פסוקים על Solomon

301 פסוקים · 46 היבטים

פסוקי מפתח

סינון לפי ספר
  1. 1 מְלָכִים י׳:ז׳

    ולא האמנתי לדברים עד אשר באתי ותראינה עיני והנה לא הגד לי החצי הוספת חכמה וטוב אל השמועה אשר שמעתי׃

  2. 1 מְלָכִים י׳:ח׳

    אשרי אנשיך אשרי עבדיך אלה העמדים לפניך תמיד השמעים את חכמתך׃

  3. 1 מְלָכִים י׳:ט׳

    יהי יהוה אלהיך ברוך אשר חפץ בך לתתך על כסא ישראל באהבת יהוה את ישראל לעלם וישימך למלך לעשות משפט וצדקה׃

  4. 1 מְלָכִים י׳:י׳

    ותתן למלך מאה ועשרים ככר זהב ובשמים הרבה מאד ואבן יקרה לא בא כבשם ההוא עוד לרב אשר נתנה מלכת שבא למלך שלמה׃

  5. 1 מְלָכִים י׳:י״א

    וגם אני חירם אשר נשא זהב מאופיר הביא מאפיר עצי אלמגים הרבה מאד ואבן יקרה׃

  6. 1 מְלָכִים י׳:י״ב

    ויעש המלך את עצי האלמגים מסעד לבית יהוה ולבית המלך וכנרות ונבלים לשרים לא בא כן עצי אלמגים ולא נראה עד היום הזה׃

  7. 1 מְלָכִים י׳:י״ג

    והמלך שלמה נתן למלכת שבא את כל חפצה אשר שאלה מלבד אשר נתן לה כיד המלך שלמה ותפן ותלך לארצה היא ועבדיה׃

  8. 1 מְלָכִים י׳:י״ד

    ויהי משקל הזהב אשר בא לשלמה בשנה אחת שש מאות ששים ושש ככר זהב׃

  9. 1 מְלָכִים י׳:ט״ו

    לבד מאנשי התרים ומסחר הרכלים וכל מלכי הערב ופחות הארץ׃

  10. 1 מְלָכִים י׳:ט״ז

    ויעש המלך שלמה מאתים צנה זהב שחוט שש מאות זהב יעלה על הצנה האחת׃

  11. 1 מְלָכִים י׳:י״ז

    ושלש מאות מגנים זהב שחוט שלשת מנים זהב יעלה על המגן האחת ויתנם המלך בית יער הלבנון׃

  12. 1 מְלָכִים י׳:י״ח

    ויעש המלך כסא שן גדול ויצפהו זהב מופז׃

  13. 1 מְלָכִים י׳:י״ט

    שש מעלות לכסה וראש עגל לכסה מאחריו וידת מזה ומזה אל מקום השבת ושנים אריות עמדים אצל הידות׃

  14. 1 מְלָכִים י׳:כ׳

    ושנים עשר אריים עמדים שם על שש המעלות מזה ומזה לא נעשה כן לכל ממלכות׃

  15. 1 מְלָכִים י׳:כ״א

    וכל כלי משקה המלך שלמה זהב וכל כלי בית יער הלבנון זהב סגור אין כסף לא נחשב בימי שלמה למאומה׃

  16. 1 מְלָכִים י׳:כ״ב

    כי אני תרשיש למלך בים עם אני חירם אחת לשלש שנים תבוא אני תרשיש נשאת זהב וכסף שנהבים וקפים ותכיים׃

  17. 1 מְלָכִים י׳:כ״ג

    ויגדל המלך שלמה מכל מלכי הארץ לעשר ולחכמה׃

  18. 1 מְלָכִים י׳:כ״ד

    וכל הארץ מבקשים את פני שלמה לשמע את חכמתו אשר נתן אלהים בלבו׃

  19. 1 מְלָכִים י׳:כ״ו

    ויאסף שלמה רכב ופרשים ויהי לו אלף וארבע מאות רכב ושנים עשר אלף פרשים וינחם בערי הרכב ועם המלך בירושלם׃

  20. 1 מְלָכִים י׳:כ״ז

    ויתן המלך את הכסף בירושלם כאבנים ואת הארזים נתן כשקמים אשר בשפלה לרב׃

  21. 1 מְלָכִים י׳:כ״ח

    ומוצא הסוסים אשר לשלמה ממצרים ומקוה סחרי המלך יקחו מקוה במחיר׃

  22. 1 מְלָכִים י׳:כ״ט

    ותעלה ותצא מרכבה ממצרים בשש מאות כסף וסוס בחמשים ומאה וכן לכל מלכי החתים ולמלכי ארם בידם יצאו׃

  23. 1 מְלָכִים י״א:א׳

    ¶ והמלך שלמה אהב נשים נכריות רבות ואת בת פרעה מואביות עמניות אדמית צדנית חתית׃

  24. 1 מְלָכִים י״א:ב׳

    מן הגוים אשר אמר יהוה אל בני ישראל לא תבאו בהם והם לא יבאו בכם אכן יטו את לבבכם אחרי אלהיהם בהם דבק שלמה לאהבה׃

  25. 1 מְלָכִים י״א:ג׳

    ויהי לו נשים שרות שבע מאות ופלגשים שלש מאות ויטו נשיו את לבו׃