circa 930–586 BC

The Divided Kingdom

The kingdom splits into Israel and Judah; prophets warn of judgment as both nations slowly drift into idolatry and exile.

1,722 פסוקים · 3 ספרים נכללים

פסוקים מתקופה זו

2 דִּבְרֵי הַיָּמִים כ״ו:י״גבערך תת״י לפנה״ס
ועל ידם חיל צבא שלש מאות אלף ושבעת אלפים וחמש מאות עושי מלחמה בכח חיל לעזר למלך על האויב׃
2 דִּבְרֵי הַיָּמִים כ״ו:י״דבערך תת״י לפנה״ס
ויכן להם עזיהו לכל הצבא מגנים ורמחים וכובעים ושרינות וקשתות ולאבני קלעים׃
2 דִּבְרֵי הַיָּמִים כ״ו:ט״ובערך תת״י לפנה״ס
ויעש בירושלם חשבנות מחשבת חושב להיות על המגדלים ועל הפנות לירוא בחצים ובאבנים גדלות ויצא שמו עד למרחוק כי הפליא להעזר עד כי חזק׃
2 דִּבְרֵי הַיָּמִים כ״ו:ט״זבערך תת״י לפנה״ס
וכחזקתו גבה לבו עד להשחית וימעל ביהוה אלהיו ויבא אל היכל יהוה להקטיר על מזבח הקטרת׃
2 דִּבְרֵי הַיָּמִים כ״ו:י״זבערך תת״י לפנה״ס
ויבא אחריו עזריהו הכהן ועמו כהנים ליהוה שמונים בני חיל׃
2 דִּבְרֵי הַיָּמִים כ״ו:י״חבערך תת״י לפנה״ס
ויעמדו על עזיהו המלך ויאמרו לו לא לך עזיהו להקטיר ליהוה כי לכהנים בני אהרן המקדשים להקטיר צא מן המקדש כי מעלת ולא לך לכבוד מיהוה אלהים׃
2 דִּבְרֵי הַיָּמִים כ״ו:י״טבערך תת״י לפנה״ס
ויזעף עזיהו ובידו מקטרת להקטיר ובזעפו עם הכהנים והצרעת זרחה במצחו לפני הכהנים בבית יהוה מעל למזבח הקטרת׃
2 דִּבְרֵי הַיָּמִים כ״ו:כ׳בערך תת״י לפנה״ס
ויפן אליו עזריהו כהן הראש וכל הכהנים והנה הוא מצרע במצחו ויבהלוהו משם וגם הוא נדחף לצאת כי נגעו יהוה׃
2 דִּבְרֵי הַיָּמִים כ״ו:כ״אבערך תשס״ה לפנה״ס
ויהי עזיהו המלך מצרע עד יום מותו וישב בית החפשות מצרע כי נגזר מבית יהוה ויותם בנו על בית המלך שופט את עם הארץ׃
2 דִּבְרֵי הַיָּמִים כ״ו:כ״בבערך תשס״ה לפנה״ס
ויתר דברי עזיהו הראשנים והאחרנים כתב ישעיהו בן אמוץ הנביא׃
2 דִּבְרֵי הַיָּמִים כ״ו:כ״גבערך תשנ״ח לפנה״ס
וישכב עזיהו עם אבתיו ויקברו אתו עם אבתיו בשדה הקבורה אשר למלכים כי אמרו מצורע הוא וימלך יותם בנו תחתיו׃
2 דִּבְרֵי הַיָּמִים כ״ז:א׳בערך תשנ״ג לפנה״ס
¶ בן עשרים וחמש שנה יותם במלכו ושש עשרה שנה מלך בירושלם ושם אמו ירושה בת צדוק׃
2 דִּבְרֵי הַיָּמִים כ״ז:ב׳בערך תשנ״ג לפנה״ס
ויעש הישר בעיני יהוה ככל אשר עשה עזיהו אביו רק לא בא אל היכל יהוה ועוד העם משחיתים׃
2 דִּבְרֵי הַיָּמִים כ״ז:ג׳בערך תשנ״ג לפנה״ס
הוא בנה את שער בית יהוה העליון ובחומת העפל בנה לרב׃
2 דִּבְרֵי הַיָּמִים כ״ז:ד׳בערך תשנ״ג לפנה״ס
וערים בנה בהר יהודה ובחרשים בנה בירניות ומגדלים׃
2 דִּבְרֵי הַיָּמִים כ״ז:ה׳בערך תשנ״ג לפנה״ס
והוא נלחם עם מלך בני עמון ויחזק עליהם ויתנו לו בני עמון בשנה ההיא מאה ככר כסף ועשרת אלפים כרים חטים ושעורים עשרת אלפים זאת השיבו לו בני עמון ובשנה השנית והשלשית׃
2 דִּבְרֵי הַיָּמִים כ״ז:ו׳בערך תשנ״ג לפנה״ס
ויתחזק יותם כי הכין דרכיו לפני יהוה אלהיו׃
2 דִּבְרֵי הַיָּמִים כ״ז:ז׳בערך תשנ״ג לפנה״ס
ויתר דברי יותם וכל מלחמתיו ודרכיו הנם כתובים על ספר מלכי ישראל ויהודה׃
2 דִּבְרֵי הַיָּמִים כ״ז:ח׳בערך תשנ״ג לפנה״ס
בן עשרים וחמש שנה היה במלכו ושש עשרה שנה מלך בירושלם׃
2 דִּבְרֵי הַיָּמִים כ״ז:ט׳בערך תשנ״ג לפנה״ס
וישכב יותם עם אבתיו ויקברו אתו בעיר דויד וימלך אחז בנו תחתיו׃
2 דִּבְרֵי הַיָּמִים כ״ח:א׳בערך תשמ״ב לפנה״ס
¶ בן עשרים שנה אחז במלכו ושש עשרה שנה מלך בירושלם ולא עשה הישר בעיני יהוה כדויד אביו׃
2 דִּבְרֵי הַיָּמִים כ״ח:ב׳בערך תשמ״ב לפנה״ס
וילך בדרכי מלכי ישראל וגם מסכות עשה לבעלים׃
2 דִּבְרֵי הַיָּמִים כ״ח:ג׳בערך תשמ״ב לפנה״ס
והוא הקטיר בגיא בן הנם ויבער את בניו באש כתעבות הגוים אשר הריש יהוה מפני בני ישראל׃
2 דִּבְרֵי הַיָּמִים כ״ח:ד׳בערך תשמ״ב לפנה״ס
ויזבח ויקטר בבמות ועל הגבעות ותחת כל עץ רענן׃
2 דִּבְרֵי הַיָּמִים כ״ח:ה׳בערך תשמ״ב לפנה״ס
ויתנהו יהוה אלהיו ביד מלך ארם ויכו בו וישבו ממנו שביה גדולה ויביאו דרמשק וגם ביד מלך ישראל נתן ויך בו מכה גדולה׃

מציג 1,451–1,475 מתוך 1,722 פסוקים

הקודם 1...57 58 59 60 61...69 הבא