פסוקים על Kings

580 פסוקים · 175 היבטים

פסוקי מפתח

סינון לפי ספר
  1. 1 מְלָכִים ד׳:ט׳

    בן דקר במקץ ובשעלבים ובית שמש ואילון בית חנן׃

  2. 1 מְלָכִים ד׳:י׳

    בן חסד בארבות לו שכה וכל ארץ חפר׃

  3. 1 מְלָכִים ד׳:י״א

    בן אבינדב כל נפת דאר טפת בת שלמה היתה לו לאשה׃

  4. 1 מְלָכִים ד׳:י״ב

    בענא בן אחילוד תענך ומגדו וכל בית שאן אשר אצל צרתנה מתחת ליזרעאל מבית שאן עד אבל מחולה עד מעבר ליקמעם׃

  5. 1 מְלָכִים ד׳:י״ג

    בן גבר ברמת גלעד לו חות יאיר בן מנשה אשר בגלעד לו חבל ארגב אשר בבשן ששים ערים גדלות חומה ובריח נחשת׃

  6. 1 מְלָכִים ד׳:י״ד

    אחינדב בן עדא מחנימה׃

  7. 1 מְלָכִים ד׳:ט״ו

    אחימעץ בנפתלי גם הוא לקח את בשמת בת שלמה לאשה׃

  8. 1 מְלָכִים ד׳:ט״ז

    בענא בן חושי באשר ובעלות׃

  9. 1 מְלָכִים ד׳:י״ז

    יהושפט בן פרוח ביששכר׃

  10. 1 מְלָכִים ד׳:י״ח

    שמעי בן אלא בבנימן׃

  11. 1 מְלָכִים ד׳:י״ט

    גבר בן ארי בארץ גלעד ארץ סיחון מלך האמרי ועג מלך הבשן ונציב אחד אשר בארץ׃

  12. 1 מְלָכִים י״ב:א׳

    ¶ וילך רחבעם שכם כי שכם בא כל ישראל להמליך אתו׃

  13. 1 מְלָכִים י״ב:ב׳

    ויהי כשמע ירבעם בן נבט והוא עודנו במצרים אשר ברח מפני המלך שלמה וישב ירבעם במצרים׃

  14. 1 מְלָכִים י״ב:ג׳

    וישלחו ויקראו לו ויבאו ירבעם וכל קהל ישראל וידברו אל רחבעם לאמר׃

  15. 1 מְלָכִים י״ב:ד׳

    אביך הקשה את עלנו ואתה עתה הקל מעבדת אביך הקשה ומעלו הכבד אשר נתן עלינו ונעבדך׃

  16. 1 מְלָכִים י״ב:ה׳

    ויאמר אליהם לכו עד שלשה ימים ושובו אלי וילכו העם׃

  17. 1 מְלָכִים י״ב:ו׳

    ויועץ המלך רחבעם את הזקנים אשר היו עמדים את פני שלמה אביו בהיתו חי לאמר איך אתם נועצים להשיב את העם הזה דבר׃

  18. 1 מְלָכִים י״ב:ז׳

    וידבר אליו לאמר אם היום תהיה עבד לעם הזה ועבדתם ועניתם ודברת אליהם דברים טובים והיו לך עבדים כל הימים׃

  19. 1 מְלָכִים י״ב:ח׳

    ויעזב את עצת הזקנים אשר יעצהו ויועץ את הילדים אשר גדלו אתו אשר העמדים לפניו׃

  20. 1 מְלָכִים י״ב:ט׳

    ויאמר אליהם מה אתם נועצים ונשיב דבר את העם הזה אשר דברו אלי לאמר הקל מן העל אשר נתן אביך עלינו׃

  21. 1 מְלָכִים י״ב:י׳

    וידברו אליו הילדים אשר גדלו אתו לאמר כה תאמר לעם הזה אשר דברו אליך לאמר אביך הכביד את עלנו ואתה הקל מעלינו כה תדבר אליהם קטני עבה ממתני אבי׃

  22. 1 מְלָכִים י״ב:י״א

    ועתה אבי העמיס עליכם על כבד ואני אוסיף על עלכם אבי יסר אתכם בשוטים ואני איסר אתכם בעקרבים׃

  23. 1 מְלָכִים י״ב:י״ב

    ויבו ירבעם וכל העם אל רחבעם ביום השלישי כאשר דבר המלך לאמר שובו אלי ביום השלישי׃

  24. 1 מְלָכִים י״ב:י״ג

    ויען המלך את העם קשה ויעזב את עצת הזקנים אשר יעצהו׃

  25. 1 מְלָכִים י״ב:י״ד

    וידבר אליהם כעצת הילדים לאמר אבי הכביד את עלכם ואני אסיף על עלכם אבי יסר אתכם בשוטים ואני איסר אתכם בעקרבים׃