פסוקים על Kings: Rendered hereditary in the family of David

כי ימלאו ימיך ושכבת את אבתיך והקימתי את זרעך אחריך אשר יצא ממעיך והכינתי את ממלכתו׃

הוא יבנה בית לשמי וכננתי את כסא ממלכתו עד עולם׃

אני אהיה לו לאב והוא יהיה לי לבן אשר בהעותו והכחתיו בשבט אנשים ובנגעי בני אדם׃

וחסדי לא יסור ממנו כאשר הסרתי מעם שאול אשר הסרתי מלפניך׃

ונאמן ביתך וממלכתך עד עולם לפניך כסאך יהיה נכון עד עולם׃

אחת נשבעתי בקדשי אם לדוד אכזב׃

זרעו לעולם יהיה וכסאו כשמש נגדי׃

כירח יכון עולם ועד בשחק נאמן סלה׃