פסוקים על Kings

580 פסוקים · 175 היבטים

פסוקי מפתח

סינון לפי ספר
  1. 2 דִּבְרֵי הַיָּמִים ל״ג:י״א

    ויבא יהוה עליהם את שרי הצבא אשר למלך אשור וילכדו את מנשה בחחים ויאסרהו בנחשתים ויוליכהו בבלה׃

  2. 2 דִּבְרֵי הַיָּמִים ל״ג:י״ב

    וכהצר לו חלה את פני יהוה אלהיו ויכנע מאד מלפני אלהי אבתיו׃

  3. 2 דִּבְרֵי הַיָּמִים ל״ג:י״ג

    ויתפלל אליו ויעתר לו וישמע תחנתו וישיבהו ירושלם למלכותו וידע מנשה כי יהוה הוא האלהים׃

  4. 2 דִּבְרֵי הַיָּמִים ל״ג:י״ד

    ואחרי כן בנה חומה חיצונה לעיר דויד מערבה לגיחון בנחל ולבוא בשער הדגים וסבב לעפל ויגביהה מאד וישם שרי חיל בכל הערים הבצרות ביהודה׃

  5. 2 דִּבְרֵי הַיָּמִים ל״ג:ט״ו

    ויסר את אלהי הנכר ואת הסמל מבית יהוה וכל המזבחות אשר בנה בהר בית יהוה ובירושלם וישלך חוצה לעיר׃

  6. 2 דִּבְרֵי הַיָּמִים ל״ג:ט״ז

    ויכן את מזבח יהוה ויזבח עליו זבחי שלמים ותודה ויאמר ליהודה לעבוד את יהוה אלהי ישראל׃

  7. 2 דִּבְרֵי הַיָּמִים ל״ג:י״ז

    אבל עוד העם זבחים בבמות רק ליהוה אלהיהם׃

  8. 2 דִּבְרֵי הַיָּמִים ל״ג:י״ח

    ויתר דברי מנשה ותפלתו אל אלהיו ודברי החזים המדברים אליו בשם יהוה אלהי ישראל הנם על דברי מלכי ישראל׃

  9. 2 דִּבְרֵי הַיָּמִים ל״ג:י״ט

    ותפלתו והעתר לו וכל חטאתו ומעלו והמקמות אשר בנה בהם במות והעמיד האשרים והפסלים לפני הכנעו הנם כתובים על דברי חוזי׃

  10. 2 דִּבְרֵי הַיָּמִים ל״ג:כ׳

    וישכב מנשה עם אבתיו ויקברהו ביתו וימלך אמון בנו תחתיו׃

  11. 2 דִּבְרֵי הַיָּמִים ל״ג:כ״א

    בן עשרים ושתים שנה אמון במלכו ושתים שנים מלך בירושלם׃

  12. 2 דִּבְרֵי הַיָּמִים ל״ג:כ״ב

    ויעש הרע בעיני יהוה כאשר עשה מנשה אביו ולכל הפסילים אשר עשה מנשה אביו זבח אמון ויעבדם׃

  13. 2 דִּבְרֵי הַיָּמִים ל״ג:כ״ג

    ולא נכנע מלפני יהוה כהכנע מנשה אביו כי הוא אמון הרבה אשמה׃

  14. 2 דִּבְרֵי הַיָּמִים ל״ג:כ״ד

    ויקשרו עליו עבדיו וימיתהו בביתו׃

  15. 2 דִּבְרֵי הַיָּמִים ל״ג:כ״ה

    ויכו עם הארץ את כל הקשרים על המלך אמון וימליכו עם הארץ את יאשיהו בנו תחתיו׃

  16. 2 דִּבְרֵי הַיָּמִים ל״ו:א׳

    ¶ ויקחו עם הארץ את יהואחז בן יאשיהו וימליכהו תחת אביו בירושלם׃

  17. 2 דִּבְרֵי הַיָּמִים ל״ו:ב׳

    בן שלוש ועשרים שנה יואחז במלכו ושלשה חדשים מלך בירושלם׃

  18. 2 דִּבְרֵי הַיָּמִים ל״ו:ג׳

    ויסירהו מלך מצרים בירושלם ויענש את הארץ מאה ככר כסף וככר זהב׃

  19. 2 דִּבְרֵי הַיָּמִים ל״ו:ד׳

    וימלך מלך מצרים את אליקים אחיו על יהודה וירושלם ויסב את שמו יהויקים ואת יואחז אחיו לקח נכו ויביאהו מצרימה׃

  20. 2 דִּבְרֵי הַיָּמִים ל״ו:ה׳

    בן עשרים וחמש שנה יהויקים במלכו ואחת עשרה שנה מלך בירושלם ויעש הרע בעיני יהוה אלהיו׃

  21. 2 דִּבְרֵי הַיָּמִים ל״ו:ו׳

    עליו עלה נבוכדנאצר מלך בבל ויאסרהו בנחשתים להליכו בבלה׃

  22. 2 דִּבְרֵי הַיָּמִים ל״ו:ז׳

    ומכלי בית יהוה הביא נבוכדנאצר לבבל ויתנם בהיכלו בבבל׃

  23. 2 דִּבְרֵי הַיָּמִים ל״ו:ח׳

    ויתר דברי יהויקים ותעבתיו אשר עשה והנמצא עליו הנם כתובים על ספר מלכי ישראל ויהודה וימלך יהויכין בנו תחתיו׃

  24. 2 דִּבְרֵי הַיָּמִים ל״ו:י״א

    בן עשרים ואחת שנה צדקיהו במלכו ואחת עשרה שנה מלך בירושלם׃

  25. 2 דִּבְרֵי הַיָּמִים ל״ו:י״ב

    ויעש הרע בעיני יהוה אלהיו לא נכנע מלפני ירמיהו הנביא מפי יהוה׃