Amaziah

34 פסוקים · 4 בני משפחה

פסוקים המזכירים את Amaziah

2 מְלָכִים י״ב:כ״א
ויוזבד בן שמעת ויהוזבד בן שמר עבדיו הכהו וימת ויקברו אתו עם אבתיו בעיר דוד וימלך אמציה בנו תחתיו׃
2 מְלָכִים י״ג:י״ב
ויתר דברי יואש וכל אשר עשה וגבורתו אשר נלחם עם אמציה מלך יהודה הלוא הם כתובים על ספר דברי הימים למלכי ישראל׃
2 מְלָכִים י״ד:א׳
¶ בשנת שתים ליואש בן יואחז מלך ישראל מלך אמציהו בן יואש מלך יהודה׃
2 מְלָכִים י״ד:ח׳
אז שלח אמציה מלאכים אל יהואש בן יהואחז בן יהוא מלך ישראל לאמר לכה נתראה פנים׃
2 מְלָכִים י״ד:ט׳
וישלח יהואש מלך ישראל אל אמציהו מלך יהודה לאמר החוח אשר בלבנון שלח אל הארז אשר בלבנון לאמר תנה את בתך לבני לאשה ותעבר חית השדה אשר בלבנון ותרמס את החוח׃
2 מְלָכִים י״ד:י״א
ולא שמע אמציהו ויעל יהואש מלך ישראל ויתראו פנים הוא ואמציהו מלך יהודה בבית שמש אשר ליהודה׃
2 מְלָכִים י״ד:י״ג
ואת אמציהו מלך יהודה בן יהואש בן אחזיהו תפש יהואש מלך ישראל בבית שמש ויבאו ירושלם ויפרץ בחומת ירושלם בשער אפרים עד שער הפנה ארבע מאות אמה׃
2 מְלָכִים י״ד:ט״ו
ויתר דברי יהואש אשר עשה וגבורתו ואשר נלחם עם אמציהו מלך יהודה הלא הם כתובים על ספר דברי הימים למלכי ישראל׃
2 מְלָכִים י״ד:י״ז
ויחי אמציהו בן יואש מלך יהודה אחרי מות יהואש בן יהואחז מלך ישראל חמש עשרה שנה׃
2 מְלָכִים י״ד:י״ח
ויתר דברי אמציהו הלא הם כתובים על ספר דברי הימים למלכי יהודה׃
2 מְלָכִים י״ד:כ״א
ויקחו כל עם יהודה את עזריה והוא בן שש עשרה שנה וימלכו אתו תחת אביו אמציהו׃
2 מְלָכִים י״ד:כ״ג
בשנת חמש עשרה שנה לאמציהו בן יואש מלך יהודה מלך ירבעם בן יואש מלך ישראל בשמרון ארבעים ואחת שנה׃
2 מְלָכִים ט״ו:א׳
¶ בשנת עשרים ושבע שנה לירבעם מלך ישראל מלך עזריה בן אמציה מלך יהודה׃
2 מְלָכִים ט״ו:ג׳
ויעש הישר בעיני יהוה ככל אשר עשה אמציהו אביו׃
1 דִּבְרֵי הַיָּמִים ג׳:י״ב
אמציהו בנו עזריה בנו יותם בנו׃
2 דִּבְרֵי הַיָּמִים כ״ד:כ״ז
ובניו ורב המשא עליו ויסוד בית האלהים הנם כתובים על מדרש ספר המלכים וימלך אמציהו בנו תחתיו׃
2 דִּבְרֵי הַיָּמִים כ״ה:א׳
¶ בן עשרים וחמש שנה מלך אמציהו ועשרים ותשע שנה מלך בירושלם ושם אמו יהועדן מירושלים׃
2 דִּבְרֵי הַיָּמִים כ״ה:ה׳
ויקבץ אמציהו את יהודה ויעמידם לבית אבות לשרי האלפים ולשרי המאות לכל יהודה ובנימן ויפקדם למבן עשרים שנה ומעלה וימצאם שלש מאות אלף בחור יוצא צבא אחז רמח וצנה׃
2 דִּבְרֵי הַיָּמִים כ״ה:ט׳
ויאמר אמציהו לאיש האלהים ומה לעשות למאת הככר אשר נתתי לגדוד ישראל ויאמר איש האלהים יש ליהוה לתת לך הרבה מזה׃
2 דִּבְרֵי הַיָּמִים כ״ה:י׳
ויבדילם אמציהו להגדוד אשר בא אליו מאפרים ללכת למקומם ויחר אפם מאד ביהודה וישובו למקומם בחרי אף׃
2 דִּבְרֵי הַיָּמִים כ״ה:י״א
ואמציהו התחזק וינהג את עמו וילך גיא המלח ויך את בני שעיר עשרת אלפים׃
2 דִּבְרֵי הַיָּמִים כ״ה:י״ג
ובני הגדוד אשר השיב אמציהו מלכת עמו למלחמה ויפשטו בערי יהודה משמרון ועד בית חורון ויכו מהם שלשת אלפים ויבזו בזה רבה׃
2 דִּבְרֵי הַיָּמִים כ״ה:י״ד
ויהי אחרי בוא אמציהו מהכות את אדומים ויבא את אלהי בני שעיר ויעמידם לו לאלהים ולפניהם ישתחוה ולהם יקטר׃
2 דִּבְרֵי הַיָּמִים כ״ה:ט״ו
ויחר אף יהוה באמציהו וישלח אליו נביא ויאמר לו למה דרשת את אלהי העם אשר לא הצילו את עמם מידך׃
2 דִּבְרֵי הַיָּמִים כ״ה:י״ז
ויועץ אמציהו מלך יהודה וישלח אל יואש בן יהואחז בן יהוא מלך ישראל לאמר לך נתראה פנים׃

מציג 1–25 מתוך 34 פסוקים

1 2 הבא