פסוקים על Kings: Abijam or Abijah

30 פסוקים · 175 היבטים

פסוקים על Abijam or Abijah

1 מְלָכִים ט״ו:א׳
¶ ובשנת שמנה עשרה למלך ירבעם בן נבט מלך אבים על יהודה׃
1 מְלָכִים ט״ו:ב׳
שלש שנים מלך בירושלם ושם אמו מעכה בת אבישלום׃
1 מְלָכִים ט״ו:ג׳
וילך בכל חטאות אביו אשר עשה לפניו ולא היה לבבו שלם עם יהוה אלהיו כלבב דוד אביו׃
1 מְלָכִים ט״ו:ד׳
כי למען דוד נתן יהוה אלהיו לו ניר בירושלם להקים את בנו אחריו ולהעמיד את ירושלם׃
1 מְלָכִים ט״ו:ה׳
אשר עשה דוד את הישר בעיני יהוה ולא סר מכל אשר צוהו כל ימי חייו רק בדבר אוריה החתי׃
1 מְלָכִים ט״ו:ו׳
ומלחמה היתה בין רחבעם ובין ירבעם כל ימי חייו׃
1 מְלָכִים ט״ו:ז׳
ויתר דברי אבים וכל אשר עשה הלוא הם כתובים על ספר דברי הימים למלכי יהודה ומלחמה היתה בין אבים ובין ירבעם׃
1 מְלָכִים ט״ו:ח׳
וישכב אבים עם אבתיו ויקברו אתו בעיר דוד וימלך אסא בנו תחתיו׃
2 דִּבְרֵי הַיָּמִים י״ג:א׳
¶ בשנת שמונה עשרה למלך ירבעם וימלך אביה על יהודה׃
2 דִּבְרֵי הַיָּמִים י״ג:ב׳
שלוש שנים מלך בירושלם ושם אמו מיכיהו בת אוריאל מן גבעה ומלחמה היתה בין אביה ובין ירבעם׃
2 דִּבְרֵי הַיָּמִים י״ג:ג׳
ויאסר אביה את המלחמה בחיל גבורי מלחמה ארבע מאות אלף איש בחור וירבעם ערך עמו מלחמה בשמונה מאות אלף איש בחור גבור חיל׃
2 דִּבְרֵי הַיָּמִים י״ג:ד׳
ויקם אביה מעל להר צמרים אשר בהר אפרים ויאמר שמעוני ירבעם וכל ישראל׃
2 דִּבְרֵי הַיָּמִים י״ג:ה׳
הלא לכם לדעת כי יהוה אלהי ישראל נתן ממלכה לדויד על ישראל לעולם לו ולבניו ברית מלח׃
2 דִּבְרֵי הַיָּמִים י״ג:ו׳
ויקם ירבעם בן נבט עבד שלמה בן דויד וימרד על אדניו׃
2 דִּבְרֵי הַיָּמִים י״ג:ז׳
ויקבצו עליו אנשים רקים בני בליעל ויתאמצו על רחבעם בן שלמה ורחבעם היה נער ורך לבב ולא התחזק לפניהם׃
2 דִּבְרֵי הַיָּמִים י״ג:ח׳
ועתה אתם אמרים להתחזק לפני ממלכת יהוה ביד בני דויד ואתם המון רב ועמכם עגלי זהב אשר עשה לכם ירבעם לאלהים׃
2 דִּבְרֵי הַיָּמִים י״ג:ט׳
הלא הדחתם את כהני יהוה את בני אהרן והלוים ותעשו לכם כהנים כעמי הארצות כל הבא למלא ידו בפר בן בקר ואילם שבעה והיה כהן ללא אלהים׃
2 דִּבְרֵי הַיָּמִים י״ג:י׳
ואנחנו יהוה אלהינו ולא עזבנהו וכהנים משרתים ליהוה בני אהרן והלוים במלאכת׃
2 דִּבְרֵי הַיָּמִים י״ג:י״א
ומקטרים ליהוה עלות בבקר בבקר ובערב בערב וקטרת סמים ומערכת לחם על השלחן הטהור ומנורת הזהב ונרתיה לבער בערב בערב כי שמרים אנחנו את משמרת יהוה אלהינו ואתם עזבתם אתו׃
2 דִּבְרֵי הַיָּמִים י״ג:י״ב
והנה עמנו בראש האלהים וכהניו וחצצרות התרועה להריע עליכם בני ישראל אל תלחמו עם יהוה אלהי אבתיכם כי לא תצליחו׃
2 דִּבְרֵי הַיָּמִים י״ג:י״ג
וירבעם הסב את המארב לבוא מאחריהם ויהיו לפני יהודה והמארב מאחריהם׃
2 דִּבְרֵי הַיָּמִים י״ג:י״ד
ויפנו יהודה והנה להם המלחמה פנים ואחור ויצעקו ליהוה והכהנים מחצצרים בחצצרות׃
2 דִּבְרֵי הַיָּמִים י״ג:ט״ו
ויריעו איש יהודה ויהי בהריע איש יהודה והאלהים נגף את ירבעם וכל ישראל לפני אביה ויהודה׃
2 דִּבְרֵי הַיָּמִים י״ג:ט״ז
וינוסו בני ישראל מפני יהודה ויתנם אלהים בידם׃
2 דִּבְרֵי הַיָּמִים י״ג:י״ז
ויכו בהם אביה ועמו מכה רבה ויפלו חללים מישראל חמש מאות אלף איש בחור׃

מציג 1–25 מתוך 30 פסוקים

1 2 הבא