פסוקים על Kings

580 פסוקים · 175 היבטים

פסוקי מפתח

2 מְלָכִים ט׳:כ״א
ויאמר יהורם אסר ויאסר רכבו ויצא יהורם מלך ישראל ואחזיהו מלך יהודה איש ברכבו ויצאו לקראת יהוא וימצאהו בחלקת נבות היזרעאלי׃
2 מְלָכִים ט׳:כ״ב
ויהי כראות יהורם את יהוא ויאמר השלום יהוא ויאמר מה השלום עד זנוני איזבל אמך וכשפיה הרבים׃
2 מְלָכִים ט׳:כ״ג
ויהפך יהורם ידיו וינס ויאמר אל אחזיהו מרמה אחזיה׃
2 מְלָכִים ט׳:כ״ד
ויהוא מלא ידו בקשת ויך את יהורם בין זרעיו ויצא החצי מלבו ויכרע ברכבו׃
2 מְלָכִים ט׳:כ״ה
ויאמר אל בדקר שלשה שא השלכהו בחלקת שדה נבות היזרעאלי כי זכר אני ואתה את רכבים צמדים אחרי אחאב אביו ויהוה נשא עליו את המשא הזה׃
2 מְלָכִים ט׳:כ״ו
אם לא את דמי נבות ואת דמי בניו ראיתי אמש נאם יהוה ושלמתי לך בחלקה הזאת נאם יהוה ועתה שא השלכהו בחלקה כדבר יהוה׃
2 מְלָכִים ט׳:כ״ז
ואחזיה מלך יהודה ראה וינס דרך בית הגן וירדף אחריו יהוא ויאמר גם אתו הכהו אל המרכבה במעלה גור אשר את יבלעם וינס מגדו וימת שם׃
2 מְלָכִים ט׳:כ״ח
וירכבו אתו עבדיו ירושלמה ויקברו אתו בקברתו עם אבתיו בעיר דוד׃
2 מְלָכִים ט׳:כ״ט
ובשנת אחת עשרה שנה ליורם בן אחאב מלך אחזיה על יהודה׃
2 מְלָכִים י״א:א׳
¶ ועתליה אם אחזיהו וראתה כי מת בנה ותקם ותאבד את כל זרע הממלכה׃
2 מְלָכִים י״א:ב׳
ותקח יהושבע בת המלך יורם אחות אחזיהו את יואש בן אחזיה ותגנב אתו מתוך בני המלך הממותתים אתו ואת מינקתו בחדר המטות ויסתרו אתו מפני עתליהו ולא הומת׃
2 מְלָכִים י״א:ג׳
ויהי אתה בית יהוה מתחבא שש שנים ועתליה מלכת על הארץ׃
2 מְלָכִים י״ג:א׳
¶ בשנת עשרים ושלש שנה ליואש בן אחזיהו מלך יהודה מלך יהואחז בן יהוא על ישראל בשמרון שבע עשרה שנה׃
2 מְלָכִים י״ג:ב׳
ויעש הרע בעיני יהוה וילך אחר חטאת ירבעם בן נבט אשר החטיא את ישראל לא סר ממנה׃
2 מְלָכִים י״ג:ג׳
ויחר אף יהוה בישראל ויתנם ביד חזאל מלך ארם וביד בן הדד בן חזאל כל הימים׃
2 מְלָכִים י״ג:ד׳
ויחל יהואחז את פני יהוה וישמע אליו יהוה כי ראה את לחץ ישראל כי לחץ אתם מלך ארם׃
2 מְלָכִים י״ג:ה׳
ויתן יהוה לישראל מושיע ויצאו מתחת יד ארם וישבו בני ישראל באהליהם כתמול שלשום׃
2 מְלָכִים י״ג:ו׳
אך לא סרו מחטאות בית ירבעם אשר החטי את ישראל בה הלך וגם האשרה עמדה בשמרון׃
2 מְלָכִים י״ג:ז׳
כי לא השאיר ליהואחז עם כי אם חמשים פרשים ועשרה רכב ועשרת אלפים רגלי כי אבדם מלך ארם וישמם כעפר לדש׃
2 מְלָכִים י״ג:ח׳
ויתר דברי יהואחז וכל אשר עשה וגבורתו הלוא הם כתובים על ספר דברי הימים למלכי ישראל׃
2 מְלָכִים י״ג:ט׳
וישכב יהואחז עם אבתיו ויקברהו בשמרון וימלך יואש בנו תחתיו׃
2 מְלָכִים י״ג:י׳
בשנת שלשים ושבע שנה ליואש מלך יהודה מלך יהואש בן יהואחז על ישראל בשמרון שש עשרה שנה׃
2 מְלָכִים י״ג:י״א
ויעשה הרע בעיני יהוה לא סר מכל חטאות ירבעם בן נבט אשר החטיא את ישראל בה הלך׃
2 מְלָכִים י״ג:י״ב
ויתר דברי יואש וכל אשר עשה וגבורתו אשר נלחם עם אמציה מלך יהודה הלוא הם כתובים על ספר דברי הימים למלכי ישראל׃
2 מְלָכִים י״ג:י״ג
וישכב יואש עם אבתיו וירבעם ישב על כסאו ויקבר יואש בשמרון עם מלכי ישראל׃

מציג 176–200 מתוך 580 פסוקים

הקודם 1...6 7 8 9 10...24 הבא