פסוקים על Solomon

301 פסוקים · 46 היבטים

פסוקי מפתח

סינון לפי ספר
  1. 1 מְלָכִים ט׳:ג׳

    ויאמר יהוה אליו שמעתי את תפלתך ואת תחנתך אשר התחננתה לפני הקדשתי את הבית הזה אשר בנתה לשום שמי שם עד עולם והיו עיני ולבי שם כל הימים׃

  2. 1 מְלָכִים ט׳:ד׳

    ואתה אם תלך לפני כאשר הלך דוד אביך בתם לבב ובישר לעשות ככל אשר צויתיך חקי ומשפטי תשמר׃

  3. 1 מְלָכִים ט׳:ה׳

    והקמתי את כסא ממלכתך על ישראל לעלם כאשר דברתי על דוד אביך לאמר לא יכרת לך איש מעל כסא ישראל׃

  4. 1 מְלָכִים ט׳:ו׳

    אם שוב תשבון אתם ובניכם מאחרי ולא תשמרו מצותי חקתי אשר נתתי לפניכם והלכתם ועבדתם אלהים אחרים והשתחויתם להם׃

  5. 1 מְלָכִים ט׳:ז׳

    והכרתי את ישראל מעל פני האדמה אשר נתתי להם ואת הבית אשר הקדשתי לשמי אשלח מעל פני והיה ישראל למשל ולשנינה בכל העמים׃

  6. 1 מְלָכִים ט׳:ח׳

    והבית הזה יהיה עליון כל עבר עליו ישם ושרק ואמרו על מה עשה יהוה ככה לארץ הזאת ולבית הזה׃

  7. 1 מְלָכִים ט׳:ט׳

    ואמרו על אשר עזבו את יהוה אלהיהם אשר הוציא את אבתם מארץ מצרים ויחזקו באלהים אחרים וישתחו להם ויעבדם על כן הביא יהוה עליהם את כל הרעה הזאת׃

  8. 1 מְלָכִים ט׳:י׳

    ויהי מקצה עשרים שנה אשר בנה שלמה את שני הבתים את בית יהוה ואת בית המלך׃

  9. 1 מְלָכִים ט׳:י״א

    חירם מלך צר נשא את שלמה בעצי ארזים ובעצי ברושים ובזהב לכל חפצו אז יתן המלך שלמה לחירם עשרים עיר בארץ הגליל׃

  10. 1 מְלָכִים ט׳:י״ב

    ויצא חירם מצר לראות את הערים אשר נתן לו שלמה ולא ישרו בעיניו׃

  11. 1 מְלָכִים ט׳:י״ג

    ויאמר מה הערים האלה אשר נתתה לי אחי ויקרא להם ארץ כבול עד היום הזה׃

  12. 1 מְלָכִים ט׳:ט״ו

    וזה דבר המס אשר העלה המלך שלמה לבנות את בית יהוה ואת ביתו ואת המלוא ואת חומת ירושלם ואת חצר ואת מגדו ואת גזר׃

  13. 1 מְלָכִים ט׳:ט״ז

    פרעה מלך מצרים עלה וילכד את גזר וישרפה באש ואת הכנעני הישב בעיר הרג ויתנה שלחים לבתו אשת שלמה׃

  14. 1 מְלָכִים ט׳:י״ז

    ויבן שלמה את גזר ואת בית חרן תחתון׃

  15. 1 מְלָכִים ט׳:י״ח

    ואת בעלת ואת תמר במדבר בארץ׃

  16. 1 מְלָכִים ט׳:י״ט

    ואת כל ערי המסכנות אשר היו לשלמה ואת ערי הרכב ואת ערי הפרשים ואת חשק שלמה אשר חשק לבנות בירושלם ובלבנון ובכל ארץ ממשלתו׃

  17. 1 מְלָכִים ט׳:כ״א

    בניהם אשר נתרו אחריהם בארץ אשר לא יכלו בני ישראל להחרימם ויעלם שלמה למס עבד עד היום הזה׃

  18. 1 מְלָכִים ט׳:כ״ד

    אך בת פרעה עלתה מעיר דוד אל ביתה אשר בנה לה אז בנה את המלוא׃

  19. 1 מְלָכִים ט׳:כ״ח

    ויבאו אופירה ויקחו משם זהב ארבע מאות ועשרים ככר ויבאו אל המלך שלמה׃

  20. 1 מְלָכִים י׳:א׳

    ¶ ומלכת שבא שמעת את שמע שלמה לשם יהוה ותבא לנסתו בחידות׃

  21. 1 מְלָכִים י׳:ב׳

    ותבא ירושלמה בחיל כבד מאד גמלים נשאים בשמים וזהב רב מאד ואבן יקרה ותבא אל שלמה ותדבר אליו את כל אשר היה עם לבבה׃

  22. 1 מְלָכִים י׳:ג׳

    ויגד לה שלמה את כל דבריה לא היה דבר נעלם מן המלך אשר לא הגיד לה׃

  23. 1 מְלָכִים י׳:ד׳

    ותרא מלכת שבא את כל חכמת שלמה והבית אשר בנה׃

  24. 1 מְלָכִים י׳:ה׳

    ומאכל שלחנו ומושב עבדיו ומעמד משרתו ומלבשיהם ומשקיו ועלתו אשר יעלה בית יהוה ולא היה בה עוד רוח׃

  25. 1 מְלָכִים י׳:ו׳

    ותאמר אל המלך אמת היה הדבר אשר שמעתי בארצי על דבריך ועל חכמתך׃