פסוקים על Samuel

135 פסוקים · 22 היבטים

פסוקי מפתח

סינון לפי ספר
  1. 1 שְׁמוּאֵל י״ב:ה׳

    ויאמר אליהם עד יהוה בכם ועד משיחו היום הזה כי לא מצאתם בידי מאומה ויאמר עד׃

  2. 1 שְׁמוּאֵל י״ג:י״א

    ויאמר שמואל מה עשית ויאמר שאול כי ראיתי כי נפץ העם מעלי ואתה לא באת למועד הימים ופלשתים נאספים מכמש׃

  3. 1 שְׁמוּאֵל י״ג:י״ב

    ואמר עתה ירדו פלשתים אלי הגלגל ופני יהוה לא חליתי ואתאפק ואעלה העלה׃

  4. 1 שְׁמוּאֵל י״ג:י״ג

    ויאמר שמואל אל שאול נסכלת לא שמרת את מצות יהוה אלהיך אשר צוך כי עתה הכין יהוה את ממלכתך אל ישראל עד עולם׃

  5. 1 שְׁמוּאֵל י״ג:י״ד

    ועתה ממלכתך לא תקום בקש יהוה לו איש כלבבו ויצוהו יהוה לנגיד על עמו כי לא שמרת את אשר צוך יהוה׃

  6. 1 שְׁמוּאֵל י״ג:ט״ו

    ויקם שמואל ויעל מן הגלגל גבעת בנימן ויפקד שאול את העם הנמצאים עמו כשש מאות איש׃

  7. 1 שְׁמוּאֵל י״ט:י״ח

    ודוד ברח וימלט ויבא אל שמואל הרמתה ויגד לו את כל אשר עשה לו שאול וילך הוא ושמואל וישבו בנוית׃

  8. 1 שְׁמוּאֵל כ״ה:א׳

    ¶ וימת שמואל ויקבצו כל ישראל ויספדו לו ויקברהו בביתו ברמה ויקם דוד וירד אל מדבר פארן׃

  9. 1 שְׁמוּאֵל כ״ח:ג׳

    ושמואל מת ויספדו לו כל ישראל ויקברהו ברמה ובעירו ושאול הסיר האבות ואת הידענים מהארץ׃

  10. 1 שְׁמוּאֵל כ״ח:ד׳

    ויקבצו פלשתים ויבאו ויחנו בשונם ויקבץ שאול את כל ישראל ויחנו בגלבע׃

  11. 1 שְׁמוּאֵל כ״ח:ה׳

    וירא שאול את מחנה פלשתים וירא ויחרד לבו מאד׃

  12. 1 שְׁמוּאֵל כ״ח:ו׳

    וישאל שאול ביהוה ולא ענהו יהוה גם בחלמות גם באורים גם בנביאם׃

  13. 1 שְׁמוּאֵל כ״ח:ז׳

    ויאמר שאול לעבדיו בקשו לי אשת בעלת אוב ואלכה אליה ואדרשה בה ויאמרו עבדיו אליו הנה אשת בעלת אוב בעין דור׃

  14. 1 שְׁמוּאֵל כ״ח:ח׳

    ויתחפש שאול וילבש בגדים אחרים וילך הוא ושני אנשים עמו ויבאו אל האשה לילה ויאמר קסומי נא לי באוב והעלי לי את אשר אמר אליך׃

  15. 1 שְׁמוּאֵל כ״ח:ט׳

    ותאמר האשה אליו הנה אתה ידעת את אשר עשה שאול אשר הכרית את האבות ואת הידעני מן הארץ ולמה אתה מתנקש בנפשי להמיתני׃

  16. 1 שְׁמוּאֵל כ״ח:י׳

    וישבע לה שאול ביהוה לאמר חי יהוה אם יקרך עון בדבר הזה׃

  17. 1 שְׁמוּאֵל כ״ח:י״א

    ותאמר האשה את מי אעלה לך ויאמר את שמואל העלי לי׃

  18. 1 שְׁמוּאֵל כ״ח:י״ב

    ותרא האשה את שמואל ותזעק בקול גדול ותאמר האשה אל שאול לאמר למה רמיתני ואתה שאול׃

  19. 1 שְׁמוּאֵל כ״ח:י״ג

    ויאמר לה המלך אל תיראי כי מה ראית ותאמר האשה אל שאול אלהים ראיתי עלים מן הארץ׃

  20. 1 שְׁמוּאֵל כ״ח:י״ד

    ויאמר לה מה תארו ותאמר איש זקן עלה והוא עטה מעיל וידע שאול כי שמואל הוא ויקד אפים ארצה וישתחו׃

  21. 1 שְׁמוּאֵל כ״ח:ט״ו

    ויאמר שמואל אל שאול למה הרגזתני להעלות אתי ויאמר שאול צר לי מאד ופלשתים נלחמים בי ואלהים סר מעלי ולא ענני עוד גם ביד הנביאם גם בחלמות ואקראה לך להודיעני מה אעשה׃

  22. 1 שְׁמוּאֵל כ״ח:ט״ז

    ויאמר שמואל ולמה תשאלני ויהוה סר מעליך ויהי ערך׃

  23. 1 שְׁמוּאֵל כ״ח:י״ז

    ויעש יהוה לו כאשר דבר בידי ויקרע יהוה את הממלכה מידך ויתנה לרעך לדוד׃

  24. 1 שְׁמוּאֵל כ״ח:י״ח

    כאשר לא שמעת בקול יהוה ולא עשית חרון אפו בעמלק על כן הדבר הזה עשה לך יהוה היום הזה׃

  25. 1 שְׁמוּאֵל כ״ח:י״ט

    ויתן יהוה גם את ישראל עמך ביד פלשתים ומחר אתה ובניך עמי גם את מחנה ישראל יתן יהוה ביד פלשתים׃