פסוקים על Kings: Saul

14 פסוקים · 175 היבטים

פסוקים על Saul

  1. 1 דִּבְרֵי הַיָּמִים י׳:א׳

    ¶ ופלשתים נלחמו בישראל וינס איש ישראל מפני פלשתים ויפלו חללים בהר גלבע׃

  2. 1 דִּבְרֵי הַיָּמִים י׳:ב׳

    וידבקו פלשתים אחרי שאול ואחרי בניו ויכו פלשתים את יונתן ואת אבינדב ואת מלכי שוע בני שאול׃

  3. 1 דִּבְרֵי הַיָּמִים י׳:ג׳

    ותכבד המלחמה על שאול וימצאהו המורים בקשת ויחל מן היורים׃

  4. 1 דִּבְרֵי הַיָּמִים י׳:ד׳

    ויאמר שאול אל נשא כליו שלף חרבך ודקרני בה פן יבאו הערלים האלה והתעללו בי ולא אבה נשא כליו כי ירא מאד ויקח שאול את החרב ויפל עליה׃

  5. 1 דִּבְרֵי הַיָּמִים י׳:ה׳

    וירא נשא כליו כי מת שאול ויפל גם הוא על החרב וימת׃

  6. 1 דִּבְרֵי הַיָּמִים י׳:ו׳

    וימת שאול ושלשת בניו וכל ביתו יחדו מתו׃

  7. 1 דִּבְרֵי הַיָּמִים י׳:ז׳

    ויראו כל איש ישראל אשר בעמק כי נסו וכי מתו שאול ובניו ויעזבו עריהם וינסו ויבאו פלשתים וישבו בהם׃

  8. 1 דִּבְרֵי הַיָּמִים י׳:ח׳

    ויהי ממחרת ויבאו פלשתים לפשט את החללים וימצאו את שאול ואת בניו נפלים בהר גלבע׃

  9. 1 דִּבְרֵי הַיָּמִים י׳:ט׳

    ויפשיטהו וישאו את ראשו ואת כליו וישלחו בארץ פלשתים סביב לבשר את עצביהם ואת העם׃

  10. 1 דִּבְרֵי הַיָּמִים י׳:י׳

    וישימו את כליו בית אלהיהם ואת גלגלתו תקעו בית דגון׃

  11. 1 דִּבְרֵי הַיָּמִים י׳:י״א

    וישמעו כל יביש גלעד את כל אשר עשו פלשתים לשאול׃

  12. 1 דִּבְרֵי הַיָּמִים י׳:י״ב

    ויקומו כל איש חיל וישאו את גופת שאול ואת גופת בניו ויביאום יבישה ויקברו את עצמותיהם תחת האלה ביבש ויצומו שבעת ימים׃

  13. 1 דִּבְרֵי הַיָּמִים י׳:י״ג

    וימת שאול במעלו אשר מעל ביהוה על דבר יהוה אשר לא שמר וגם לשאול באוב לדרוש׃

  14. 1 דִּבְרֵי הַיָּמִים י׳:י״ד

    ולא דרש ביהוה וימיתהו ויסב את המלוכה לדויד בן ישי׃