פסוקים על Solomon

301 פסוקים · 46 היבטים

פסוקי מפתח

סינון לפי ספר
  1. 1 מְלָכִים ד׳:כ״ד

    כי הוא רדה בכל עבר הנהר מתפסח ועד עזה בכל מלכי עבר הנהר ושלום היה לו מכל עבריו מסביב׃

  2. 1 מְלָכִים ד׳:כ״ו

    ויהי לשלמה ארבעים אלף ארות סוסים למרכבו ושנים עשר אלף פרשים׃

  3. 1 מְלָכִים ד׳:כ״ז

    וכלכלו הנצבים האלה את המלך שלמה ואת כל הקרב אל שלחן המלך שלמה איש חדשו לא יעדרו דבר׃

  4. 1 מְלָכִים ד׳:כ״ח

    והשערים והתבן לסוסים ולרכש יבאו אל המקום אשר יהיה שם איש כמשפטו׃

  5. 1 מְלָכִים ד׳:כ״ט

    ויתן אלהים חכמה לשלמה ותבונה הרבה מאד ורחב לב כחול אשר על שפת הים׃

  6. 1 מְלָכִים ד׳:ל׳

    ותרב חכמת שלמה מחכמת כל בני קדם ומכל חכמת מצרים׃

  7. 1 מְלָכִים ד׳:ל״א

    ויחכם מכל האדם מאיתן האזרחי והימן וכלכל ודרדע בני מחול ויהי שמו בכל הגוים סביב׃

  8. 1 מְלָכִים ד׳:ל״ב

    וידבר שלשת אלפים משל ויהי שירו חמשה ואלף׃

  9. 1 מְלָכִים ד׳:ל״ג

    וידבר על העצים מן הארז אשר בלבנון ועד האזוב אשר יצא בקיר וידבר על הבהמה ועל העוף ועל הרמש ועל הדגים׃

  10. 1 מְלָכִים ד׳:ל״ד

    ויבאו מכל העמים לשמע את חכמת שלמה מאת כל מלכי הארץ אשר שמעו את חכמתו׃

  11. 1 מְלָכִים ז׳:א׳

    ¶ ואת ביתו בנה שלמה שלש עשרה שנה ויכל את כל ביתו׃

  12. 1 מְלָכִים ז׳:ב׳

    ויבן את בית יער הלבנון מאה אמה ארכו וחמשים אמה רחבו ושלשים אמה קומתו על ארבעה טורי עמודי ארזים וכרתות ארזים על העמודים׃

  13. 1 מְלָכִים ז׳:ג׳

    וספן בארז ממעל על הצלעת אשר על העמודים ארבעים וחמשה חמשה עשר הטור׃

  14. 1 מְלָכִים ז׳:ד׳

    ושקפים שלשה טורים ומחזה אל מחזה שלש פעמים׃

  15. 1 מְלָכִים ז׳:ה׳

    וכל הפתחים והמזוזות רבעים שקף ומול מחזה אל מחזה שלש פעמים׃

  16. 1 מְלָכִים ז׳:ו׳

    ואת אולם העמודים עשה חמשים אמה ארכו ושלשים אמה רחבו ואולם על פניהם ועמדים ועב על פניהם׃

  17. 1 מְלָכִים ז׳:ז׳

    ואולם הכסא אשר ישפט שם אלם המשפט עשה וספון בארז מהקרקע עד הקרקע׃

  18. 1 מְלָכִים ז׳:ח׳

    וביתו אשר ישב שם חצר האחרת מבית לאולם כמעשה הזה היה ובית יעשה לבת פרעה אשר לקח שלמה כאולם הזה׃

  19. 1 מְלָכִים ז׳:ט׳

    כל אלה אבנים יקרת כמדת גזית מגררות במגרה מבית ומחוץ וממסד עד הטפחות ומחוץ עד החצר הגדולה׃

  20. 1 מְלָכִים ז׳:י׳

    ומיסד אבנים יקרות אבנים גדלות אבני עשר אמות ואבני שמנה אמות׃

  21. 1 מְלָכִים ז׳:י״א

    ומלמעלה אבנים יקרות כמדות גזית וארז׃

  22. 1 מְלָכִים ז׳:י״ב

    וחצר הגדולה סביב שלשה טורים גזית וטור כרתת ארזים ולחצר בית יהוה הפנימית ולאלם הבית׃

  23. 1 מְלָכִים ח׳:ס״ה

    ויעש שלמה בעת ההיא את החג וכל ישראל עמו קהל גדול מלבוא חמת עד נחל מצרים לפני יהוה אלהינו שבעת ימים ושבעת ימים ארבעה עשר יום׃

  24. 1 מְלָכִים ט׳:א׳

    ¶ ויהי ככלות שלמה לבנות את בית יהוה ואת בית המלך ואת כל חשק שלמה אשר חפץ לעשות׃

  25. 1 מְלָכִים ט׳:ב׳

    וירא יהוה אל שלמה שנית כאשר נראה אליו בגבעון׃