Mistari ya Biblia kuhusu Righteousness

Hekima itakuokoa kutoka njia za waovu, kutoka kwa watu ambao maneno yao yamepotoka,

wale waachao mapito yaliyonyooka wakatembea katika njia za giza,

wale wapendao kutenda mabaya na kufurahia upotovu wa ubaya,

ambao mapito yao yamepotoka na ambao ni wapotovu katika njia zao.

Itakuokoa pia kutokana na mwanamke kahaba, kutokana na mke aliyepotoka mwenye maneno ya kushawishi kutenda ubaya,

aliyemwacha mwenzi wa ujana wake na kupuuza agano alilofanya mbele ya Mungu.

Kwa maana nyumba yake huelekea kwenye kifo na mapito yake kwenye roho za waliokufa.

Hakuna yeyote aendaye kwake akarudi, au kufikia mapito ya uzima.

Hivyo utatembea katika njia za watu wema na kushikamana na mapito ya wenye haki.

kwa kuwa Bwana humchukia mtu mpotovu, lakini siri yake iko kwa mwenye haki.

Hazina zilizopatikana kwa njia mbaya hazifai, lakini uadilifu huokoa kutoka mautini.

Bwana hawaachi waadilifu kukaa njaa, lakini hupinga tamaa ya mtu mwovu.

Ujira wa wenye haki huwaletea uzima, lakini mapato ya waovu huwaletea adhabu.

Kile anachoogopa mwovu ndicho kitakachompata; kile anachoonea shauku mwenye haki atapewa.

Kamwe wenye haki hawataondolewa, bali waovu hawatasalia katika nchi.

Haki ya wasio na lawama, huwatengenezea njia iliyonyooka, bali waovu huangushwa kwa uovu wao wenyewe.

Haki ya wanyofu huwaokoa, bali wasio waaminifu hunaswa na tamaa mbaya.

Mtu mwenye haki huokolewa kutoka taabu, naye mtu mwovu huingia humo badala yake.

Mtu mwovu hupata ujira wa udanganyifu, bali yeye apandaye haki huvuna tuzo ya uhakika.

Mtu mwenye haki kweli kweli hupata uzima, bali yeye afuatiliaye ubaya huendea kifo chake.

Shauku ya mwenye haki huishia tu kwenye mema, bali tumaini la mwovu huishia tu kwenye ghadhabu.

Yeyote ategemeaye utajiri wake ataanguka, bali mwenye haki atastawi kama jani bichi.

Tunda la mwenye haki ni mti wa uzima, naye mwenye hekima huvuta roho za watu.

Mtu hathibitiki kutokana na uovu, bali mwenye haki hataondolewa.

Mipango ya mtu mwadilifu ni ya haki, bali ushauri wa mwovu ni udanganyifu.