פסוקים על Strife

ויהי ריב בין רעי מקנה אברם ובין רעי מקנה לוט והכנעני והפרזי אז ישב בארץ׃

ויאמר אברם אל לוט אל נא תהי מריבה ביני וביניך ובין רעי ובין רעיך כי אנשים אחים אנחנו׃

ויריבו רעי גרר עם רעי יצחק לאמר לנו המים ויקרא שם הבאר עשק כי התעשקו עמו׃

ויחר ליעקב וירב בלבן ויען יעקב ויאמר ללבן מה פשעי מה חטאתי כי דלקת אחרי׃

וישלח את אחיו וילכו ויאמר אלהם אל תרגזו בדרך׃

ויצא ביום השני והנה שני אנשים עברים נצים ויאמר לרשע למה תכה רעך׃

וכי יריבן אנשים והכה איש את רעהו באבן או באגרף ולא ימות ונפל למשכב׃

וכי ינצו אנשים ונגפו אשה הרה ויצאו ילדיה ולא יהיה אסון ענוש יענש כאשר ישית עליו בעל האשה ונתן בפללים׃

ויצא בן אשה ישראלית והוא בן איש מצרי בתוך בני ישראל וינצו במחנה בן הישראלית ואיש הישראלי׃

ויקב בן האשה הישראלית את השם ויקלל ויביאו אתו אל משה ושם אמו שלמית בת דברי למטה דן׃

איכה אשא לבדי טרחכם ומשאכם וריבכם׃

והנה כל איש ישראל באים אל המלך ויאמרו אל המלך מדוע גנבוך אחינו איש יהודה ויעברו את המלך ואת ביתו את הירדן וכל אנשי דוד עמו׃

ויען כל איש יהודה על איש ישראל כי קרוב המלך אלי ולמה זה חרה לך על הדבר הזה האכול אכלנו מן המלך אם נשאת נשא לנו׃

ויען איש ישראל את איש יהודה ויאמר עשר ידות לי במלך וגם בדוד אני ממך ומדוע הקלתני ולא היה דברי ראשון לי להשיב את מלכי ויקש דבר איש יהודה מדבר איש ישראל׃

ותפלטני מריבי עמי תשמרני לראש גוים עם לא ידעתי יעבדני׃

תפלטני מריבי עם תשימני לראש גוים עם לא ידעתי יעבדוני׃

תסתירם בסתר פניך מרכסי איש תצפנם בסכה מריב לשנות׃

¶ לדוד ריבה יהוה את יריבי לחם את לחמי׃

בלע אדני פלג לשונם כי ראיתי חמס וריב בעיר׃

תשימנו מדון לשכנינו ואיבינו ילעגו למו׃

אל תרוב עם אדם חנם אם לא גמלך רעה׃

אדם בליעל איש און הולך עקשות פה׃

קרץ בעינו מלל ברגלו מרה באצבעתיו׃

תהפכות בלבו חרש רע בכל עת מדנים ישלח׃

שש הנה שנא יהוה ושבע תועבות נפשו׃