פסוקים על Kings: Jehoash or Joash

25 פסוקים · 175 היבטים

פסוקים על Jehoash or Joash

2 מְלָכִים י״ג:י׳
בשנת שלשים ושבע שנה ליואש מלך יהודה מלך יהואש בן יהואחז על ישראל בשמרון שש עשרה שנה׃
2 מְלָכִים י״ג:י״א
ויעשה הרע בעיני יהוה לא סר מכל חטאות ירבעם בן נבט אשר החטיא את ישראל בה הלך׃
2 מְלָכִים י״ג:י״ב
ויתר דברי יואש וכל אשר עשה וגבורתו אשר נלחם עם אמציה מלך יהודה הלוא הם כתובים על ספר דברי הימים למלכי ישראל׃
2 מְלָכִים י״ג:י״ג
וישכב יואש עם אבתיו וירבעם ישב על כסאו ויקבר יואש בשמרון עם מלכי ישראל׃
2 מְלָכִים י״ג:י״ד
ואלישע חלה את חליו אשר ימות בו וירד אליו יואש מלך ישראל ויבך על פניו ויאמר אבי אבי רכב ישראל ופרשיו׃
2 מְלָכִים י״ג:ט״ו
ויאמר לו אלישע קח קשת וחצים ויקח אליו קשת וחצים׃
2 מְלָכִים י״ג:ט״ז
ויאמר למלך ישראל הרכב ידך על הקשת וירכב ידו וישם אלישע ידיו על ידי המלך׃
2 מְלָכִים י״ג:י״ז
ויאמר פתח החלון קדמה ויפתח ויאמר אלישע ירה ויור ויאמר חץ תשועה ליהוה וחץ תשועה בארם והכית את ארם באפק עד כלה׃
2 מְלָכִים י״ג:י״ח
ויאמר קח החצים ויקח ויאמר למלך ישראל הך ארצה ויך שלש פעמים ויעמד׃
2 מְלָכִים י״ג:י״ט
ויקצף עליו איש האלהים ויאמר להכות חמש או שש פעמים אז הכית את ארם עד כלה ועתה שלש פעמים תכה את ארם׃
2 מְלָכִים י״ג:כ׳
וימת אלישע ויקברהו וגדודי מואב יבאו בארץ בא שנה׃
2 מְלָכִים י״ג:כ״א
ויהי הם קברים איש והנה ראו את הגדוד וישליכו את האיש בקבר אלישע וילך ויגע האיש בעצמות אלישע ויחי ויקם על רגליו׃
2 מְלָכִים י״ג:כ״ב
וחזאל מלך ארם לחץ את ישראל כל ימי יהואחז׃
2 מְלָכִים י״ג:כ״ג
ויחן יהוה אתם וירחמם ויפן אליהם למען בריתו את אברהם יצחק ויעקב ולא אבה השחיתם ולא השליכם מעל פניו עד עתה׃
2 מְלָכִים י״ג:כ״ד
וימת חזאל מלך ארם וימלך בן הדד בנו תחתיו׃
2 מְלָכִים י״ג:כ״ה
וישב יהואש בן יהואחז ויקח את הערים מיד בן הדד בן חזאל אשר לקח מיד יהואחז אביו במלחמה שלש פעמים הכהו יואש וישב את ערי ישראל׃
2 מְלָכִים י״ד:ח׳
אז שלח אמציה מלאכים אל יהואש בן יהואחז בן יהוא מלך ישראל לאמר לכה נתראה פנים׃
2 מְלָכִים י״ד:ט׳
וישלח יהואש מלך ישראל אל אמציהו מלך יהודה לאמר החוח אשר בלבנון שלח אל הארז אשר בלבנון לאמר תנה את בתך לבני לאשה ותעבר חית השדה אשר בלבנון ותרמס את החוח׃
2 מְלָכִים י״ד:י׳
הכה הכית את אדום ונשאך לבך הכבד ושב בביתך ולמה תתגרה ברעה ונפלתה אתה ויהודה עמך׃
2 מְלָכִים י״ד:י״א
ולא שמע אמציהו ויעל יהואש מלך ישראל ויתראו פנים הוא ואמציהו מלך יהודה בבית שמש אשר ליהודה׃
2 מְלָכִים י״ד:י״ב
וינגף יהודה לפני ישראל וינסו איש לאהלו׃
2 מְלָכִים י״ד:י״ג
ואת אמציהו מלך יהודה בן יהואש בן אחזיהו תפש יהואש מלך ישראל בבית שמש ויבאו ירושלם ויפרץ בחומת ירושלם בשער אפרים עד שער הפנה ארבע מאות אמה׃
2 מְלָכִים י״ד:י״ד
ולקח את כל הזהב והכסף ואת כל הכלים הנמצאים בית יהוה ובאצרות בית המלך ואת בני התערבות וישב שמרונה׃
2 מְלָכִים י״ד:ט״ו
ויתר דברי יהואש אשר עשה וגבורתו ואשר נלחם עם אמציהו מלך יהודה הלא הם כתובים על ספר דברי הימים למלכי ישראל׃
2 מְלָכִים י״ד:ט״ז
וישכב יהואש עם אבתיו ויקבר בשמרון עם מלכי ישראל וימלך ירבעם בנו תחתיו׃