פסוקים על Kings

580 פסוקים · 175 היבטים

פסוקי מפתח

סינון לפי ספר
  1. 1 מְלָכִים ט״ז:י׳

    ויבא זמרי ויכהו וימיתהו בשנת עשרים ושבע לאסא מלך יהודה וימלך תחתיו׃

  2. 1 מְלָכִים ט״ז:י״א

    ויהי במלכו כשבתו על כסאו הכה את כל בית בעשא לא השאיר לו משתין בקיר וגאליו ורעהו׃

  3. 1 מְלָכִים ט״ז:י״ב

    וישמד זמרי את כל בית בעשא כדבר יהוה אשר דבר אל בעשא ביד יהוא הנביא׃

  4. 1 מְלָכִים ט״ז:י״ג

    אל כל חטאות בעשא וחטאות אלה בנו אשר חטאו ואשר החטיאו את ישראל להכעיס את יהוה אלהי ישראל בהבליהם׃

  5. 1 מְלָכִים ט״ז:י״ד

    ויתר דברי אלה וכל אשר עשה הלוא הם כתובים על ספר דברי הימים למלכי ישראל׃

  6. 1 מְלָכִים ט״ז:כ״ג

    בשנת שלשים ואחת שנה לאסא מלך יהודה מלך עמרי על ישראל שתים עשרה שנה בתרצה מלך שש שנים׃

  7. 1 מְלָכִים ט״ז:כ״ד

    ויקן את ההר שמרון מאת שמר בככרים כסף ויבן את ההר ויקרא את שם העיר אשר בנה על שם שמר אדני ההר שמרון׃

  8. 1 מְלָכִים ט״ז:כ״ה

    ויעשה עמרי הרע בעיני יהוה וירע מכל אשר לפניו׃

  9. 1 מְלָכִים ט״ז:כ״ו

    וילך בכל דרך ירבעם בן נבט ובחטאתיו אשר החטיא את ישראל להכעיס את יהוה אלהי ישראל בהבליהם׃

  10. 1 מְלָכִים ט״ז:כ״ז

    ויתר דברי עמרי אשר עשה וגבורתו אשר עשה הלא הם כתובים על ספר דברי הימים למלכי ישראל׃

  11. 1 מְלָכִים ט״ז:כ״ח

    וישכב עמרי עם אבתיו ויקבר בשמרון וימלך אחאב בנו תחתיו׃

  12. 1 מְלָכִים כ״א:י״ח

    קום רד לקראת אחאב מלך ישראל אשר בשמרון הנה בכרם נבות אשר ירד שם לרשתו׃

  13. 1 מְלָכִים כ״א:י״ט

    ודברת אליו לאמר כה אמר יהוה הרצחת וגם ירשת ודברת אליו לאמר כה אמר יהוה במקום אשר לקקו הכלבים את דם נבות ילקו הכלבים את דמך גם אתה׃

  14. 1 מְלָכִים כ״א:כ׳

    ויאמר אחאב אל אליהו המצאתני איבי ויאמר מצאתי יען התמכרך לעשות הרע בעיני יהוה׃

  15. 1 מְלָכִים כ״א:כ״א

    הנני מבי אליך רעה ובערתי אחריך והכרתי לאחאב משתין בקיר ועצור ועזוב בישראל׃

  16. 1 מְלָכִים כ״א:כ״ב

    ונתתי את ביתך כבית ירבעם בן נבט וכבית בעשא בן אחיה אל הכעס אשר הכעסת ותחטא את ישראל׃

  17. 1 מְלָכִים כ״א:כ״ג

    וגם לאיזבל דבר יהוה לאמר הכלבים יאכלו את איזבל בחל יזרעאל׃

  18. 1 מְלָכִים כ״א:כ״ד

    המת לאחאב בעיר יאכלו הכלבים והמת בשדה יאכלו עוף השמים׃

  19. 1 מְלָכִים כ״ב:מ״א

    ויהושפט בן אסא מלך על יהודה בשנת ארבע לאחאב מלך ישראל׃

  20. 1 מְלָכִים כ״ב:מ״ב

    יהושפט בן שלשים וחמש שנה במלכו ועשרים וחמש שנה מלך בירושלם ושם אמו עזובה בת שלחי׃

  21. 1 מְלָכִים כ״ב:מ״ג

    וילך בכל דרך אסא אביו לא סר ממנו לעשות הישר בעיני יהוה אך הבמות לא סרו עוד העם מזבחים ומקטרים בבמות׃

  22. 1 מְלָכִים כ״ב:מ״ד

    וישלם יהושפט עם מלך ישראל׃

  23. 1 מְלָכִים כ״ב:מ״ה

    ויתר דברי יהושפט וגבורתו אשר עשה ואשר נלחם הלא הם כתובים על ספר דברי הימים למלכי יהודה׃

  24. 1 מְלָכִים כ״ב:מ״ו

    ויתר הקדש אשר נשאר בימי אסא אביו בער מן הארץ׃

  25. 1 מְלָכִים כ״ב:מ״ז

    ומלך אין באדום נצב מלך׃