David

968 פסוקים · 40 בני משפחה

פסוקים המזכירים את David

סינון לפי ספר
  1. 1 דִּבְרֵי הַיָּמִים כ״ב:א׳

    ¶ ויאמר דויד זה הוא בית יהוה האלהים וזה מזבח לעלה לישראל׃

  2. 1 דִּבְרֵי הַיָּמִים כ״ב:ב׳

    ויאמר דויד לכנוס את הגרים אשר בארץ ישראל ויעמד חצבים לחצוב אבני גזית לבנות בית האלהים׃

  3. 1 דִּבְרֵי הַיָּמִים כ״ב:ג׳

    וברזל לרב למסמרים לדלתות השערים ולמחברות הכין דויד ונחשת לרב אין משקל׃

  4. 1 דִּבְרֵי הַיָּמִים כ״ב:ד׳

    ועצי ארזים לאין מספר כי הביאו הצידנים והצרים עצי ארזים לרב לדויד׃

  5. 1 דִּבְרֵי הַיָּמִים כ״ב:ה׳

    ויאמר דויד שלמה בני נער ורך והבית לבנות ליהוה להגדיל למעלה לשם ולתפארת לכל הארצות אכינה נא לו ויכן דויד לרב לפני מותו׃

  6. 1 דִּבְרֵי הַיָּמִים כ״ב:ז׳

    ויאמר דויד לשלמה בנו אני היה עם לבבי לבנות בית לשם יהוה אלהי׃

  7. 1 דִּבְרֵי הַיָּמִים כ״ב:י״ז

    ויצו דויד לכל שרי ישראל לעזר לשלמה בנו׃

  8. 1 דִּבְרֵי הַיָּמִים כ״ג:א׳

    ¶ ודויד זקן ושבע ימים וימלך את שלמה בנו על ישראל׃

  9. 1 דִּבְרֵי הַיָּמִים כ״ג:ה׳

    וארבעת אלפים שערים וארבעת אלפים מהללים ליהוה בכלים אשר עשיתי להלל׃

  10. 1 דִּבְרֵי הַיָּמִים כ״ג:ו׳

    ויחלקם דויד מחלקות לבני לוי לגרשון קהת ומררי׃

  11. 1 דִּבְרֵי הַיָּמִים כ״ג:כ״ה

    כי אמר דויד הניח יהוה אלהי ישראל לעמו וישכן בירושלם עד לעולם׃

  12. 1 דִּבְרֵי הַיָּמִים כ״ג:כ״ז

    כי בדברי דויד האחרנים המה מספר בני לוי מבן עשרים שנה ולמעלה׃

  13. 1 דִּבְרֵי הַיָּמִים כ״ד:ג׳

    ויחלקם דויד וצדוק מן בני אלעזר ואחימלך מן בני איתמר לפקדתם בעבדתם׃

  14. 1 דִּבְרֵי הַיָּמִים כ״ד:ל״א

    ויפילו גם הם גורלות לעמת אחיהם בני אהרן לפני דויד המלך וצדוק ואחימלך וראשי האבות לכהנים וללוים אבות הראש לעמת אחיו הקטן׃

  15. 1 דִּבְרֵי הַיָּמִים כ״ה:א׳

    ¶ ויבדל דויד ושרי הצבא לעבדה לבני אסף והימן וידותון הנביאים בכנרות בנבלים ובמצלתים ויהי מספרם אנשי מלאכה לעבדתם׃

  16. 1 דִּבְרֵי הַיָּמִים כ״ו:כ״ו

    הוא שלמות ואחיו על כל אצרות הקדשים אשר הקדיש דויד המלך וראשי האבות לשרי האלפים והמאות ושרי הצבא׃

  17. 1 דִּבְרֵי הַיָּמִים כ״ו:ל״א

    לחברוני יריה הראש לחברוני לתלדתיו לאבות בשנת הארבעים למלכות דויד נדרשו וימצא בהם גבורי חיל ביעזיר גלעד׃

  18. 1 דִּבְרֵי הַיָּמִים כ״ו:ל״ב

    ואחיו בני חיל אלפים ושבע מאות ראשי האבות ויפקידם דויד המלך על הראובני והגדי וחצי שבט המנשי לכל דבר האלהים ודבר המלך׃

  19. 1 דִּבְרֵי הַיָּמִים כ״ז:י״ח

    ליהודה אליהו מאחי דויד ליששכר עמרי בן מיכאל׃

  20. 1 דִּבְרֵי הַיָּמִים כ״ז:כ״ג

    ולא נשא דויד מספרם למבן עשרים שנה ולמטה כי אמר יהוה להרבות את ישראל ככוכבי השמים׃

  21. 1 דִּבְרֵי הַיָּמִים כ״ז:כ״ד

    יואב בן צרויה החל למנות ולא כלה ויהי בזאת קצף על ישראל ולא עלה המספר במספר דברי הימים למלך דויד׃

  22. 1 דִּבְרֵי הַיָּמִים כ״ז:ל״א

    ועל הצאן יזיז ההגרי כל אלה שרי הרכוש אשר למלך דויד׃

  23. 1 דִּבְרֵי הַיָּמִים כ״ז:ל״ב

    ויהונתן דוד דויד יועץ איש מבין וסופר הוא ויחיאל בן חכמוני עם בני המלך׃

  24. 1 דִּבְרֵי הַיָּמִים כ״ח:א׳

    ¶ ויקהל דויד את כל שרי ישראל שרי השבטים ושרי המחלקות המשרתים את המלך ושרי האלפים ושרי המאות ושרי כל רכוש ומקנה למלך ולבניו עם הסריסים והגבורים ולכל גבור חיל אל ירושלם׃

  25. 1 דִּבְרֵי הַיָּמִים כ״ח:ב׳

    ויקם דויד המלך על רגליו ויאמר שמעוני אחי ועמי אני עם לבבי לבנות בית מנוחה לארון ברית יהוה ולהדם רגלי אלהינו והכינותי לבנות׃