פסוקים על Righteousness: Fruits of

וצדקה תהיה לנו כי נשמר לעשות את כל המצוה הזאת לפני יהוה אלהינו כאשר צונו׃

ויאמר פינחס בן אלעזר הכהן אל בני ראובן ואל בני גד ואל בני מנשה היום ידענו כי בתוכנו יהוה אשר לא מעלתם ביהוה המעל הזה אז הצלתם את בני ישראל מיד יהוה׃

והיה כעץ שתול על פלגי מים אשר פריו יתן בעתו ועלהו לא יבול וכל אשר יעשה יצליח׃

¶ מזמור לדוד יהוה מי יגור באהלך מי ישכן בהר קדשך׃

הולך תמים ופעל צדק ודבר אמת בלבבו׃

לא רגל על לשנו לא עשה לרעהו רעה וחרפה לא נשא על קרבו׃

נבזה בעיניו נמאס ואת יראי יהוה יכבד נשבע להרע ולא ימר׃

כספו לא נתן בנשך ושחד על נקי לא לקח עשה אלה לא ימוט לעולם׃

מי יעלה בהר יהוה ומי יקום במקום קדשו׃

נקי כפים ובר לבב אשר לא נשא לשוא נפשי ולא נשבע למרמה׃

ישא ברכה מאת יהוה וצדקה מאלהי ישעו׃

לא אשית לנגד עיני דבר בליעל עשה סטים שנאתי לא ידבק בי׃

לבב עקש יסור ממני רע לא אדע׃

אשרי שמרי משפט עשה צדקה בכל עת׃

זרח בחשך אור לישרים חנון ורחום וצדיק׃

טוב איש חונן ומלוה יכלכל דבריו במשפט׃

כי לעולם לא ימוט לזכר עולם יהיה צדיק׃

משמועה רעה לא יירא נכון לבו בטח ביהוה׃

סמוך לבו לא יירא עד אשר יראה בצריו׃

אז תבין יראת יהוה ודעת אלהים תמצא׃

כי יהוה יתן חכמה מפיו דעת ותבונה׃

וצפן לישרים תושיה מגן להלכי תם׃

לנצר ארחות משפט ודרך חסידו ישמר׃

אז תבין צדק ומשפט ומישרים כל מעגל טוב׃

כי תבוא חכמה בלבך ודעת לנפשך ינעם׃