פסוקים על Kings

580 פסוקים · 175 היבטים

פסוקי מפתח

סינון לפי ספר
  1. 2 דִּבְרֵי הַיָּמִים כ״ח:י״ג

    ויאמרו להם לא תביאו את השביה הנה כי לאשמת יהוה עלינו אתם אמרים להסיף על חטאתינו ועל אשמתינו כי רבה אשמה לנו וחרון אף על ישראל׃

  2. 2 דִּבְרֵי הַיָּמִים כ״ח:י״ד

    ויעזב החלוץ את השביה ואת הבזה לפני השרים וכל הקהל׃

  3. 2 דִּבְרֵי הַיָּמִים כ״ח:ט״ו

    ויקמו האנשים אשר נקבו בשמות ויחזיקו בשביה וכל מערמיהם הלבישו מן השלל וילבשום וינעלום ויאכלום וישקום ויסכום וינהלום בחמרים לכל כושל ויביאום ירחו עיר התמרים אצל אחיהם וישובו שמרון׃

  4. 2 דִּבְרֵי הַיָּמִים כ״ח:ט״ז

    בעת ההיא שלח המלך אחז על מלכי אשור לעזר לו׃

  5. 2 דִּבְרֵי הַיָּמִים כ״ח:י״ז

    ועוד אדומים באו ויכו ביהודה וישבו שבי׃

  6. 2 דִּבְרֵי הַיָּמִים כ״ח:י״ח

    ופלשתים פשטו בערי השפלה והנגב ליהודה וילכדו את בית שמש ואת אילון ואת הגדרות ואת שוכו ובנותיה ואת תמנה ובנותיה ואת גמזו ואת בנתיה וישבו שם׃

  7. 2 דִּבְרֵי הַיָּמִים כ״ח:י״ט

    כי הכניע יהוה את יהודה בעבור אחז מלך ישראל כי הפריע ביהודה ומעול מעל ביהוה׃

  8. 2 דִּבְרֵי הַיָּמִים כ״ח:כ׳

    ויבא עליו תלגת פלנאסר מלך אשור ויצר לו ולא חזקו׃

  9. 2 דִּבְרֵי הַיָּמִים כ״ח:כ״א

    כי חלק אחז את בית יהוה ואת בית המלך והשרים ויתן למלך אשור ולא לעזרה לו׃

  10. 2 דִּבְרֵי הַיָּמִים כ״ח:כ״ב

    ובעת הצר לו ויוסף למעול ביהוה הוא המלך אחז׃

  11. 2 דִּבְרֵי הַיָּמִים כ״ח:כ״ג

    ויזבח לאלהי דרמשק המכים בו ויאמר כי אלהי מלכי ארם הם מעזרים אותם להם אזבח ויעזרוני והם היו לו להכשילו ולכל ישראל׃

  12. 2 דִּבְרֵי הַיָּמִים כ״ח:כ״ד

    ויאסף אחז את כלי בית האלהים ויקצץ את כלי בית האלהים ויסגר את דלתות בית יהוה ויעש לו מזבחות בכל פנה בירושלם׃

  13. 2 דִּבְרֵי הַיָּמִים כ״ח:כ״ה

    ובכל עיר ועיר ליהודה עשה במות לקטר לאלהים אחרים ויכעס את יהוה אלהי אבתיו׃

  14. 2 דִּבְרֵי הַיָּמִים כ״ח:כ״ו

    ויתר דבריו וכל דרכיו הראשנים והאחרונים הנם כתובים על ספר מלכי יהודה וישראל׃

  15. 2 דִּבְרֵי הַיָּמִים כ״ח:כ״ז

    וישכב אחז עם אבתיו ויקברהו בעיר בירושלם כי לא הביאהו לקברי מלכי ישראל וימלך יחזקיהו בנו תחתיו׃

  16. 2 דִּבְרֵי הַיָּמִים ל״ג:א׳

    ¶ בן שתים עשרה שנה מנשה במלכו וחמשים וחמש שנה מלך בירושלם׃

  17. 2 דִּבְרֵי הַיָּמִים ל״ג:ב׳

    ויעש הרע בעיני יהוה כתועבות הגוים אשר הוריש יהוה מפני בני ישראל׃

  18. 2 דִּבְרֵי הַיָּמִים ל״ג:ג׳

    וישב ויבן את הבמות אשר נתץ יחזקיהו אביו ויקם מזבחות לבעלים ויעש אשרות וישתחו לכל צבא השמים ויעבד אתם׃

  19. 2 דִּבְרֵי הַיָּמִים ל״ג:ד׳

    ובנה מזבחות בבית יהוה אשר אמר יהוה בירושלם יהיה שמי לעולם׃

  20. 2 דִּבְרֵי הַיָּמִים ל״ג:ה׳

    ויבן מזבחות לכל צבא השמים בשתי חצרות בית יהוה׃

  21. 2 דִּבְרֵי הַיָּמִים ל״ג:ו׳

    והוא העביר את בניו באש בגי בן הנם ועונן ונחש וכשף ועשה אוב וידעוני הרבה לעשות הרע בעיני יהוה להכעיסו׃

  22. 2 דִּבְרֵי הַיָּמִים ל״ג:ז׳

    וישם את פסל הסמל אשר עשה בבית האלהים אשר אמר אלהים אל דויד ואל שלמה בנו בבית הזה ובירושלם אשר בחרתי מכל שבטי ישראל אשים את שמי לעילום׃

  23. 2 דִּבְרֵי הַיָּמִים ל״ג:ח׳

    ולא אוסיף להסיר את רגל ישראל מעל האדמה אשר העמדתי לאבתיכם רק אם ישמרו לעשות את כל אשר צויתים לכל התורה והחקים והמשפטים ביד משה׃

  24. 2 דִּבְרֵי הַיָּמִים ל״ג:ט׳

    ויתע מנשה את יהודה וישבי ירושלם לעשות רע מן הגוים אשר השמיד יהוה מפני בני ישראל׃

  25. 2 דִּבְרֵי הַיָּמִים ל״ג:י׳

    וידבר יהוה אל מנשה ואל עמו ולא הקשיבו׃