פסוקים על Kings: Amaziah

48 פסוקים · 175 היבטים

פסוקים על Amaziah

2 מְלָכִים י״ד:א׳
¶ בשנת שתים ליואש בן יואחז מלך ישראל מלך אמציהו בן יואש מלך יהודה׃
2 מְלָכִים י״ד:ב׳
בן עשרים וחמש שנה היה במלכו ועשרים ותשע שנה מלך בירושלם ושם אמו יהועדין מן ירושלם׃
2 מְלָכִים י״ד:ג׳
ויעש הישר בעיני יהוה רק לא כדוד אביו ככל אשר עשה יואש אביו עשה׃
2 מְלָכִים י״ד:ד׳
רק הבמות לא סרו עוד העם מזבחים ומקטרים בבמות׃
2 מְלָכִים י״ד:ה׳
ויהי כאשר חזקה הממלכה בידו ויך את עבדיו המכים את המלך אביו׃
2 מְלָכִים י״ד:ו׳
ואת בני המכים לא המית ככתוב בספר תורת משה אשר צוה יהוה לאמר לא יומתו אבות על בנים ובנים לא יומתו על אבות כי אם איש בחטאו ימות׃
2 מְלָכִים י״ד:ז׳
הוא הכה את אדום בגיא המלח עשרת אלפים ותפש את הסלע במלחמה ויקרא את שמה יקתאל עד היום הזה׃
2 מְלָכִים י״ד:ח׳
אז שלח אמציה מלאכים אל יהואש בן יהואחז בן יהוא מלך ישראל לאמר לכה נתראה פנים׃
2 מְלָכִים י״ד:ט׳
וישלח יהואש מלך ישראל אל אמציהו מלך יהודה לאמר החוח אשר בלבנון שלח אל הארז אשר בלבנון לאמר תנה את בתך לבני לאשה ותעבר חית השדה אשר בלבנון ותרמס את החוח׃
2 מְלָכִים י״ד:י׳
הכה הכית את אדום ונשאך לבך הכבד ושב בביתך ולמה תתגרה ברעה ונפלתה אתה ויהודה עמך׃
2 מְלָכִים י״ד:י״א
ולא שמע אמציהו ויעל יהואש מלך ישראל ויתראו פנים הוא ואמציהו מלך יהודה בבית שמש אשר ליהודה׃
2 מְלָכִים י״ד:י״ב
וינגף יהודה לפני ישראל וינסו איש לאהלו׃
2 מְלָכִים י״ד:י״ג
ואת אמציהו מלך יהודה בן יהואש בן אחזיהו תפש יהואש מלך ישראל בבית שמש ויבאו ירושלם ויפרץ בחומת ירושלם בשער אפרים עד שער הפנה ארבע מאות אמה׃
2 מְלָכִים י״ד:י״ד
ולקח את כל הזהב והכסף ואת כל הכלים הנמצאים בית יהוה ובאצרות בית המלך ואת בני התערבות וישב שמרונה׃
2 מְלָכִים י״ד:ט״ו
ויתר דברי יהואש אשר עשה וגבורתו ואשר נלחם עם אמציהו מלך יהודה הלא הם כתובים על ספר דברי הימים למלכי ישראל׃
2 מְלָכִים י״ד:ט״ז
וישכב יהואש עם אבתיו ויקבר בשמרון עם מלכי ישראל וימלך ירבעם בנו תחתיו׃
2 מְלָכִים י״ד:י״ז
ויחי אמציהו בן יואש מלך יהודה אחרי מות יהואש בן יהואחז מלך ישראל חמש עשרה שנה׃
2 מְלָכִים י״ד:י״ח
ויתר דברי אמציהו הלא הם כתובים על ספר דברי הימים למלכי יהודה׃
2 מְלָכִים י״ד:י״ט
ויקשרו עליו קשר בירושלם וינס לכישה וישלחו אחריו לכישה וימתהו שם׃
2 מְלָכִים י״ד:כ׳
וישאו אתו על הסוסים ויקבר בירושלם עם אבתיו בעיר דוד׃
2 דִּבְרֵי הַיָּמִים כ״ה:א׳
¶ בן עשרים וחמש שנה מלך אמציהו ועשרים ותשע שנה מלך בירושלם ושם אמו יהועדן מירושלים׃
2 דִּבְרֵי הַיָּמִים כ״ה:ב׳
ויעש הישר בעיני יהוה רק לא בלבב שלם׃
2 דִּבְרֵי הַיָּמִים כ״ה:ג׳
ויהי כאשר חזקה הממלכה עליו ויהרג את עבדיו המכים את המלך אביו׃
2 דִּבְרֵי הַיָּמִים כ״ה:ד׳
ואת בניהם לא המית כי ככתוב בתורה בספר משה אשר צוה יהוה לאמר לא ימותו אבות על בנים ובנים לא ימותו על אבות כי איש בחטאו ימותו׃
2 דִּבְרֵי הַיָּמִים כ״ה:ה׳
ויקבץ אמציהו את יהודה ויעמידם לבית אבות לשרי האלפים ולשרי המאות לכל יהודה ובנימן ויפקדם למבן עשרים שנה ומעלה וימצאם שלש מאות אלף בחור יוצא צבא אחז רמח וצנה׃

מציג 1–25 מתוך 48 פסוקים

1 2 הבא