circa 1010–970 BC

The Reign of David

David unites the tribes, conquers Jerusalem, and establishes Israel's golden age—even through deep personal failure.

1,230 פסוקים · 2 ספרים נכללים

פסוקים מתקופה זו

2 שְׁמוּאֵל ו׳:ט״זבערך תמ״ב לפנה״ס
והיה ארון יהוה בא עיר דוד ומיכל בת שאול נשקפה בעד החלון ותרא את המלך דוד מפזז ומכרכר לפני יהוה ותבז לו בלבה׃
2 שְׁמוּאֵל ו׳:י״זבערך תמ״ב לפנה״ס
ויבאו את ארון יהוה ויצגו אתו במקומו בתוך האהל אשר נטה לו דוד ויעל דוד עלות לפני יהוה ושלמים׃
2 שְׁמוּאֵל ו׳:י״חבערך תמ״ב לפנה״ס
ויכל דוד מהעלות העולה והשלמים ויברך את העם בשם יהוה צבאות׃
2 שְׁמוּאֵל ו׳:י״טבערך תמ״ב לפנה״ס
ויחלק לכל העם לכל המון ישראל למאיש ועד אשה לאיש חלת לחם אחת ואשפר אחד ואשישה אחת וילך כל העם איש לביתו׃
2 שְׁמוּאֵל ו׳:כ׳בערך תמ״ב לפנה״ס
וישב דוד לברך את ביתו ותצא מיכל בת שאול לקראת דוד ותאמר מה נכבד היום מלך ישראל אשר נגלה היום לעיני אמהות עבדיו כהגלות נגלות אחד הרקים׃
2 שְׁמוּאֵל ו׳:כ״אבערך תמ״ב לפנה״ס
ויאמר דוד אל מיכל לפני יהוה אשר בחר בי מאביך ומכל ביתו לצות אתי נגיד על עם יהוה על ישראל ושחקתי לפני יהוה׃
2 שְׁמוּאֵל ו׳:כ״בבערך תמ״ב לפנה״ס
ונקלתי עוד מזאת והייתי שפל בעיני ועם האמהות אשר אמרת עמם אכבדה׃
2 שְׁמוּאֵל ו׳:כ״גבערך תמ״ב לפנה״ס
ולמיכל בת שאול לא היה לה ילד עד יום מותה׃
2 שְׁמוּאֵל ז׳:א׳בערך תמ״ב לפנה״ס
¶ ויהי כי ישב המלך בביתו ויהוה הניח לו מסביב מכל איביו׃
2 שְׁמוּאֵל ז׳:ב׳בערך תמ״ב לפנה״ס
ויאמר המלך אל נתן הנביא ראה נא אנכי יושב בבית ארזים וארון האלהים ישב בתוך היריעה׃
2 שְׁמוּאֵל ז׳:ג׳בערך תמ״ב לפנה״ס
ויאמר נתן אל המלך כל אשר בלבבך לך עשה כי יהוה עמך׃
2 שְׁמוּאֵל ז׳:ד׳בערך תמ״ב לפנה״ס
ויהי בלילה ההוא ויהי דבר יהוה אל נתן לאמר׃
2 שְׁמוּאֵל ז׳:ה׳בערך תמ״ב לפנה״ס
לך ואמרת אל עבדי אל דוד כה אמר יהוה האתה תבנה לי בית לשבתי׃
2 שְׁמוּאֵל ז׳:ו׳בערך תמ״ב לפנה״ס
כי לא ישבתי בבית למיום העלתי את בני ישראל ממצרים ועד היום הזה ואהיה מתהלך באהל ובמשכן׃
2 שְׁמוּאֵל ז׳:ז׳בערך תמ״ב לפנה״ס
בכל אשר התהלכתי בכל בני ישראל הדבר דברתי את אחד שבטי ישראל אשר צויתי לרעות את עמי את ישראל לאמר למה לא בניתם לי בית ארזים׃
2 שְׁמוּאֵל ז׳:ח׳בערך תמ״ב לפנה״ס
ועתה כה תאמר לעבדי לדוד כה אמר יהוה צבאות אני לקחתיך מן הנוה מאחר הצאן להיות נגיד על עמי על ישראל׃
2 שְׁמוּאֵל ז׳:ט׳בערך תמ״ב לפנה״ס
ואהיה עמך בכל אשר הלכת ואכרתה את כל איביך מפניך ועשתי לך שם גדול כשם הגדלים אשר בארץ׃
2 שְׁמוּאֵל ז׳:י׳בערך תמ״ב לפנה״ס
ושמתי מקום לעמי לישראל ונטעתיו ושכן תחתיו ולא ירגז עוד ולא יסיפו בני עולה לענותו כאשר בראשונה׃
2 שְׁמוּאֵל ז׳:י״אבערך תמ״ב לפנה״ס
ולמן היום אשר צויתי שפטים על עמי ישראל והניחתי לך מכל איביך והגיד לך יהוה כי בית יעשה לך יהוה׃
2 שְׁמוּאֵל ז׳:י״בבערך תמ״ב לפנה״ס
כי ימלאו ימיך ושכבת את אבתיך והקימתי את זרעך אחריך אשר יצא ממעיך והכינתי את ממלכתו׃
2 שְׁמוּאֵל ז׳:י״גבערך תמ״ב לפנה״ס
הוא יבנה בית לשמי וכננתי את כסא ממלכתו עד עולם׃
2 שְׁמוּאֵל ז׳:י״דבערך תמ״ב לפנה״ס
אני אהיה לו לאב והוא יהיה לי לבן אשר בהעותו והכחתיו בשבט אנשים ובנגעי בני אדם׃
2 שְׁמוּאֵל ז׳:ט״ובערך תמ״ב לפנה״ס
וחסדי לא יסור ממנו כאשר הסרתי מעם שאול אשר הסרתי מלפניך׃
2 שְׁמוּאֵל ז׳:ט״זבערך תמ״ב לפנה״ס
ונאמן ביתך וממלכתך עד עולם לפניך כסאך יהיה נכון עד עולם׃
2 שְׁמוּאֵל ז׳:י״זבערך תמ״ב לפנה״ס
ככל הדברים האלה וככל החזיון הזה כן דבר נתן אל דוד׃

מציג 151–175 מתוך 1,230 פסוקים

הקודם 1...5 6 7 8 9...50 הבא