פסוקים על Kings

580 פסוקים · 175 היבטים

פסוקי מפתח

2 מְלָכִים י״ד:י״ד
ולקח את כל הזהב והכסף ואת כל הכלים הנמצאים בית יהוה ובאצרות בית המלך ואת בני התערבות וישב שמרונה׃
2 מְלָכִים י״ד:ט״ו
ויתר דברי יהואש אשר עשה וגבורתו ואשר נלחם עם אמציהו מלך יהודה הלא הם כתובים על ספר דברי הימים למלכי ישראל׃
2 מְלָכִים י״ד:ט״ז
וישכב יהואש עם אבתיו ויקבר בשמרון עם מלכי ישראל וימלך ירבעם בנו תחתיו׃
2 מְלָכִים י״ד:י״ז
ויחי אמציהו בן יואש מלך יהודה אחרי מות יהואש בן יהואחז מלך ישראל חמש עשרה שנה׃
2 מְלָכִים י״ד:י״ח
ויתר דברי אמציהו הלא הם כתובים על ספר דברי הימים למלכי יהודה׃
2 מְלָכִים י״ד:י״ט
ויקשרו עליו קשר בירושלם וינס לכישה וישלחו אחריו לכישה וימתהו שם׃
2 מְלָכִים י״ד:כ׳
וישאו אתו על הסוסים ויקבר בירושלם עם אבתיו בעיר דוד׃
2 מְלָכִים י״ד:כ״ג
בשנת חמש עשרה שנה לאמציהו בן יואש מלך יהודה מלך ירבעם בן יואש מלך ישראל בשמרון ארבעים ואחת שנה׃
2 מְלָכִים י״ד:כ״ד
ויעש הרע בעיני יהוה לא סר מכל חטאות ירבעם בן נבט אשר החטיא את ישראל׃
2 מְלָכִים י״ד:כ״ה
הוא השיב את גבול ישראל מלבוא חמת עד ים הערבה כדבר יהוה אלהי ישראל אשר דבר ביד עבדו יונה בן אמתי הנביא אשר מגת החפר׃
2 מְלָכִים י״ד:כ״ו
כי ראה יהוה את עני ישראל מרה מאד ואפס עצור ואפס עזוב ואין עזר לישראל׃
2 מְלָכִים י״ד:כ״ז
ולא דבר יהוה למחות את שם ישראל מתחת השמים ויושיעם ביד ירבעם בן יואש׃
2 מְלָכִים י״ד:כ״ח
ויתר דברי ירבעם וכל אשר עשה וגבורתו אשר נלחם ואשר השיב את דמשק ואת חמת ליהודה בישראל הלא הם כתובים על ספר דברי הימים למלכי ישראל׃
2 מְלָכִים י״ד:כ״ט
וישכב ירבעם עם אבתיו עם מלכי ישראל וימלך זכריה בנו תחתיו׃
2 מְלָכִים ט״ו:א׳
¶ בשנת עשרים ושבע שנה לירבעם מלך ישראל מלך עזריה בן אמציה מלך יהודה׃
2 מְלָכִים ט״ו:ב׳
בן שש עשרה שנה היה במלכו וחמשים ושתים שנה מלך בירושלם ושם אמו יכליהו מירושלם׃
2 מְלָכִים ט״ו:ג׳
ויעש הישר בעיני יהוה ככל אשר עשה אמציהו אביו׃
2 מְלָכִים ט״ו:ד׳
רק הבמות לא סרו עוד העם מזבחים ומקטרים בבמות׃
2 מְלָכִים ט״ו:ה׳
וינגע יהוה את המלך ויהי מצרע עד יום מתו וישב בבית החפשית ויותם בן המלך על הבית שפט את עם הארץ׃
2 מְלָכִים ט״ו:ו׳
ויתר דברי עזריהו וכל אשר עשה הלא הם כתובים על ספר דברי הימים למלכי יהודה׃
2 מְלָכִים ט״ו:ז׳
וישכב עזריה עם אבתיו ויקברו אתו עם אבתיו בעיר דוד וימלך יותם בנו תחתיו׃
2 מְלָכִים ט״ו:ח׳
בשנת שלשים ושמנה שנה לעזריהו מלך יהודה מלך זכריהו בן ירבעם על ישראל בשמרון ששה חדשים׃
2 מְלָכִים ט״ו:ט׳
ויעש הרע בעיני יהוה כאשר עשו אבתיו לא סר מחטאות ירבעם בן נבט אשר החטיא את ישראל׃
2 מְלָכִים ט״ו:י׳
ויקשר עליו שלם בן יבש ויכהו קבל עם וימיתהו וימלך תחתיו׃
2 מְלָכִים ט״ו:י״א
ויתר דברי זכריה הנם כתובים על ספר דברי הימים למלכי ישראל׃

מציג 226–250 מתוך 580 פסוקים

הקודם 1...8 9 10 11 12...24 הבא