Hausa

circa 6 BC – AD 30

The Life of Jesus

The eternal Son of God enters history: born in Bethlehem, baptized in the Jordan, crucified at Golgotha, raised on the third day.

3,779 ayoyi · 4 littattafai da aka rufe

Ayoyi daga wannan lokacin

Tsarin Nassi Bisa kwanan wata
Tace bisa littafi
  1. Luka 21:19kusan 33 M.

    Ta wurin tsayawa da ƙarfi, za ku sami rai.

  2. Luka 21:20kusan 33 M.

    “In kuka ga mayaƙa sun kewaye Urushalima, za ku sani rushewarta ya yi kusa.

  3. Luka 21:21kusan 33 M.

    A lokacin nan, bari waɗanda suke Yahudiya, su gudu zuwa cikin duwatsu. Bari waɗanda suke cikin birnin kuma su fita, bari kuma waɗanda suke ƙauye kada su shiga birnin.

  4. Luka 21:22kusan 33 M.

    Gama wannan shi ne lokacin hukunci, saboda a cika duk abin da aka rubuta.

  5. Luka 21:23kusan 33 M.

    Zai zama abin kaito ga mata masu ciki, da mata masu renon ’ya’ya, a waɗancan kwanakin! Za a yi baƙin ciki mai tsanani a ƙasar, da kuma fushi mai tsanani a kan mutanen nan.

  6. Luka 21:24kusan 33 M.

    Za a kashe su da takobi, a kuma ɗauke su ’yan kurkuku, zuwa dukan al’ummai. Al’ummai za su tattaka Urushalima, har sai lokacin Al’ummai ya cika.

  7. Luka 21:25kusan 33 M.

    “Za a yi alamu a cikin rana, da cikin wata, da cikin taurari. A duniya, al’ummai za su yi baƙin ciki, su kuma rikice don tsoro, saboda ruri da kuma tafasar teku.

  8. Luka 21:26kusan 33 M.

    Mutane za su suma don tsoro, za su kuma yi fargaba, a kan abin da yake zuwa a bisan duniya, gama za a girgiza duniyar taurarin sararin sama.

  9. Luka 21:27kusan 33 M.

    A lokacin ne za su ga Ɗan Mutum yana zuwa cikin girgije, da iko, da ɗaukaka mai girma.

  10. Luka 21:28kusan 33 M.

    Sa’ad da waɗannan abubuwa sun fara faruwa, ku tashi tsaye, ku ɗaga kawunanku, domin fansarku yana matsowa kusa.”

  11. Luka 21:29kusan 33 M.

    Sai ya gaya musu wannan misali ya ce, “Ku dubi itacen ɓaure da dukan itatuwa.

  12. Luka 21:30kusan 33 M.

    A duk lokacin da sun fara fitar da ganye, za ku gani da kanku, ku san cewa, damina ta yi kusa.

  13. Luka 21:31kusan 33 M.

    Haka ma, in kuka ga waɗannan abubuwa suna faruwa, ku sani mulkin Allah ya yi kusa.

  14. Luka 21:32kusan 33 M.

    “Gaskiya nake gaya muku, ba shakka, wannan zamani ba zai shuɗe ba, sai dukan waɗannan abubuwa sun cika.

  15. Luka 21:33kusan 33 M.

    Sama da ƙasa za su shuɗe, amma kalmomina ba za su taɓa shuɗewa ba.

  16. Luka 21:34kusan 33 M.

    “Ku lura fa don kada son jin daɗi na banza, da shaye-shaye, da damuwa na rayuwa su rinjayi zuciyarku, har ranar ta auko muku ba tsammani kamar tarko.

  17. Luka 21:35kusan 33 M.

    Gama za tă zo a kan kowa da yake kan dukan duniya.

  18. Luka 21:36kusan 33 M.

    Ku yi tsaro kullum, ku yi addu’a don ku iya kuɓuta daga dukan waɗannan abubuwa da suke kusan faruwa, don ku iya tsayawa a gaban Ɗan Mutum.”

  19. Luka 21:37kusan 33 M.

    Kowace rana, Yesu yakan je haikalin ya yi koyarwa, da kowace yamma kuma, ya je ya kwana a kan tudun da ake kira Dutsen Zaitun.

  20. Luka 21:38kusan 33 M.

    Da sassafe kuma, dukan mutanen suka zo haikalin, don su saurare shi.

  21. Luka 22:1kusan 33 M.

    Yanzu fa, Bikin Burodi Marar Yistin da ake kira Bikin Ƙetarewa ya yi kusa,

  22. Luka 22:2kusan 33 M.

    manyan firistoci da malaman dokoki kuma suna neman yadda za su kashe Yesu a ɓoye, don suna tsoron mutane.

  23. Luka 22:3kusan 33 M.

    Shaiɗan kuwa ya shiga Yahuda, wanda ake kira Iskariyot, ɗaya daga cikin Sha Biyun.

  24. Luka 22:4kusan 33 M.

    Sai Yahuda ya je ya tattauna da manyan firistoci, da ma’aikatan ’yan gadin haikali, a kan yadda zai ba da Yesu a gare su.

  25. Luka 22:5kusan 33 M.

    Suka kuwa yi murna, suka yarda su ba shi kuɗi.