David

968 פסוקים · 40 בני משפחה

פסוקים המזכירים את David

סינון לפי ספר
  1. 1 דִּבְרֵי הַיָּמִים י״ז:י״ח

    מה יוסיף עוד דויד אליך לכבוד את עבדך ואתה את עבדך ידעת׃

  2. 1 דִּבְרֵי הַיָּמִים י״ז:כ״ד

    ויאמן ויגדל שמך עד עולם לאמר יהוה צבאות אלהי ישראל אלהים לישראל ובית דויד עבדך נכון לפניך׃

  3. 1 דִּבְרֵי הַיָּמִים י״ח:א׳

    ¶ ויהי אחרי כן ויך דויד את פלשתים ויכניעם ויקח את גת ובנתיה מיד פלשתים׃

  4. 1 דִּבְרֵי הַיָּמִים י״ח:ב׳

    ויך את מואב ויהיו מואב עבדים לדויד נשאי מנחה׃

  5. 1 דִּבְרֵי הַיָּמִים י״ח:ג׳

    ויך דויד את הדדעזר מלך צובה חמתה בלכתו להציב ידו בנהר פרת׃

  6. 1 דִּבְרֵי הַיָּמִים י״ח:ד׳

    וילכד דויד ממנו אלף רכב ושבעת אלפים פרשים ועשרים אלף איש רגלי ויעקר דויד את כל הרכב ויותר ממנו מאה רכב׃

  7. 1 דִּבְרֵי הַיָּמִים י״ח:ה׳

    ויבא ארם דרמשק לעזור להדדעזר מלך צובה ויך דויד בארם עשרים ושנים אלף איש׃

  8. 1 דִּבְרֵי הַיָּמִים י״ח:ו׳

    וישם דויד בארם דרמשק ויהי ארם לדויד עבדים נשאי מנחה ויושע יהוה לדויד בכל אשר הלך׃

  9. 1 דִּבְרֵי הַיָּמִים י״ח:ז׳

    ויקח דויד את שלטי הזהב אשר היו על עבדי הדדעזר ויביאם ירושלם׃

  10. 1 דִּבְרֵי הַיָּמִים י״ח:ח׳

    ומטבחת ומכון ערי הדדעזר לקח דויד נחשת רבה מאד בה עשה שלמה את ים הנחשת ואת העמודים ואת כלי הנחשת׃

  11. 1 דִּבְרֵי הַיָּמִים י״ח:ט׳

    וישמע תעו מלך חמת כי הכה דויד את כל חיל הדדעזר מלך צובה׃

  12. 1 דִּבְרֵי הַיָּמִים י״ח:י׳

    וישלח את הדורם בנו אל המלך דויד לשאול לו לשלום ולברכו על אשר נלחם בהדדעזר ויכהו כי איש מלחמות תעו היה הדדעזר וכל כלי זהב וכסף ונחשת׃

  13. 1 דִּבְרֵי הַיָּמִים י״ח:י״א

    גם אתם הקדיש המלך דויד ליהוה עם הכסף והזהב אשר נשא מכל הגוים מאדום וממואב ומבני עמון ומפלשתים ומעמלק׃

  14. 1 דִּבְרֵי הַיָּמִים י״ח:י״ג

    וישם באדום נציבים ויהיו כל אדום עבדים לדויד ויושע יהוה את דויד בכל אשר הלך׃

  15. 1 דִּבְרֵי הַיָּמִים י״ח:י״ד

    וימלך דויד על כל ישראל ויהי עשה משפט וצדקה לכל עמו׃

  16. 1 דִּבְרֵי הַיָּמִים י״ח:י״ז

    ובניהו בן יהוידע על הכרתי והפלתי ובני דויד הראשנים ליד המלך׃

  17. 1 דִּבְרֵי הַיָּמִים י״ט:ב׳

    ויאמר דויד אעשה חסד עם חנון בן נחש כי עשה אביו עמי חסד וישלח דויד מלאכים לנחמו על אביו ויבאו עבדי דויד אל ארץ בני עמון אל חנון לנחמו׃

  18. 1 דִּבְרֵי הַיָּמִים י״ט:ג׳

    ויאמרו שרי בני עמון לחנון המכבד דויד את אביך בעיניך כי שלח לך מנחמים הלא בעבור לחקר ולהפך ולרגל הארץ באו עבדיו אליך׃

  19. 1 דִּבְרֵי הַיָּמִים י״ט:ד׳

    ויקח חנון את עבדי דויד ויגלחם ויכרת את מדויהם בחצי עד המפשעה וישלחם׃

  20. 1 דִּבְרֵי הַיָּמִים י״ט:ה׳

    וילכו ויגידו לדויד על האנשים וישלח לקראתם כי היו האנשים נכלמים מאד ויאמר המלך שבו בירחו עד אשר יצמח זקנכם ושבתם׃

  21. 1 דִּבְרֵי הַיָּמִים י״ט:ו׳

    ויראו בני עמון כי התבאשו עם דויד וישלח חנון ובני עמון אלף ככר כסף לשכר להם מן ארם נהרים ומן ארם מעכה ומצובה רכב ופרשים׃

  22. 1 דִּבְרֵי הַיָּמִים י״ט:ח׳

    וישמע דויד וישלח את יואב ואת כל צבא הגבורים׃

  23. 1 דִּבְרֵי הַיָּמִים י״ט:י״ז

    ויגד לדויד ויאסף את כל ישראל ויעבר הירדן ויבא אלהם ויערך אלהם ויערך דויד לקראת ארם מלחמה וילחמו עמו׃

  24. 1 דִּבְרֵי הַיָּמִים י״ט:י״ח

    וינס ארם מלפני ישראל ויהרג דויד מארם שבעת אלפים רכב וארבעים אלף איש רגלי ואת שופך שר הצבא המית׃

  25. 1 דִּבְרֵי הַיָּמִים י״ט:י״ט

    ויראו עבדי הדדעזר כי נגפו לפני ישראל וישלימו עם דויד ויעבדהו ולא אבה ארם להושיע את בני עמון עוד׃