Mizpah

30 verses · 2 known names

ידוע גם בשם: Mizpeh

31.8300, 35.1800 הצג במפות גוגל

פסוקים המזכירים את Mizpah

סינון לפי ספר
  1. שֹׁפְטִים כ׳:א׳

    ¶ ויצאו כל בני ישראל ותקהל העדה כאיש אחד למדן ועד באר שבע וארץ הגלעד אל יהוה המצפה׃

  2. שֹׁפְטִים כ׳:ג׳

    וישמעו בני בנימן כי עלו בני ישראל המצפה ויאמרו בני ישראל דברו איכה נהיתה הרעה הזאת׃

  3. שֹׁפְטִים כ״א:א׳

    ¶ ואיש ישראל נשבע במצפה לאמר איש ממנו לא יתן בתו לבנימן לאשה׃

  4. שֹׁפְטִים כ״א:ה׳

    ויאמרו בני ישראל מי אשר לא עלה בקהל מכל שבטי ישראל אל יהוה כי השבועה הגדולה היתה לאשר לא עלה אל יהוה המצפה לאמר מות יומת׃

  5. שֹׁפְטִים כ״א:ח׳

    ויאמרו מי אחד משבטי ישראל אשר לא עלה אל יהוה המצפה והנה לא בא איש אל המחנה מיביש גלעד אל הקהל׃

  6. 1 שְׁמוּאֵל ז׳:ה׳

    ויאמר שמואל קבצו את כל ישראל המצפתה ואתפלל בעדכם אל יהוה׃

  7. 1 שְׁמוּאֵל ז׳:ו׳

    ויקבצו המצפתה וישאבו מים וישפכו לפני יהוה ויצומו ביום ההוא ויאמרו שם חטאנו ליהוה וישפט שמואל את בני ישראל במצפה׃

  8. 1 שְׁמוּאֵל ז׳:ז׳

    וישמעו פלשתים כי התקבצו בני ישראל המצפתה ויעלו סרני פלשתים אל ישראל וישמעו בני ישראל ויראו מפני פלשתים׃

  9. 1 שְׁמוּאֵל ז׳:י״א

    ויצאו אנשי ישראל מן המצפה וירדפו את פלשתים ויכום עד מתחת לבית כר׃

  10. 1 שְׁמוּאֵל ז׳:י״ב

    ויקח שמואל אבן אחת וישם בין המצפה ובין השן ויקרא את שמה אבן העזר ויאמר עד הנה עזרנו יהוה׃

  11. 1 שְׁמוּאֵל ז׳:ט״ז

    והלך מדי שנה בשנה וסבב בית אל והגלגל והמצפה ושפט את ישראל את כל המקומות האלה׃

  12. 1 שְׁמוּאֵל י׳:י״ז

    ויצעק שמואל את העם אל יהוה המצפה׃

  13. 2 מְלָכִים כ״ה:כ״ג

    וישמעו כל שרי החילים המה והאנשים כי הפקיד מלך בבל את גדליהו ויבאו אל גדליהו המצפה וישמעאל בן נתניה ויוחנן בן קרח ושריה בן תנחמת הנטפתי ויאזניהו בן המעכתי המה ואנשיהם׃

  14. 2 מְלָכִים כ״ה:כ״ה

    ויהי בחדש השביעי בא ישמעאל בן נתניה בן אלישמע מזרע המלוכה ועשרה אנשים אתו ויכו את גדליהו וימת ואת היהודים ואת הכשדים אשר היו אתו במצפה׃

  15. 2 דִּבְרֵי הַיָּמִים ט״ז:ו׳

    ואסא המלך לקח את כל יהודה וישאו את אבני הרמה ואת עציה אשר בנה בעשא ויבן בהם את גבע ואת המצפה׃

  16. נחמיה ג׳:ז׳

    ועל ידם החזיק מלטיה הגבעני וידון המרנתי אנשי גבעון והמצפה לכסא פחת עבר הנהר׃

  17. נחמיה ג׳:ט״ו

    ואת שער העין החזיק שלון בן כל חזה שר פלך המצפה הוא יבננו ויטללנו ויעמידו דלתתיו מנעליו ובריחיו ואת חומת ברכת השלח לגן המלך ועד המעלות היורדות מעיר דויד׃

  18. נחמיה ג׳:י״ט

    ויחזק על ידו עזר בן ישוע שר המצפה מדה שנית מנגד עלת הנשק המקצע׃

  19. יִרְמְיָהוּ מ׳:ו׳

    ויבא ירמיהו אל גדליה בן אחיקם המצפתה וישב אתו בתוך העם הנשארים בארץ׃

  20. יִרְמְיָהוּ מ׳:ח׳

    ויבאו אל גדליה המצפתה וישמעאל בן נתניהו ויוחנן ויונתן בני קרח ושריה בן תנחמת ובני עופי הנטפתי ויזניהו בן המעכתי המה ואנשיהם׃

  21. יִרְמְיָהוּ מ׳:י׳

    ואני הנני ישב במצפה לעמד לפני הכשדים אשר יבאו אלינו ואתם אספו יין וקיץ ושמן ושמו בכליכם ושבו בעריכם אשר תפשתם׃

  22. יִרְמְיָהוּ מ׳:י״ב

    וישבו כל היהודים מכל המקמות אשר נדחו שם ויבאו ארץ יהודה אל גדליהו המצפתה ויאספו יין וקיץ הרבה מאד׃

  23. יִרְמְיָהוּ מ׳:י״ג

    ויוחנן בן קרח וכל שרי החילים אשר בשדה באו אל גדליהו המצפתה׃

  24. יִרְמְיָהוּ מ׳:ט״ו

    ויוחנן בן קרח אמר אל גדליהו בסתר במצפה לאמר אלכה נא ואכה את ישמעאל בן נתניה ואיש לא ידע למה יככה נפש ונפצו כל יהודה הנקבצים אליך ואבדה שארית יהודה׃

  25. יִרְמְיָהוּ מ״א:א׳

    ¶ ויהי בחדש השביעי בא ישמעאל בן נתניה בן אלישמע מזרע המלוכה ורבי המלך ועשרה אנשים אתו אל גדליהו בן אחיקם המצפתה ויאכלו שם לחם יחדו במצפה׃