Hausa

circa 6 BC – AD 30

The Life of Jesus

The eternal Son of God enters history: born in Bethlehem, baptized in the Jordan, crucified at Golgotha, raised on the third day.

3,779 ayoyi · 4 littattafai da aka rufe

Ayoyi daga wannan lokacin

Tsarin Nassi Bisa kwanan wata
Tace bisa littafi
  1. Luka 22:31kusan 33 M.

    “Siman, Siman, Shaiɗan ya nemi izini ya sheƙe kakamar alkama.

  2. Luka 22:32kusan 33 M.

    Amma na yi maka addu’a, Siman, domin kada bangaskiyarka ta kāsa. Bayan ka juyo, ka ƙarfafa ’yan’uwanka.”

  3. Luka 22:33kusan 33 M.

    Amma ya amsa ya ce, “Ubangiji, ina a shirye in tafi tare da kai har kurkuku, ko mutuwa ma.”

  4. Luka 22:34kusan 33 M.

    Yesu ya ce, “Ina gaya maka Bitrus, kafin zakara ya yi cara yau, za ka yi mūsun sanina sau uku.”

  5. Luka 22:35kusan 33 M.

    Sai Yesu ya tambaye, su ya ce, “Lokacin da na aike ku ba tare da jakar kuɗi, ko jaka, ko takalma ba, kun rasa wani abu?” Suka amsa, “Babu.”

  6. Luka 22:36kusan 33 M.

    Ya ce musu, “Amma yanzu, in kuna da jakar kuɗi, ko jaka, ku ɗauka. In kuma ba ku da takobi, ku sayar da rigarku, ku saya.

  7. Luka 22:37kusan 33 M.

    A rubuce yake cewa, ‘An lissafta shi tare da masu zunubi.’ Ina kuwa gaya muku, dole wannan ya cika a kaina. I, abin da aka rubuta a kaina yana kusan cikawa.”

  8. Luka 22:38kusan 33 M.

    Almajiran suka ce, “Duba Ubangiji, ga takuba biyu.” Yesu ya ce, “Ya isa.”

  9. Luka 22:39kusan 33 M.

    Yesu ya fita zuwa Dutsen Zaitun kamar yadda ya saba, almajiransa kuma suka bi shi.

  10. Luka 22:40kusan 33 M.

    Da ya kai wurin, sai ya ce musu, “Ku yi addu’a don kada ku fāɗi cikin jarraba.”

  11. Luka 22:41kusan 33 M.

    Sai ya janye daga wurinsu, misalin nisan jifa, ya durƙusa a ƙasa ya yi addu’a,

  12. Luka 22:42kusan 33 M.

    “Uba, in ka yarda, ka ɗauke mini wannan kwaf, amma ba nufina ba, sai dai naka.”

  13. Luka 22:43kusan 33 M.

    Wani mala’ika daga sama ya bayyana gare shi, ya ƙarfafa shi.

  14. Luka 22:44kusan 33 M.

    Domin tsananin azaba, sai ya ƙara himma cikin addu’a, zuffansa kuma na ɗigowa ƙasa kamar jini.

  15. Luka 22:45kusan 33 M.

    Da ya tashi daga addu’a, ya koma inda almajiransa suke, sai ya iske su suna barci, daga gajiyar baƙin ciki.

  16. Luka 22:46kusan 33 M.

    Ya tambaye su, “Don me kuke barci? Ku tashi ku yi addu’a, don kada ku fāɗi cikin jarraba.”

  17. Luka 22:47kusan 33 M.

    Yana cikin magana sai ga taro sun zo. Mutumin nan da ake kira Yahuda, ɗaya daga cikin Sha Biyun, shi ya bi da su. Sai ya matso kusa da Yesu don yă yi masa sumba.

  18. Luka 22:48kusan 33 M.

    Amma Yesu ya tambaye shi ya ce, “Yahuda, ashe, da sumba za ka bashe Ɗan Mutum?”

  19. Luka 22:49kusan 33 M.

    Da masu bin Yesu suka ga abin da zai faru, sai suka ce, “Ubangiji, mu yi sara da takubanmu ne?”

  20. Luka 22:50kusan 33 M.

    Sai ɗayansu ya kai sara ga bawan babban firist, ya sare kunnen damansa.

  21. Luka 22:51kusan 33 M.

    Amma Yesu ya amsa ya ce, “Kada a ƙara yin wannan!” Sai ya taɓa kunnen mutumin da aka sara, ya warkar da shi.

  22. Luka 22:52kusan 33 M.

    Sai Yesu ya ce wa manyan firistoci, da ma’aikatan ’yan gadin haikali, da dattawa, waɗanda suka zo don su kama shi, “Ina jagoran wani tawaye ne, da za ku zo da takuba da sanduna?

  23. Luka 22:53kusan 33 M.

    Kullum ina tare da ku a filin haikali, amma ba ku kama ni ba. Amma wannan ne sa’a naku, lokacin da duhu yake mulki.”

  24. Luka 22:54kusan 33 M.

    Sai suka kama shi suka kai shi gidan babban firist. Bitrus ya bi su daga nesa.

  25. Luka 22:55kusan 33 M.

    Amma da suka hura wuta a tsakiyar harabar gidan, kowa ya zauna, sai Bitrus ya zo ya zauna tare da su.