פסוקים על Kings: Ahaziah

31 פסוקים · 175 היבטים

פסוקים על Ahaziah

1 מְלָכִים כ״ב:נ״א
אחזיהו בן אחאב מלך על ישראל בשמרון בשנת שבע עשרה ליהושפט מלך יהודה וימלך על ישראל שנתים׃
1 מְלָכִים כ״ב:נ״ב
ויעש הרע בעיני יהוה וילך בדרך אביו ובדרך אמו ובדרך ירבעם בן נבט אשר החטיא את ישראל׃
1 מְלָכִים כ״ב:נ״ג
ויעבד את הבעל וישתחוה לו ויכעס את יהוה אלהי ישראל ככל אשר עשה אביו׃
2 מְלָכִים ח׳:כ״ה
בשנת שתים עשרה שנה ליורם בן אחאב מלך ישראל מלך אחזיהו בן יהורם מלך יהודה׃
2 מְלָכִים ח׳:כ״ו
בן עשרים ושתים שנה אחזיהו במלכו ושנה אחת מלך בירושלם ושם אמו עתליהו בת עמרי מלך ישראל׃
2 מְלָכִים ח׳:כ״ז
וילך בדרך בית אחאב ויעש הרע בעיני יהוה כבית אחאב כי חתן בית אחאב הוא׃
2 מְלָכִים ח׳:כ״ח
וילך את יורם בן אחאב למלחמה עם חזהאל מלך ארם ברמת גלעד ויכו ארמים את יורם׃
2 מְלָכִים ח׳:כ״ט
וישב יורם המלך להתרפא ביזרעאל מן המכים אשר יכהו ארמים ברמה בהלחמו את חזהאל מלך ארם ואחזיהו בן יהורם מלך יהודה ירד לראות את יורם בן אחאב ביזרעאל כי חלה הוא׃
2 מְלָכִים ט׳:ט״ז
וירכב יהוא וילך יזרעאלה כי יורם שכב שמה ואחזיה מלך יהודה ירד לראות את יורם׃
2 מְלָכִים ט׳:י״ז
והצפה עמד על המגדל ביזרעאל וירא את שפעת יהוא בבאו ויאמר שפעת אני ראה ויאמר יהורם קח רכב ושלח לקראתם ויאמר השלום׃
2 מְלָכִים ט׳:י״ח
וילך רכב הסוס לקראתו ויאמר כה אמר המלך השלום ויאמר יהוא מה לך ולשלום סב אל אחרי ויגד הצפה לאמר בא המלאך עד הם ולא שב׃
2 מְלָכִים ט׳:י״ט
וישלח רכב סוס שני ויבא אלהם ויאמר כה אמר המלך שלום ויאמר יהוא מה לך ולשלום סב אל אחרי׃
2 מְלָכִים ט׳:כ׳
ויגד הצפה לאמר בא עד אליהם ולא שב והמנהג כמנהג יהוא בן נמשי כי בשגעון ינהג׃
2 מְלָכִים ט׳:כ״א
ויאמר יהורם אסר ויאסר רכבו ויצא יהורם מלך ישראל ואחזיהו מלך יהודה איש ברכבו ויצאו לקראת יהוא וימצאהו בחלקת נבות היזרעאלי׃
2 מְלָכִים ט׳:כ״ב
ויהי כראות יהורם את יהוא ויאמר השלום יהוא ויאמר מה השלום עד זנוני איזבל אמך וכשפיה הרבים׃
2 מְלָכִים ט׳:כ״ג
ויהפך יהורם ידיו וינס ויאמר אל אחזיהו מרמה אחזיה׃
2 מְלָכִים ט׳:כ״ד
ויהוא מלא ידו בקשת ויך את יהורם בין זרעיו ויצא החצי מלבו ויכרע ברכבו׃
2 מְלָכִים ט׳:כ״ה
ויאמר אל בדקר שלשה שא השלכהו בחלקת שדה נבות היזרעאלי כי זכר אני ואתה את רכבים צמדים אחרי אחאב אביו ויהוה נשא עליו את המשא הזה׃
2 מְלָכִים ט׳:כ״ו
אם לא את דמי נבות ואת דמי בניו ראיתי אמש נאם יהוה ושלמתי לך בחלקה הזאת נאם יהוה ועתה שא השלכהו בחלקה כדבר יהוה׃
2 מְלָכִים ט׳:כ״ז
ואחזיה מלך יהודה ראה וינס דרך בית הגן וירדף אחריו יהוא ויאמר גם אתו הכהו אל המרכבה במעלה גור אשר את יבלעם וינס מגדו וימת שם׃
2 מְלָכִים ט׳:כ״ח
וירכבו אתו עבדיו ירושלמה ויקברו אתו בקברתו עם אבתיו בעיר דוד׃
2 מְלָכִים ט׳:כ״ט
ובשנת אחת עשרה שנה ליורם בן אחאב מלך אחזיה על יהודה׃
2 דִּבְרֵי הַיָּמִים כ״ב:א׳
¶ וימליכו יושבי ירושלם את אחזיהו בנו הקטן תחתיו כי כל הראשנים הרג הגדוד הבא בערבים למחנה וימלך אחזיהו בן יהורם מלך יהודה׃
2 דִּבְרֵי הַיָּמִים כ״ב:ב׳
בן ארבעים ושתים שנה אחזיהו במלכו ושנה אחת מלך בירושלם ושם אמו עתליהו בת עמרי׃
2 דִּבְרֵי הַיָּמִים כ״ב:ג׳
גם הוא הלך בדרכי בית אחאב כי אמו היתה יועצתו להרשיע׃

מציג 1–25 מתוך 31 פסוקים

1 2 הבא