פסוקים על Righteousness

השלך על יהוה יהבך והוא יכלכלך לא יתן לעולם מוט לצדיק׃

ישמח צדיק ביהוה וחסה בו ויתהללו כל ישרי לב׃

ידין עמך בצדק וענייך במשפט׃

ועז מלך משפט אהב אתה כוננת מישרים משפט וצדקה ביעקב אתה עשית׃

לא אשית לנגד עיני דבר בליעל עשה סטים שנאתי לא ידבק בי׃

לבב עקש יסור ממני רע לא אדע׃

אשרי שמרי משפט עשה צדקה בכל עת׃

פעמים רבות יצילם והמה ימרו בעצתם וימכו בעונם׃

הון ועשר בביתו וצדקתו עמדת לעד׃

זרח בחשך אור לישרים חנון ורחום וצדיק׃

טוב איש חונן ומלוה יכלכל דבריו במשפט׃

כי לעולם לא ימוט לזכר עולם יהיה צדיק׃

משמועה רעה לא יירא נכון לבו בטח ביהוה׃

סמוך לבו לא יירא עד אשר יראה בצריו׃

פזר נתן לאביונים צדקתו עמדת לעד קרנו תרום בכבוד׃

קרבו רדפי זמה מתורתך רחקו׃

כהניך ילבשו צדק וחסידיך ירננו׃

יהוה פקח עורים יהוה זקף כפופים יהוה אהב צדיקים׃

אז תבין יראת יהוה ודעת אלהים תמצא׃

כי יהוה יתן חכמה מפיו דעת ותבונה׃

וצפן לישרים תושיה מגן להלכי תם׃

לנצר ארחות משפט ודרך חסידו ישמר׃

אז תבין צדק ומשפט ומישרים כל מעגל טוב׃

כי תבוא חכמה בלבך ודעת לנפשך ינעם׃

מזמה תשמר עליך תבונה תנצרכה׃