פסוקים על Kings

580 פסוקים · 175 היבטים

פסוקי מפתח

סינון לפי ספר
  1. 1 מְלָכִים ט״ו:ה׳

    אשר עשה דוד את הישר בעיני יהוה ולא סר מכל אשר צוהו כל ימי חייו רק בדבר אוריה החתי׃

  2. 1 מְלָכִים ט״ו:ו׳

    ומלחמה היתה בין רחבעם ובין ירבעם כל ימי חייו׃

  3. 1 מְלָכִים ט״ו:ז׳

    ויתר דברי אבים וכל אשר עשה הלוא הם כתובים על ספר דברי הימים למלכי יהודה ומלחמה היתה בין אבים ובין ירבעם׃

  4. 1 מְלָכִים ט״ו:ח׳

    וישכב אבים עם אבתיו ויקברו אתו בעיר דוד וימלך אסא בנו תחתיו׃

  5. 1 מְלָכִים ט״ו:ט׳

    ובשנת עשרים לירבעם מלך ישראל מלך אסא מלך יהודה׃

  6. 1 מְלָכִים ט״ו:י׳

    וארבעים ואחת שנה מלך בירושלם ושם אמו מעכה בת אבישלום׃

  7. 1 מְלָכִים ט״ו:י״א

    ויעש אסא הישר בעיני יהוה כדוד אביו׃

  8. 1 מְלָכִים ט״ו:י״ב

    ויעבר הקדשים מן הארץ ויסר את כל הגללים אשר עשו אבתיו׃

  9. 1 מְלָכִים ט״ו:י״ג

    וגם את מעכה אמו ויסרה מגבירה אשר עשתה מפלצת לאשרה ויכרת אסא את מפלצתה וישרף בנחל קדרון׃

  10. 1 מְלָכִים ט״ו:י״ד

    והבמות לא סרו רק לבב אסא היה שלם עם יהוה כל ימיו׃

  11. 1 מְלָכִים ט״ו:ט״ו

    ויבא את קדשי אביו וקדשו בית יהוה כסף וזהב וכלים׃

  12. 1 מְלָכִים ט״ו:ט״ז

    ומלחמה היתה בין אסא ובין בעשא מלך ישראל כל ימיהם׃

  13. 1 מְלָכִים ט״ו:י״ז

    ויעל בעשא מלך ישראל על יהודה ויבן את הרמה לבלתי תת יצא ובא לאסא מלך יהודה׃

  14. 1 מְלָכִים ט״ו:י״ח

    ויקח אסא את כל הכסף והזהב הנותרים באוצרות בית יהוה ואת אוצרות בית מלך ויתנם ביד עבדיו וישלחם המלך אסא אל בן הדד בן טברמן בן חזיון מלך ארם הישב בדמשק לאמר׃

  15. 1 מְלָכִים ט״ו:י״ט

    ברית ביני ובינך בין אבי ובין אביך הנה שלחתי לך שחד כסף וזהב לך הפרה את בריתך את בעשא מלך ישראל ויעלה מעלי׃

  16. 1 מְלָכִים ט״ו:כ׳

    וישמע בן הדד אל המלך אסא וישלח את שרי החילים אשר לו על ערי ישראל ויך את עיון ואת דן ואת אבל בית מעכה ואת כל כנרות על כל ארץ נפתלי׃

  17. 1 מְלָכִים ט״ו:כ״א

    ויהי כשמע בעשא ויחדל מבנות את הרמה וישב בתרצה׃

  18. 1 מְלָכִים ט״ו:כ״ב

    והמלך אסא השמיע את כל יהודה אין נקי וישאו את אבני הרמה ואת עציה אשר בנה בעשא ויבן בם המלך אסא את גבע בנימן ואת המצפה׃

  19. 1 מְלָכִים ט״ו:כ״ג

    ויתר כל דברי אסא וכל גבורתו וכל אשר עשה והערים אשר בנה הלא המה כתובים על ספר דברי הימים למלכי יהודה רק לעת זקנתו חלה את רגליו׃

  20. 1 מְלָכִים ט״ו:כ״ד

    וישכב אסא עם אבתיו ויקבר עם אבתיו בעיר דוד אביו וימלך יהושפט בנו תחתיו׃

  21. 1 מְלָכִים ט״ו:כ״ה

    ונדב בן ירבעם מלך על ישראל בשנת שתים לאסא מלך יהודה וימלך על ישראל שנתים׃

  22. 1 מְלָכִים ט״ו:כ״ו

    ויעש הרע בעיני יהוה וילך בדרך אביו ובחטאתו אשר החטיא את ישראל׃

  23. 1 מְלָכִים ט״ו:כ״ז

    ויקשר עליו בעשא בן אחיה לבית יששכר ויכהו בעשא בגבתון אשר לפלשתים ונדב וכל ישראל צרים על גבתון׃

  24. 1 מְלָכִים ט״ז:ח׳

    בשנת עשרים ושש שנה לאסא מלך יהודה מלך אלה בן בעשא על ישראל בתרצה שנתים׃

  25. 1 מְלָכִים ט״ז:ט׳

    ויקשר עליו עבדו זמרי שר מחצית הרכב והוא בתרצה שתה שכור בית ארצא אשר על הבית בתרצה׃