circa 930–586 BC

The Divided Kingdom

The kingdom splits into Israel and Judah; prophets warn of judgment as both nations slowly drift into idolatry and exile.

1,722 פסוקים · 3 ספרים נכללים

פסוקים מתקופה זו

סדר הכתובים לפי תאריך
סינון לפי ספר
  1. 2 דִּבְרֵי הַיָּמִים כ״ה:ט״זבערך תתכ״ז לפנה״ס

    ויהי בדברו אליו ויאמר לו הליועץ למלך נתנוך חדל לך למה יכוך ויחדל הנביא ויאמר ידעתי כי יעץ אלהים להשחיתך כי עשית זאת ולא שמעת לעצתי׃

  2. 2 דִּבְרֵי הַיָּמִים כ״ה:י״זבערך תתכ״ו לפנה״ס

    ויועץ אמציהו מלך יהודה וישלח אל יואש בן יהואחז בן יהוא מלך ישראל לאמר לך נתראה פנים׃

  3. 2 דִּבְרֵי הַיָּמִים כ״ה:י״חבערך תתכ״ו לפנה״ס

    וישלח יואש מלך ישראל אל אמציהו מלך יהודה לאמר החוח אשר בלבנון שלח אל הארז אשר בלבנון לאמר תנה את בתך לבני לאשה ותעבר חית השדה אשר בלבנון ותרמס את החוח׃

  4. 2 דִּבְרֵי הַיָּמִים כ״ה:י״טבערך תתכ״ו לפנה״ס

    אמרת הנה הכית את אדום ונשאך לבך להכביד עתה שבה בביתך למה תתגרה ברעה ונפלת אתה ויהודה עמך׃

  5. 2 דִּבְרֵי הַיָּמִים כ״ה:כ׳בערך תתכ״ו לפנה״ס

    ולא שמע אמציהו כי מהאלהים היא למען תתם ביד כי דרשו את אלהי אדום׃

  6. 2 דִּבְרֵי הַיָּמִים כ״ה:כ״אבערך תתכ״ו לפנה״ס

    ויעל יואש מלך ישראל ויתראו פנים הוא ואמציהו מלך יהודה בבית שמש אשר ליהודה׃

  7. 2 דִּבְרֵי הַיָּמִים כ״ה:כ״בבערך תתכ״ו לפנה״ס

    וינגף יהודה לפני ישראל וינסו איש לאהליו׃

  8. 2 דִּבְרֵי הַיָּמִים כ״ה:כ״גבערך תתכ״ו לפנה״ס

    ואת אמציהו מלך יהודה בן יואש בן יהואחז תפש יואש מלך ישראל בבית שמש ויביאהו ירושלם ויפרץ בחומת ירושלם משער אפרים עד שער הפונה ארבע מאות אמה׃

  9. 2 דִּבְרֵי הַיָּמִים כ״ה:כ״דבערך תתכ״ו לפנה״ס

    וכל הזהב והכסף ואת כל הכלים הנמצאים בבית האלהים עם עבד אדום ואת אצרות בית המלך ואת בני התערבות וישב שמרון׃

  10. 2 דִּבְרֵי הַיָּמִים כ״ה:כ״הבערך תתכ״ה לפנה״ס

    ויחי אמציהו בן יואש מלך יהודה אחרי מות יואש בן יהואחז מלך ישראל חמש עשרה שנה׃

  11. 2 דִּבְרֵי הַיָּמִים כ״ה:כ״ובערך תתכ״ה לפנה״ס

    ויתר דברי אמציהו הראשנים והאחרונים הלא הנם כתובים על ספר מלכי יהודה וישראל׃

  12. 2 דִּבְרֵי הַיָּמִים כ״ה:כ״זבערך תת״י לפנה״ס

    ומעת אשר סר אמציהו מאחרי יהוה ויקשרו עליו קשר בירושלם וינס לכישה וישלחו אחריו לכישה וימיתהו שם׃

  13. 2 דִּבְרֵי הַיָּמִים כ״ה:כ״חבערך תת״י לפנה״ס

    וישאהו על הסוסים ויקברו אתו עם אבתיו בעיר יהודה׃

  14. 2 דִּבְרֵי הַיָּמִים כ״ו:א׳

    ¶ ויקחו כל עם יהודה את עזיהו והוא בן שש עשרה שנה וימליכו אתו תחת אביו אמציהו׃

  15. 2 דִּבְרֵי הַיָּמִים כ״ו:ב׳

    הוא בנה את אילות וישיבה ליהודה אחרי שכב המלך עם אבתיו׃

  16. 2 דִּבְרֵי הַיָּמִים כ״ו:ג׳בערך תת״י לפנה״ס

    בן שש עשרה שנה עזיהו במלכו וחמשים ושתים שנה מלך בירושלם ושם אמו יכיליה מן ירושלם׃

  17. 2 דִּבְרֵי הַיָּמִים כ״ו:ד׳בערך תת״י לפנה״ס

    ויעש הישר בעיני יהוה ככל אשר עשה אמציהו אביו׃

  18. 2 דִּבְרֵי הַיָּמִים כ״ו:ה׳בערך תת״י לפנה״ס

    ויהי לדרש אלהים בימי זכריהו המבין בראת האלהים ובימי דרשו את יהוה הצליחו האלהים׃

  19. 2 דִּבְרֵי הַיָּמִים כ״ו:ו׳בערך תת״י לפנה״ס

    ויצא וילחם בפלשתים ויפרץ את חומת גת ואת חומת יבנה ואת חומת אשדוד ויבנה ערים באשדוד ובפלשתים׃

  20. 2 דִּבְרֵי הַיָּמִים כ״ו:ז׳בערך תת״י לפנה״ס

    ויעזרהו האלהים על פלשתים ועל הערביים הישבים בגור בעל והמעונים׃

  21. 2 דִּבְרֵי הַיָּמִים כ״ו:ח׳בערך תת״י לפנה״ס

    ויתנו העמונים מנחה לעזיהו וילך שמו עד לבוא מצרים כי החזיק עד למעלה׃

  22. 2 דִּבְרֵי הַיָּמִים כ״ו:ט׳בערך תת״י לפנה״ס

    ויבן עזיהו מגדלים בירושלם על שער הפנה ועל שער הגיא ועל המקצוע ויחזקם׃

  23. 2 דִּבְרֵי הַיָּמִים כ״ו:י׳בערך תת״י לפנה״ס

    ויבן מגדלים במדבר ויחצב ברות רבים כי מקנה רב היה לו ובשפלה ובמישור אכרים וכרמים בהרים ובכרמל כי אהב אדמה היה׃

  24. 2 דִּבְרֵי הַיָּמִים כ״ו:י״אבערך תת״י לפנה״ס

    ויהי לעזיהו חיל עשה מלחמה יוצאי צבא לגדוד במספר פקדתם ביד יעואל הסופר ומעשיהו השוטר על יד חנניהו משרי המלך׃

  25. 2 דִּבְרֵי הַיָּמִים כ״ו:י״בבערך תת״י לפנה״ס

    כל מספר ראשי האבות לגבורי חיל אלפים ושש מאות׃