פסוקים על Kings

580 פסוקים · 175 היבטים

פסוקי מפתח

סינון לפי ספר
  1. 2 דִּבְרֵי הַיָּמִים כ״ו:כ׳

    ויפן אליו עזריהו כהן הראש וכל הכהנים והנה הוא מצרע במצחו ויבהלוהו משם וגם הוא נדחף לצאת כי נגעו יהוה׃

  2. 2 דִּבְרֵי הַיָּמִים כ״ו:כ״א

    ויהי עזיהו המלך מצרע עד יום מותו וישב בית החפשות מצרע כי נגזר מבית יהוה ויותם בנו על בית המלך שופט את עם הארץ׃

  3. 2 דִּבְרֵי הַיָּמִים כ״ו:כ״ב

    ויתר דברי עזיהו הראשנים והאחרנים כתב ישעיהו בן אמוץ הנביא׃

  4. 2 דִּבְרֵי הַיָּמִים כ״ו:כ״ג

    וישכב עזיהו עם אבתיו ויקברו אתו עם אבתיו בשדה הקבורה אשר למלכים כי אמרו מצורע הוא וימלך יותם בנו תחתיו׃

  5. 2 דִּבְרֵי הַיָּמִים כ״ז:א׳

    ¶ בן עשרים וחמש שנה יותם במלכו ושש עשרה שנה מלך בירושלם ושם אמו ירושה בת צדוק׃

  6. 2 דִּבְרֵי הַיָּמִים כ״ז:ב׳

    ויעש הישר בעיני יהוה ככל אשר עשה עזיהו אביו רק לא בא אל היכל יהוה ועוד העם משחיתים׃

  7. 2 דִּבְרֵי הַיָּמִים כ״ז:ג׳

    הוא בנה את שער בית יהוה העליון ובחומת העפל בנה לרב׃

  8. 2 דִּבְרֵי הַיָּמִים כ״ז:ד׳

    וערים בנה בהר יהודה ובחרשים בנה בירניות ומגדלים׃

  9. 2 דִּבְרֵי הַיָּמִים כ״ז:ה׳

    והוא נלחם עם מלך בני עמון ויחזק עליהם ויתנו לו בני עמון בשנה ההיא מאה ככר כסף ועשרת אלפים כרים חטים ושעורים עשרת אלפים זאת השיבו לו בני עמון ובשנה השנית והשלשית׃

  10. 2 דִּבְרֵי הַיָּמִים כ״ז:ו׳

    ויתחזק יותם כי הכין דרכיו לפני יהוה אלהיו׃

  11. 2 דִּבְרֵי הַיָּמִים כ״ז:ז׳

    ויתר דברי יותם וכל מלחמתיו ודרכיו הנם כתובים על ספר מלכי ישראל ויהודה׃

  12. 2 דִּבְרֵי הַיָּמִים כ״ז:ח׳

    בן עשרים וחמש שנה היה במלכו ושש עשרה שנה מלך בירושלם׃

  13. 2 דִּבְרֵי הַיָּמִים כ״ז:ט׳

    וישכב יותם עם אבתיו ויקברו אתו בעיר דויד וימלך אחז בנו תחתיו׃

  14. 2 דִּבְרֵי הַיָּמִים כ״ח:א׳

    ¶ בן עשרים שנה אחז במלכו ושש עשרה שנה מלך בירושלם ולא עשה הישר בעיני יהוה כדויד אביו׃

  15. 2 דִּבְרֵי הַיָּמִים כ״ח:ב׳

    וילך בדרכי מלכי ישראל וגם מסכות עשה לבעלים׃

  16. 2 דִּבְרֵי הַיָּמִים כ״ח:ג׳

    והוא הקטיר בגיא בן הנם ויבער את בניו באש כתעבות הגוים אשר הריש יהוה מפני בני ישראל׃

  17. 2 דִּבְרֵי הַיָּמִים כ״ח:ד׳

    ויזבח ויקטר בבמות ועל הגבעות ותחת כל עץ רענן׃

  18. 2 דִּבְרֵי הַיָּמִים כ״ח:ה׳

    ויתנהו יהוה אלהיו ביד מלך ארם ויכו בו וישבו ממנו שביה גדולה ויביאו דרמשק וגם ביד מלך ישראל נתן ויך בו מכה גדולה׃

  19. 2 דִּבְרֵי הַיָּמִים כ״ח:ו׳

    ויהרג פקח בן רמליהו ביהודה מאה ועשרים אלף ביום אחד הכל בני חיל בעזבם את יהוה אלהי אבותם׃

  20. 2 דִּבְרֵי הַיָּמִים כ״ח:ז׳

    ויהרג זכרי גבור אפרים את מעשיהו בן המלך ואת עזריקם נגיד הבית ואת אלקנה משנה המלך׃

  21. 2 דִּבְרֵי הַיָּמִים כ״ח:ח׳

    וישבו בני ישראל מאחיהם מאתים אלף נשים בנים ובנות וגם שלל רב בזזו מהם ויביאו את השלל לשמרון׃

  22. 2 דִּבְרֵי הַיָּמִים כ״ח:ט׳

    ושם היה נביא ליהוה עדד שמו ויצא לפני הצבא הבא לשמרון ויאמר להם הנה בחמת יהוה אלהי אבותיכם על יהודה נתנם בידכם ותהרגו בם בזעף עד לשמים הגיע׃

  23. 2 דִּבְרֵי הַיָּמִים כ״ח:י׳

    ועתה בני יהודה וירושלם אתם אמרים לכבש לעבדים ולשפחות לכם הלא רק אתם עמכם אשמות ליהוה אלהיכם׃

  24. 2 דִּבְרֵי הַיָּמִים כ״ח:י״א

    ועתה שמעוני והשיבו השביה אשר שביתם מאחיכם כי חרון אף יהוה עליכם׃

  25. 2 דִּבְרֵי הַיָּמִים כ״ח:י״ב

    ויקמו אנשים מראשי בני אפרים עזריהו בן יהוחנן ברכיהו בן משלמות ויחזקיהו בן שלם ועמשא בן חדלי על הבאים מן הצבא׃