פסוקים על Samuel

135 פסוקים · 22 היבטים

פסוקי מפתח

סינון לפי ספר
  1. 1 שְׁמוּאֵל ח׳:ו׳

    וירע הדבר בעיני שמואל כאשר אמרו תנה לנו מלך לשפטנו ויתפלל שמואל אל יהוה׃

  2. 1 שְׁמוּאֵל ח׳:ז׳

    ויאמר יהוה אל שמואל שמע בקול העם לכל אשר יאמרו אליך כי לא אתך מאסו כי אתי מאסו ממלך עליהם׃

  3. 1 שְׁמוּאֵל ח׳:ח׳

    ככל המעשים אשר עשו מיום העלתי אתם ממצרים ועד היום הזה ויעזבני ויעבדו אלהים אחרים כן המה עשים גם לך׃

  4. 1 שְׁמוּאֵל ח׳:ט׳

    ועתה שמע בקולם אך כי העד תעיד בהם והגדת להם משפט המלך אשר ימלך עליהם׃

  5. 1 שְׁמוּאֵל ח׳:י׳

    ויאמר שמואל את כל דברי יהוה אל העם השאלים מאתו מלך׃

  6. 1 שְׁמוּאֵל ח׳:י״א

    ויאמר זה יהיה משפט המלך אשר ימלך עליכם את בניכם יקח ושם לו במרכבתו ובפרשיו ורצו לפני מרכבתו׃

  7. 1 שְׁמוּאֵל ח׳:י״ב

    ולשום לו שרי אלפים ושרי חמשים ולחרש חרישו ולקצר קצירו ולעשות כלי מלחמתו וכלי רכבו׃

  8. 1 שְׁמוּאֵל ח׳:י״ג

    ואת בנותיכם יקח לרקחות ולטבחות ולאפות׃

  9. 1 שְׁמוּאֵל ח׳:י״ד

    ואת שדותיכם ואת כרמיכם וזיתיכם הטובים יקח ונתן לעבדיו׃

  10. 1 שְׁמוּאֵל ח׳:ט״ו

    וזרעיכם וכרמיכם יעשר ונתן לסריסיו ולעבדיו׃

  11. 1 שְׁמוּאֵל ח׳:ט״ז

    ואת עבדיכם ואת שפחותיכם ואת בחוריכם הטובים ואת חמוריכם יקח ועשה למלאכתו׃

  12. 1 שְׁמוּאֵל ח׳:י״ז

    צאנכם יעשר ואתם תהיו לו לעבדים׃

  13. 1 שְׁמוּאֵל ח׳:י״ח

    וזעקתם ביום ההוא מלפני מלככם אשר בחרתם לכם ולא יענה יהוה אתכם ביום ההוא׃

  14. 1 שְׁמוּאֵל ח׳:י״ט

    וימאנו העם לשמע בקול שמואל ויאמרו לא כי אם מלך יהיה עלינו׃

  15. 1 שְׁמוּאֵל ח׳:כ׳

    והיינו גם אנחנו ככל הגוים ושפטנו מלכנו ויצא לפנינו ונלחם את מלחמתנו׃

  16. 1 שְׁמוּאֵל ח׳:כ״א

    וישמע שמואל את כל דברי העם וידברם באזני יהוה׃

  17. 1 שְׁמוּאֵל ח׳:כ״ב

    ויאמר יהוה אל שמואל שמע בקולם והמלכת להם מלך ויאמר שמואל אל אנשי ישראל לכו איש לעירו׃

  18. 1 שְׁמוּאֵל י״א:י״ב

    ויאמר העם אל שמואל מי האמר שאול ימלך עלינו תנו האנשים ונמיתם׃

  19. 1 שְׁמוּאֵל י״א:י״ג

    ויאמר שאול לא יומת איש ביום הזה כי היום עשה יהוה תשועה בישראל׃

  20. 1 שְׁמוּאֵל י״א:י״ד

    ויאמר שמואל אל העם לכו ונלכה הגלגל ונחדש שם המלוכה׃

  21. 1 שְׁמוּאֵל י״א:ט״ו

    וילכו כל העם הגלגל וימלכו שם את שאול לפני יהוה בגלגל ויזבחו שם זבחים שלמים לפני יהוה וישמח שם שאול וכל אנשי ישראל עד מאד׃

  22. 1 שְׁמוּאֵל י״ב:א׳

    ¶ ויאמר שמואל אל כל ישראל הנה שמעתי בקלכם לכל אשר אמרתם לי ואמליך עליכם מלך׃

  23. 1 שְׁמוּאֵל י״ב:ב׳

    ועתה הנה המלך מתהלך לפניכם ואני זקנתי ושבתי ובני הנם אתכם ואני התהלכתי לפניכם מנערי עד היום הזה׃

  24. 1 שְׁמוּאֵל י״ב:ג׳

    הנני ענו בי נגד יהוה ונגד משיחו את שור מי לקחתי וחמור מי לקחתי ואת מי עשקתי את מי רצותי ומיד מי לקחתי כפר ואעלים עיני בו ואשיב לכם׃

  25. 1 שְׁמוּאֵל י״ב:ד׳

    ויאמרו לא עשקתנו ולא רצותנו ולא לקחת מיד איש מאומה׃