Praise बद्दल बायबलमधील वचने

490 वचने · 106 पैलू

प्रमुख बायबल वचने

स्तोत्रसंहिता १४७:१५
ते आपल्या आज्ञा पृथ्वीवर पाठवितात; त्यांचा शब्द वायुवेगाने पसरतो.
स्तोत्रसंहिता १४७:१६
शुभ्र लोकरीसारख्या हिमाचा ते वर्षाव करतात आणि हिमकण जमिनीवर राखेसारखे विखुरतात.
स्तोत्रसंहिता १४७:१७
ते पृथ्वीवर गारांच्या खड्यांप्रमाणे वर्षाव करतात. त्यांच्या गोठविणार्‍या थंडीपुढे कोण टिकेल?
स्तोत्रसंहिता १४७:१८
परंतु नंतर ते उष्ण हवेला आज्ञा करतात, तेव्हा हिम वितळते आणि जलप्रवाह वाहू लागतो.
स्तोत्रसंहिता १४७:१९
त्यांनी आपले वचन याकोबाला विदित केलेले आहेत आणि विधी व नियम इस्राएलला स्पष्ट केले आहेत.
स्तोत्रसंहिता १४७:२०
इतर कोणत्याही राष्ट्राकरिता त्यांनी असे केले नाही; ते त्यांच्या आज्ञांबाबत अज्ञानी आहेत. याहवेहचे स्तवन करा.
स्तोत्रसंहिता १४८:१
याहवेहचे स्तवन करा. आकाशमंडलातून त्यांचे स्तवन करा; ऊर्ध्वलोकी त्यांचे स्तवन करा.
स्तोत्रसंहिता १४८:२
त्यांचे सर्व स्वर्गदूत, त्यांचे स्तवन करो; त्यांची सर्व स्वर्गीय सेना, त्यांचे स्तवन करो.
स्तोत्रसंहिता १४८:३
सूर्य आणि चंद्रमा त्यांचे स्तवन करा; सर्व चमकत्या तारकांनो, त्यांचे स्तवन करा.
स्तोत्रसंहिता १४८:४
हे सर्वोच्च आकाशांनो, आणि आकाशाच्याही वरील जलांनो, त्यांचे स्तवन करा.
स्तोत्रसंहिता १४८:५
त्यांची निर्मिती याहवेहचे स्तवन करो, कारण त्यांनी आज्ञा दिली आणि ती अस्तित्वात आली.
स्तोत्रसंहिता १४८:६
आणि त्यांनी त्यांची स्थापना सदासर्वकाळासाठी केली आहे— त्यांची राजाज्ञा कधीही रद्द केली जाणार नाही.
स्तोत्रसंहिता १४८:७
पृथ्वीवर याहवेहचेच स्तवन होवो, खोल महासागर व त्यातील समस्त विशालकाय प्राण्यांनो,
स्तोत्रसंहिता १४८:८
विजा व गारा, हिम व धुके, तसेच वादळी वारे, त्यांचे स्तवन करोत.
स्तोत्रसंहिता १४८:९
अहो पर्वतांनो व सर्व टेकड्यांनो, फळझाडे व समस्त गंधसरू,
स्तोत्रसंहिता १४८:१०
हिंस्र पशू आणि सर्व गुरे, सूक्ष्म जीव व उडणारे पक्षी,
स्तोत्रसंहिता १४८:११
पृथ्वीवरील राजे व सर्व राष्ट्रे, अहो अधिपती व त्यांच्या न्यायाधीशांनो,
स्तोत्रसंहिता १४८:१२
युवक व युवतींनो, वृद्ध व बालके.
स्तोत्रसंहिता १४८:१३
तुम्ही सर्व याहवेहचे स्तवन करा, कारण केवळ त्यांच्याच नामाला महिमा मिळो; त्यांचे ऐश्वर्य पृथ्वी आणि आकाशाहून महान आहे.
स्तोत्रसंहिता १४८:१४
त्यांनी त्यांच्या लोकांचे शिंग उभारले आहे, ते त्यांच्या सर्व नीतिमान भक्तांना, त्यांच्या अंतःकरणासमीप, त्यांना अत्यंत प्रिय अशा इस्राएली लोकांना स्तवन पात्र केले आहे. याहवेहचे स्तवन करा.
स्तोत्रसंहिता १४९:१
याहवेहचे स्तवन करा. याहवेहसाठी एक नवे गीत गा, त्यांच्या भक्तांच्या सभेत त्यांची स्तुतिस्तोत्रे गायली जावोत.
स्तोत्रसंहिता १४९:२
हे इस्राएला, आपल्या निर्माणकर्त्याच्या ठायी आनंदोत्सव कर; अहो सीयोनकरांनो, आपल्या राजाच्या ठायी उल्लास पावा.
स्तोत्रसंहिता १४९:३
त्यांच्या गौरवार्थ नृत्य करीत, डफ आणि वीणा यांच्या संगीताच्या साथीवर स्तुती गा.
स्तोत्रसंहिता १४९:४
कारण याहवेहला आपल्या लोकांमुळे संतोष होतो; ते नम्रजनांस विजयी करतात.
स्तोत्रसंहिता १४९:५
या सन्मानामुळे त्यांचे सात्विक उल्लास करोत आणि आपल्या अंथरुणावर हर्षगीते गावोत.

490 वचनांपैकी 326–350 दाखवत आहोत

मागील 1...12 13 14 15 16...20 पुढील