פסוקים על Kings: Ahaz

47 פסוקים · 175 היבטים

פסוקים על Ahaz

2 מְלָכִים ט״ז:א׳
¶ בשנת שבע עשרה שנה לפקח בן רמליהו מלך אחז בן יותם מלך יהודה׃
2 מְלָכִים ט״ז:ב׳
בן עשרים שנה אחז במלכו ושש עשרה שנה מלך בירושלם ולא עשה הישר בעיני יהוה אלהיו כדוד אביו׃
2 מְלָכִים ט״ז:ג׳
וילך בדרך מלכי ישראל וגם את בנו העביר באש כתעבות הגוים אשר הוריש יהוה אתם מפני בני ישראל׃
2 מְלָכִים ט״ז:ד׳
ויזבח ויקטר בבמות ועל הגבעות ותחת כל עץ רענן׃
2 מְלָכִים ט״ז:ה׳
אז יעלה רצין מלך ארם ופקח בן רמליהו מלך ישראל ירושלם למלחמה ויצרו על אחז ולא יכלו להלחם׃
2 מְלָכִים ט״ז:ו׳
בעת ההיא השיב רצין מלך ארם את אילת לארם וינשל את היהודים מאילות וארמים באו אילת וישבו שם עד היום הזה׃
2 מְלָכִים ט״ז:ז׳
וישלח אחז מלאכים אל תגלת פלסר מלך אשור לאמר עבדך ובנך אני עלה והושעני מכף מלך ארם ומכף מלך ישראל הקומים עלי׃
2 מְלָכִים ט״ז:ח׳
ויקח אחז את הכסף ואת הזהב הנמצא בית יהוה ובאצרות בית המלך וישלח למלך אשור שחד׃
2 מְלָכִים ט״ז:ט׳
וישמע אליו מלך אשור ויעל מלך אשור אל דמשק ויתפשה ויגלה קירה ואת רצין המית׃
2 מְלָכִים ט״ז:י׳
וילך המלך אחז לקראת תגלת פלאסר מלך אשור דומשק וירא את המזבח אשר בדמשק וישלח המלך אחז אל אוריה הכהן את דמות המזבח ואת תבניתו לכל מעשהו׃
2 מְלָכִים ט״ז:י״א
ויבן אוריה הכהן את המזבח ככל אשר שלח המלך אחז מדמשק כן עשה אוריה הכהן עד בוא המלך אחז מדמשק׃
2 מְלָכִים ט״ז:י״ב
ויבא המלך מדמשק וירא המלך את המזבח ויקרב המלך על המזבח ויעל עליו׃
2 מְלָכִים ט״ז:י״ג
ויקטר את עלתו ואת מנחתו ויסך את נסכו ויזרק את דם השלמים אשר לו על המזבח׃
2 מְלָכִים ט״ז:י״ד
ואת המזבח הנחשת אשר לפני יהוה ויקרב מאת פני הבית מבין המזבח ומבין בית יהוה ויתן אתו על ירך המזבח צפונה׃
2 מְלָכִים ט״ז:ט״ו
ויצוהו המלך אחז את אוריה הכהן לאמר על המזבח הגדול הקטר את עלת הבקר ואת מנחת הערב ואת עלת המלך ואת מנחתו ואת עלת כל עם הארץ ומנחתם ונסכיהם וכל דם עלה וכל דם זבח עליו תזרק ומזבח הנחשת יהיה לי לבקר׃
2 מְלָכִים ט״ז:ט״ז
ויעש אוריה הכהן ככל אשר צוה המלך אחז׃
2 מְלָכִים ט״ז:י״ז
ויקצץ המלך אחז את המסגרות המכנות ויסר מעליהם ואת הכיר ואת הים הורד מעל הבקר הנחשת אשר תחתיה ויתן אתו על מרצפת אבנים׃
2 מְלָכִים ט״ז:י״ח
ואת מיסך השבת אשר בנו בבית ואת מבוא המלך החיצונה הסב בית יהוה מפני מלך אשור׃
2 מְלָכִים ט״ז:י״ט
ויתר דברי אחז אשר עשה הלא הם כתובים על ספר דברי הימים למלכי יהודה׃
2 מְלָכִים ט״ז:כ׳
וישכב אחז עם אבתיו ויקבר עם אבתיו בעיר דוד וימלך חזקיהו בנו תחתיו׃
2 דִּבְרֵי הַיָּמִים כ״ח:א׳
¶ בן עשרים שנה אחז במלכו ושש עשרה שנה מלך בירושלם ולא עשה הישר בעיני יהוה כדויד אביו׃
2 דִּבְרֵי הַיָּמִים כ״ח:ב׳
וילך בדרכי מלכי ישראל וגם מסכות עשה לבעלים׃
2 דִּבְרֵי הַיָּמִים כ״ח:ג׳
והוא הקטיר בגיא בן הנם ויבער את בניו באש כתעבות הגוים אשר הריש יהוה מפני בני ישראל׃
2 דִּבְרֵי הַיָּמִים כ״ח:ד׳
ויזבח ויקטר בבמות ועל הגבעות ותחת כל עץ רענן׃
2 דִּבְרֵי הַיָּמִים כ״ח:ה׳
ויתנהו יהוה אלהיו ביד מלך ארם ויכו בו וישבו ממנו שביה גדולה ויביאו דרמשק וגם ביד מלך ישראל נתן ויך בו מכה גדולה׃

מציג 1–25 מתוך 47 פסוקים

1 2 הבא