circa 1010–970 BC

The Reign of David

David unites the tribes, conquers Jerusalem, and establishes Israel's golden age—even through deep personal failure.

1,230 פסוקים · 2 ספרים נכללים

פסוקים מתקופה זו

סדר הכתובים לפי תאריך
סינון לפי ספר
  1. 2 שְׁמוּאֵל ח׳:י״דבערך 1040 לפנה״ס

    וישם באדום נצבים בכל אדום שם נצבים ויהי כל אדום עבדים לדוד ויושע יהוה את דוד בכל אשר הלך׃

  2. 2 שְׁמוּאֵל ח׳:ט״ובערך 1040 לפנה״ס

    וימלך דוד על כל ישראל ויהי דוד עשה משפט וצדקה לכל עמו׃

  3. 2 שְׁמוּאֵל ח׳:ט״זבערך 1040 לפנה״ס

    ויואב בן צרויה על הצבא ויהושפט בן אחילוד מזכיר׃

  4. 2 שְׁמוּאֵל ח׳:י״זבערך 1040 לפנה״ס

    וצדוק בן אחיטוב ואחימלך בן אביתר כהנים ושריה סופר׃

  5. 2 שְׁמוּאֵל ח׳:י״חבערך 1040 לפנה״ס

    ובניהו בן יהוידע והכרתי והפלתי ובני דוד כהנים היו׃

  6. 2 שְׁמוּאֵל ט׳:א׳בערך 1040 לפנה״ס

    ¶ ויאמר דוד הכי יש עוד אשר נותר לבית שאול ואעשה עמו חסד בעבור יהונתן׃

  7. 2 שְׁמוּאֵל ט׳:ב׳בערך 1040 לפנה״ס

    ולבית שאול עבד ושמו ציבא ויקראו לו אל דוד ויאמר המלך אליו האתה ציבא ויאמר עבדך׃

  8. 2 שְׁמוּאֵל ט׳:ג׳בערך 1040 לפנה״ס

    ויאמר המלך האפס עוד איש לבית שאול ואעשה עמו חסד אלהים ויאמר ציבא אל המלך עוד בן ליהונתן נכה רגלים׃

  9. 2 שְׁמוּאֵל ט׳:ד׳בערך 1040 לפנה״ס

    ויאמר לו המלך איפה הוא ויאמר ציבא אל המלך הנה הוא בית מכיר בן עמיאל בלו דבר׃

  10. 2 שְׁמוּאֵל ט׳:ה׳בערך 1040 לפנה״ס

    וישלח המלך דוד ויקחהו מבית מכיר בן עמיאל מלו דבר׃

  11. 2 שְׁמוּאֵל ט׳:ו׳בערך 1040 לפנה״ס

    ויבא מפיבשת בן יהונתן בן שאול אל דוד ויפל על פניו וישתחו ויאמר דוד מפיבשת ויאמר הנה עבדך׃

  12. 2 שְׁמוּאֵל ט׳:ז׳בערך 1040 לפנה״ס

    ויאמר לו דוד אל תירא כי עשה אעשה עמך חסד בעבור יהונתן אביך והשבתי לך את כל שדה שאול אביך ואתה תאכל לחם על שלחני תמיד׃

  13. 2 שְׁמוּאֵל ט׳:ח׳בערך 1040 לפנה״ס

    וישתחו ויאמר מה עבדך כי פנית אל הכלב המת אשר כמוני׃

  14. 2 שְׁמוּאֵל ט׳:ט׳בערך 1040 לפנה״ס

    ויקרא המלך אל ציבא נער שאול ויאמר אליו כל אשר היה לשאול ולכל ביתו נתתי לבן אדניך׃

  15. 2 שְׁמוּאֵל ט׳:י׳בערך 1040 לפנה״ס

    ועבדת לו את האדמה אתה ובניך ועבדיך והבאת והיה לבן אדניך לחם ואכלו ומפיבשת בן אדניך יאכל תמיד לחם על שלחני ולציבא חמשה עשר בנים ועשרים עבדים׃

  16. 2 שְׁמוּאֵל ט׳:י״אבערך 1040 לפנה״ס

    ויאמר ציבא אל המלך ככל אשר יצוה אדני המלך את עבדו כן יעשה עבדך ומפיבשת אכל על שלחני כאחד מבני המלך׃

  17. 2 שְׁמוּאֵל ט׳:י״בבערך 1040 לפנה״ס

    ולמפיבשת בן קטן ושמו מיכא וכל מושב בית ציבא עבדים למפיבשת׃

  18. 2 שְׁמוּאֵל ט׳:י״גבערך 1040 לפנה״ס

    ומפיבשת ישב בירושלם כי על שלחן המלך תמיד הוא אכל והוא פסח שתי רגליו׃

  19. 2 שְׁמוּאֵל י׳:א׳בערך 1037 לפנה״ס

    ¶ ויהי אחרי כן וימת מלך בני עמון וימלך חנון בנו תחתיו׃

  20. 2 שְׁמוּאֵל י׳:ב׳בערך 1037 לפנה״ס

    ויאמר דוד אעשה חסד עם חנון בן נחש כאשר עשה אביו עמדי חסד וישלח דוד לנחמו ביד עבדיו אל אביו ויבאו עבדי דוד ארץ בני עמון׃

  21. 2 שְׁמוּאֵל י׳:ג׳בערך 1037 לפנה״ס

    ויאמרו שרי בני עמון אל חנון אדניהם המכבד דוד את אביך בעיניך כי שלח לך מנחמים הלוא בעבור חקור את העיר ולרגלה ולהפכה שלח דוד את עבדיו אליך׃

  22. 2 שְׁמוּאֵל י׳:ד׳בערך 1037 לפנה״ס

    ויקח חנון את עבדי דוד ויגלח את חצי זקנם ויכרת את מדויהם בחצי עד שתותיהם וישלחם׃

  23. 2 שְׁמוּאֵל י׳:ה׳בערך 1037 לפנה״ס

    ויגדו לדוד וישלח לקראתם כי היו האנשים נכלמים מאד ויאמר המלך שבו בירחו עד יצמח זקנכם ושבתם׃

  24. 2 שְׁמוּאֵל י׳:ו׳בערך 1037 לפנה״ס

    ויראו בני עמון כי נבאשו בדוד וישלחו בני עמון וישכרו את ארם בית רחוב ואת ארם צובא עשרים אלף רגלי ואת מלך מעכה אלף איש ואיש טוב שנים עשר אלף איש׃

  25. 2 שְׁמוּאֵל י׳:ז׳בערך 1037 לפנה״ס

    וישמע דוד וישלח את יואב ואת כל הצבא הגברים׃