פסוקים על Kings

580 פסוקים · 175 היבטים

פסוקי מפתח

סינון לפי ספר
  1. 2 דִּבְרֵי הַיָּמִים כ״א:ה׳

    בן שלשים ושתים שנה יהורם במלכו ושמונה שנים מלך בירושלם׃

  2. 2 דִּבְרֵי הַיָּמִים כ״א:ו׳

    וילך בדרך מלכי ישראל כאשר עשו בית אחאב כי בת אחאב היתה לו אשה ויעש הרע בעיני יהוה׃

  3. 2 דִּבְרֵי הַיָּמִים כ״א:ז׳

    ולא אבה יהוה להשחית את בית דויד למען הברית אשר כרת לדויד וכאשר אמר לתת לו ניר ולבניו כל הימים׃

  4. 2 דִּבְרֵי הַיָּמִים כ״א:ח׳

    בימיו פשע אדום מתחת יד יהודה וימליכו עליהם מלך׃

  5. 2 דִּבְרֵי הַיָּמִים כ״א:ט׳

    ויעבר יהורם עם שריו וכל הרכב עמו ויהי קם לילה ויך את אדום הסובב אליו ואת שרי הרכב׃

  6. 2 דִּבְרֵי הַיָּמִים כ״א:י׳

    ויפשע אדום מתחת יד יהודה עד היום הזה אז תפשע לבנה בעת ההיא מתחת ידו כי עזב את יהוה אלהי אבתיו׃

  7. 2 דִּבְרֵי הַיָּמִים כ״א:י״א

    גם הוא עשה במות בהרי יהודה ויזן את ישבי ירושלם וידח את יהודה׃

  8. 2 דִּבְרֵי הַיָּמִים כ״א:י״ב

    ויבא אליו מכתב מאליהו הנביא לאמר כה אמר יהוה אלהי דויד אביך תחת אשר לא הלכת בדרכי יהושפט אביך ובדרכי אסא מלך יהודה׃

  9. 2 דִּבְרֵי הַיָּמִים כ״א:י״ג

    ותלך בדרך מלכי ישראל ותזנה את יהודה ואת ישבי ירושלם כהזנות בית אחאב וגם את אחיך בית אביך הטובים ממך הרגת׃

  10. 2 דִּבְרֵי הַיָּמִים כ״א:י״ד

    הנה יהוה נגף מגפה גדולה בעמך ובבניך ובנשיך ובכל רכושך׃

  11. 2 דִּבְרֵי הַיָּמִים כ״א:ט״ו

    ואתה בחליים רבים במחלה מעיך עד יצאו מעיך מן החלי ימים על ימים׃

  12. 2 דִּבְרֵי הַיָּמִים כ״א:ט״ז

    ויער יהוה על יהורם את רוח הפלשתים והערבים אשר על יד כושים׃

  13. 2 דִּבְרֵי הַיָּמִים כ״א:י״ז

    ויעלו ביהודה ויבקעוה וישבו את כל הרכוש הנמצא לבית המלך וגם בניו ונשיו ולא נשאר לו בן כי אם יהואחז קטן בניו׃

  14. 2 דִּבְרֵי הַיָּמִים כ״א:י״ח

    ואחרי כל זאת נגפו יהוה במעיו לחלי לאין מרפא׃

  15. 2 דִּבְרֵי הַיָּמִים כ״א:י״ט

    ויהי לימים מימים וכעת צאת הקץ לימים שנים יצאו מעיו עם חליו וימת בתחלאים רעים ולא עשו לו עמו שרפה כשרפת אבתיו׃

  16. 2 דִּבְרֵי הַיָּמִים כ״א:כ׳

    בן שלשים ושתים היה במלכו ושמונה שנים מלך בירושלם וילך בלא חמדה ויקברהו בעיר דויד ולא בקברות המלכים׃

  17. 2 דִּבְרֵי הַיָּמִים כ״ב:א׳

    ¶ וימליכו יושבי ירושלם את אחזיהו בנו הקטן תחתיו כי כל הראשנים הרג הגדוד הבא בערבים למחנה וימלך אחזיהו בן יהורם מלך יהודה׃

  18. 2 דִּבְרֵי הַיָּמִים כ״ב:ב׳

    בן ארבעים ושתים שנה אחזיהו במלכו ושנה אחת מלך בירושלם ושם אמו עתליהו בת עמרי׃

  19. 2 דִּבְרֵי הַיָּמִים כ״ב:ג׳

    גם הוא הלך בדרכי בית אחאב כי אמו היתה יועצתו להרשיע׃

  20. 2 דִּבְרֵי הַיָּמִים כ״ב:ד׳

    ויעש הרע בעיני יהוה כבית אחאב כי המה היו לו יועצים אחרי מות אביו למשחית לו׃

  21. 2 דִּבְרֵי הַיָּמִים כ״ב:ה׳

    גם בעצתם הלך וילך את יהורם בן אחאב מלך ישראל למלחמה על חזאל מלך ארם ברמות גלעד ויכו הרמים את יורם׃

  22. 2 דִּבְרֵי הַיָּמִים כ״ב:ו׳

    וישב להתרפא ביזרעאל כי המכים אשר הכהו ברמה בהלחמו את חזהאל מלך ארם ועזריהו בן יהורם מלך יהודה ירד לראות את יהורם בן אחאב ביזרעאל כי חלה הוא׃

  23. 2 דִּבְרֵי הַיָּמִים כ״ב:ז׳

    ומאלהים היתה תבוסת אחזיהו לבוא אל יורם ובבאו יצא עם יהורם אל יהוא בן נמשי אשר משחו יהוה להכרית את בית אחאב׃

  24. 2 דִּבְרֵי הַיָּמִים כ״ב:ח׳

    ויהי כהשפט יהוא עם בית אחאב וימצא את שרי יהודה ובני אחי אחזיהו משרתים לאחזיהו ויהרגם׃

  25. 2 דִּבְרֵי הַיָּמִים כ״ב:ט׳

    ויבקש את אחזיהו וילכדהו והוא מתחבא בשמרון ויבאהו אל יהוא וימתהו ויקברהו כי אמרו בן יהושפט הוא אשר דרש את יהוה בכל לבבו ואין לבית אחזיהו לעצר כח לממלכה׃