על Righteousness

הולך תמים ופעל צדק ודבר אמת בלבבו׃

לא רגל על לשנו לא עשה לרעהו רעה וחרפה לא נשא על קרבו׃

נבזה בעיניו נמאס ואת יראי יהוה יכבד נשבע להרע ולא ימר׃

כספו לא נתן בנשך ושחד על נקי לא לקח עשה אלה לא ימוט לעולם׃

לקדושים אשר בארץ המה ואדירי כל חפצי בם׃

אני בצדק אחזה פניך אשבעה בהקיץ תמונתך׃

נפשי ישובב ינחני במעגלי צדק למען שמו׃

מי יעלה בהר יהוה ומי יקום במקום קדשו׃

נקי כפים ובר לבב אשר לא נשא לשוא נפשי ולא נשבע למרמה׃

ישא ברכה מאת יהוה וצדקה מאלהי ישעו׃

סוד יהוה ליראיו ובריתו להודיעם׃

תאלמנה שפתי שקר הדברות על צדיק עתק בגאוה ובוז׃

עיני יהוה אל צדיקים ואזניו אל שועתם׃

צעקו ויהוה שמע ומכל צרותם הצילם׃

רבות רעות צדיק ומכלם יצילנו יהוה׃

תמותת רשע רעה ושנאי צדיק יאשמו׃

דברי פיו און ומרמה חדל להשכיל להיטיב׃

נער הייתי גם זקנתי ולא ראיתי צדיק נעזב וזרעו מבקש לחם׃

צופה רשע לצדיק ומבקש להמיתו׃

בשרתי צדק בקהל רב הנה שפתי לא אכלא יהוה אתה ידעת׃

כסאך אלהים עולם ועד שבט מישר שבט מלכותך׃

אהבת צדק ותשנא רשע על כן משחך אלהים אלהיך שמן ששון מחבריך׃

לב טהור ברא לי אלהים ורוח נכון חדש בקרבי׃

אז תחפץ זבחי צדק עולה וכליל אז יעלו על מזבחך פרים׃

אהבת רע מטוב שקר מדבר צדק סלה׃