circa 1010–970 BC

The Reign of David

David unites the tribes, conquers Jerusalem, and establishes Israel's golden age—even through deep personal failure.

1,230 פסוקים · 2 ספרים נכללים

פסוקים מתקופה זו

סדר הכתובים לפי תאריך
סינון לפי ספר
  1. 2 שְׁמוּאֵל י׳:ח׳בערך 1037 לפנה״ס

    ויצאו בני עמון ויערכו מלחמה פתח השער וארם צובא ורחוב ואיש טוב ומעכה לבדם בשדה׃

  2. 2 שְׁמוּאֵל י׳:ט׳בערך 1037 לפנה״ס

    וירא יואב כי היתה אליו פני המלחמה מפנים ומאחור ויבחר מכל בחורי בישראל ויערך לקראת ארם׃

  3. 2 שְׁמוּאֵל י׳:י׳בערך 1037 לפנה״ס

    ואת יתר העם נתן ביד אבשי אחיו ויערך לקראת בני עמון׃

  4. 2 שְׁמוּאֵל י׳:י״אבערך 1037 לפנה״ס

    ויאמר אם תחזק ארם ממני והיתה לי לישועה ואם בני עמון יחזקו ממך והלכתי להושיע לך׃

  5. 2 שְׁמוּאֵל י׳:י״בבערך 1037 לפנה״ס

    חזק ונתחזק בעד עמנו ובעד ערי אלהינו ויהוה יעשה הטוב בעיניו׃

  6. 2 שְׁמוּאֵל י׳:י״גבערך 1037 לפנה״ס

    ויגש יואב והעם אשר עמו למלחמה בארם וינסו מפניו׃

  7. 2 שְׁמוּאֵל י׳:י״דבערך 1037 לפנה״ס

    ובני עמון ראו כי נס ארם וינסו מפני אבישי ויבאו העיר וישב יואב מעל בני עמון ויבא ירושלם׃

  8. 2 שְׁמוּאֵל י׳:ט״ובערך 1036 לפנה״ס

    וירא ארם כי נגף לפני ישראל ויאספו יחד׃

  9. 2 שְׁמוּאֵל י׳:ט״זבערך 1036 לפנה״ס

    וישלח הדדעזר ויצא את ארם אשר מעבר הנהר ויבאו חילם ושובך שר צבא הדדעזר לפניהם׃

  10. 2 שְׁמוּאֵל י׳:י״זבערך 1036 לפנה״ס

    ויגד לדוד ויאסף את כל ישראל ויעבר את הירדן ויבא חלאמה ויערכו ארם לקראת דוד וילחמו עמו׃

  11. 2 שְׁמוּאֵל י׳:י״חבערך 1036 לפנה״ס

    וינס ארם מפני ישראל ויהרג דוד מארם שבע מאות רכב וארבעים אלף פרשים ואת שובך שר צבאו הכה וימת שם׃

  12. 2 שְׁמוּאֵל י׳:י״טבערך 1036 לפנה״ס

    ויראו כל המלכים עבדי הדדעזר כי נגפו לפני ישראל וישלמו את ישראל ויעבדום ויראו ארם להושיע עוד את בני עמון׃

  13. 2 שְׁמוּאֵל י״א:א׳בערך 1035 לפנה״ס

    ¶ ויהי לתשובת השנה לעת צאת המלאכים וישלח דוד את יואב ואת עבדיו עמו ואת כל ישראל וישחתו את בני עמון ויצרו על רבה ודוד יושב בירושלם׃

  14. 2 שְׁמוּאֵל י״א:ב׳בערך 1035 לפנה״ס

    ויהי לעת הערב ויקם דוד מעל משכבו ויתהלך על גג בית המלך וירא אשה רחצת מעל הגג והאשה טובת מראה מאד׃

  15. 2 שְׁמוּאֵל י״א:ג׳בערך 1035 לפנה״ס

    וישלח דוד וידרש לאשה ויאמר הלוא זאת בת שבע בת אליעם אשת אוריה החתי׃

  16. 2 שְׁמוּאֵל י״א:ד׳בערך 1035 לפנה״ס

    וישלח דוד מלאכים ויקחה ותבוא אליו וישכב עמה והיא מתקדשת מטמאתה ותשב אל ביתה׃

  17. 2 שְׁמוּאֵל י״א:ה׳בערך 1035 לפנה״ס

    ותהר האשה ותשלח ותגד לדוד ותאמר הרה אנכי׃

  18. 2 שְׁמוּאֵל י״א:ו׳בערך 1035 לפנה״ס

    וישלח דוד אל יואב שלח אלי את אוריה החתי וישלח יואב את אוריה אל דוד׃

  19. 2 שְׁמוּאֵל י״א:ז׳בערך 1035 לפנה״ס

    ויבא אוריה אליו וישאל דוד לשלום יואב ולשלום העם ולשלום המלחמה׃

  20. 2 שְׁמוּאֵל י״א:ח׳בערך 1035 לפנה״ס

    ויאמר דוד לאוריה רד לביתך ורחץ רגליך ויצא אוריה מבית המלך ותצא אחריו משאת המלך׃

  21. 2 שְׁמוּאֵל י״א:ט׳בערך 1035 לפנה״ס

    וישכב אוריה פתח בית המלך את כל עבדי אדניו ולא ירד אל ביתו׃

  22. 2 שְׁמוּאֵל י״א:י׳בערך 1035 לפנה״ס

    ויגדו לדוד לאמר לא ירד אוריה אל ביתו ויאמר דוד אל אוריה הלוא מדרך אתה בא מדוע לא ירדת אל ביתך׃

  23. 2 שְׁמוּאֵל י״א:י״אבערך 1035 לפנה״ס

    ויאמר אוריה אל דוד הארון וישראל ויהודה ישבים בסכות ואדני יואב ועבדי אדני על פני השדה חנים ואני אבוא אל ביתי לאכל ולשתות ולשכב עם אשתי חיך וחי נפשך אם אעשה את הדבר הזה׃

  24. 2 שְׁמוּאֵל י״א:י״בבערך 1035 לפנה״ס

    ויאמר דוד אל אוריה שב בזה גם היום ומחר אשלחך וישב אוריה בירושלם ביום ההוא וממחרת׃

  25. 2 שְׁמוּאֵל י״א:י״גבערך 1035 לפנה״ס

    ויקרא לו דוד ויאכל לפניו וישת וישכרהו ויצא בערב לשכב במשכבו עם עבדי אדניו ואל ביתו לא ירד׃