פסוקים על Strife

158 פסוקים · 57 היבטים

פסוקי מפתח

סינון לפי ספר
  1. מִשְׁלֵי ו׳:י״ז

    עינים רמות לשון שקר וידים שפכות דם נקי׃

  2. מִשְׁלֵי ו׳:י״ח

    לב חרש מחשבות און רגלים ממהרות לרוץ לרעה׃

  3. מִשְׁלֵי ו׳:י״ט

    יפיח כזבים עד שקר ומשלח מדנים בין אחים׃

  4. מִשְׁלֵי י׳:י״ב

    שנאה תעורר מדנים ועל כל פשעים תכסה אהבה׃

  5. מִשְׁלֵי י״ג:י׳

    רק בזדון יתן מצה ואת נועצים חכמה׃

  6. מִשְׁלֵי ט״ו:י״ח

    איש חמה יגרה מדון וארך אפים ישקיט ריב׃

  7. מִשְׁלֵי ט״ז:כ״ח

    איש תהפכות ישלח מדון ונרגן מפריד אלוף׃

  8. מִשְׁלֵי י״ז:א׳

    ¶ טוב פת חרבה ושלוה בה מבית מלא זבחי ריב׃

  9. מִשְׁלֵי י״ז:י״ד

    פוטר מים ראשית מדון ולפני התגלע הריב נטוש׃

  10. מִשְׁלֵי י״ז:י״ט

    אהב פשע אהב מצה מגביה פתחו מבקש שבר׃

  11. מִשְׁלֵי י״ח:ו׳

    שפתי כסיל יבאו בריב ופיו למהלמות יקרא׃

  12. מִשְׁלֵי י״ח:י״ט

    אח נפשע מקרית עז ומדונים כבריח ארמון׃

  13. מִשְׁלֵי י״ט:י״ג

    הות לאביו בן כסיל ודלף טרד מדיני אשה׃

  14. מִשְׁלֵי כ׳:ג׳

    כבוד לאיש שבת מריב וכל אויל יתגלע׃

  15. מִשְׁלֵי כ׳:כ״ב

    אל תאמר אשלמה רע קוה ליהוה וישע לך׃

  16. מִשְׁלֵי כ״א:י״ט

    טוב שבת בארץ מדבר מאשת מדונים וכעס׃

  17. מִשְׁלֵי כ״ב:י׳

    גרש לץ ויצא מדון וישבת דין וקלון׃

  18. מִשְׁלֵי כ״ג:כ״ט

    למי אוי למי אבוי למי מדונים למי שיח למי פצעים חנם למי חכללות עינים׃

  19. מִשְׁלֵי כ״ג:ל׳

    למאחרים על היין לבאים לחקר ממסך׃

  20. מִשְׁלֵי כ״ה:ח׳

    אל תצא לרב מהר פן מה תעשה באחריתה בהכלים אתך רעך׃

  21. מִשְׁלֵי כ״ה:כ״ד

    טוב שבת על פנת גג מאשת מדונים ובית חבר׃

  22. מִשְׁלֵי כ״ו:י״ז

    מחזיק באזני כלב עבר מתעבר על ריב לא לו׃

  23. מִשְׁלֵי כ״ו:כ׳

    באפס עצים תכבה אש ובאין נרגן ישתק מדון׃

  24. מִשְׁלֵי כ״ו:כ״א

    פחם לגחלים ועצים לאש ואיש מדונים לחרחר ריב׃

  25. מִשְׁלֵי כ״ז:ט״ו

    דלף טורד ביום סגריר ואשת מדונים נשתוה׃